Juan 17:6 - Dios Iwene

⁶ Ina aebinobe: —Chabe'do, bidö chöba̧ja̧di̧ waisachadönö, böjȩnö ju̧kwadötjö kwiyinawönöma, jobadökwö ja̧nö ökwönö tjöwaisachibanö yöbawiachijatö. Jobadöma ökwöda kwiyinawö̧. Ja̧danö, jobadönöma ötjönö kwiyijatö chite'ada̧lobö. Ja̧danö, ökwö yökawi̧ yötawi̧ma a̧ja̧kwadö.

Juan 17:6 Iomraidhean Croise

Éxodo 9:16

Jo̧kwaijayonö 'yaka̧laduwinöda wetijatö chujulu chi̧sebi̧ma kwedaduwobö, ja̧danö böjenö ju̧kwadöma, okobe jwiinö böjenö tjöwaisachibakobetjö̧, Isabenö Jo̧ma jwiinö juluwo̧, jö̧ba̧lö.

Proverbios 2:10

Jao chitji̧, jobekwö ötjö yötawi̧ a̧ja̧kwö otiwanö kwö̧jobetjö̧ kwomajade okwa kwöwaisakwo̧ja jweinö omukwatö kwö̧jobö. Ja̧danö, jobekwö jweinö omukwatö kwö̧jobetjö̧ kwo̧'wo̧ ösöwanö kwö̧jakwo̧ja.

Proverbios 23:23

Chitji̧, kwö̧jima baikwö kwö̧jo: Omöna yötjawi̧ jawa a̧ja̧kwökönö isabenö ji̧ jawa yötjawi̧ma ösödö kwomajadenö kwanawo. Ja̧danö, jweinö omukwatö ja̧kwawa yötjawi̧ ösödö kwomajadenö kwanawo. Ja̧danö, jwebebö yötjawi̧ ösödö kwomajadönö kwanawo, jobekwöda chö̧jobö jo̧be jö̧ba̧lö. Ja̧danö, di̧ya sulojobö jö̧ba̧lö, di̧ya otiwojobö jö̧ba̧lö waisakwawama ösödö kwomajadenö kwanawo. Jobekwö omukwatö kwö̧jo chitji̧, ja̧ waisakwawa la'akatjöda kakatiboko.

Juan 1:18

Ja̧danö, bakwo̧bi deobe, Diosnö edo̧ma, damötjöbi babebi. Jo̧kwaijayonö Dios iteakwo̧ itji̧ma Diosnö edo̧. Ja̧danö, jo̧ba, Dabe'do Dios ile niebökwema, ökwödönö Diosnö döwaisachibanö öba̧ja̧dinobe.

Juan 12:28

Ikena abe'do Diosnö aebinobe: —Chabe'do ökwö jwiinö kwotiwi̧ma jojodönö i̧sekwi, ökwönö tjösödobö— aebinobe Jesúsma iteda Abe'donö. Jemi ikenama iwene ökwöinobe mölejȩbetjö, Dios jö̧a̧li̧ma: —Ida̧ökö, ötjö jwiinö chotiwi̧ma chi̧sekwijatö. Yemidanöbi chi̧sekwocha— jö̧ba̧lö.

Juan 15:19

Ökwödöma jojodö tjomukwati̧danö, böjȩ jawada omukwatö kwö̧jaduwitjö̧ma jojodöma ökwödönö tjösödena, Bidöma ökwödödanö omukwatadö, jö̧ba̧lö. Jo̧kwaijayonö ökwödöma böjȩ ja̧wada omukwatöködöja. Jejenö, böjȩ jawada kwomukwatiaduwiököwö̧ tjöpöjödakobe. Ja̧danö, ötjöma böjȩnö ju̧kwadötjö omudawö chujuninobe ökwödönöma, böjȩ jawa omukwatökönö kwo̧'wo̧ luwo̧duwi jawada omukwatadö bakibaduwinö ja̧bö. Jejenö ja̧nö kwomukwatiaduwiawö̧ yelösöda tjöpöjödakobe ökwödönöma—yöawinobe—.

Juan 15:3

Chömöledö ökwödöbi 'wibebö lobö otidajemi otiwanö wa̧jemi baibi̧danö ida̧ökö otiwanö babibinadöja. Ötjö chiwene a̧ja̧kwö kwo̧'wo̧ luwo̧duwinö ösödö do̧katinaduwobetjö̧ otiwanö babibinadöja, 'wibebö lobö otidajemi otiwanö wa̧jemi baibi̧danö—yöawinobe Jesúsma öba̧ja̧di̧ waisachadönöma—.

Juan 15:7

Ina yöawinobe: —Ötjökwö dötewinö ja̧duwi. Jejenö ötjökwö dötewinö ja̧nö, ötjö yötawi̧ kwo̧'wo̧ luwo̧duwinö omukwatö kwö̧jaduwitjö̧ma Chabe'donö akebaduwi̧ma okobe jwiinö a̧ja̧kwö pjabato̧.

Juan 17:12

Ina aebinobe: —Bidö, ökwö kwiyinawö̧kwö ja̧nö ökwö kwujulunö te'ada̧liachijatö Chabe'do, tjo̧'wo̧ luwo̧nö jelobekwö tji̧'yapji, jö̧ba̧lö. Jo̧kwaijayonö bakwo̧ma jelobekwö ile'dewibijatö, ba̧kwȩlö̧jatebö usula emawakwo̧ baibanö. Jo̧banöma damötjö Dios yöawi̧ tjiwȩyudinobe. Ja̧ tjiwȩyudinama badekwachinö jo̧bama jelobekwö ile'dewibijatö— aebinobe Jesúsma Abe'donö—.

Juan 17:14

Ja̧danö, bidö chöba̧ja̧di̧ waisachadönö ökwö yökawi̧ yötawi̧ma tjösödijatö, Jweinö yöbawo̧, jö̧ba̧lö. Ötjöma böjȩ jojodö tjomukwati̧danö omukwatö̧kö̧sa. Ja̧danö bidöbi, ötjödanö, böjȩ jojodö tjomukwati̧danöma omukwatöködö. Ja̧danö, bidöma böjȩnöma tjuju̧kwijayonö böjȩnöda ju̧kwöködö. Mölejȩbebi ju̧kwadö, ötjö chö̧ji̧danö. Jo̧kwaobetjö̧ böjȩ jojodöma yelösöda tjölabinobe bidönöma jobadödanö tjomukwatokobetjö̧—jö̧a̧linobe Jesúsma Abe'donö abebö.

Juan 17:16

Jobadöma böjȩnödama ju̧kwöködö, ötjödanö.

Juan 17:2

Chabe'do, ökwöma chujulu iyö böjȩ jojodönö webo̧ batibanö pjakatinobetjö̧, jejenö ateba, ötjö jwiinö chotiwi̧ma kwi̧sebo, jö̧ba̧lö. Chabe'do, ökwöma chujulu iyö pjakatobetjö̧ böjȩ jojodötjö kwiyinawö̧nö tjö̧jibinö pjatatobö jo̧be, ba̧kwȩlö̧jatebö ja̧kwawa tjujuna̧lobö.

Juan 17:24

Ina aebinobe: —Chabe'do, bidö ökwö kwiyinawö̧ma, ökwö kwö̧jobe, ötjökwö tjö̧joböma jwiinö chösöda. Ja̧danö, jobetjöma ötjö chotiwi̧ tjedobö chösöda, ajayinö kwiyina chotiwi̧ma— aebinobe—. Ajayinö, böjȩ ina jwiayi ötjö chotiwi̧ kwiyijatö ötjönöma, ötjönö jwiinö ile nikebobetjö̧— aebinobe—.

Juan 17:26

Chabe'do, jobadönö yöbawiachijatö ökwönöma. Ja̧danö, ina babebi jobadönö yötawobe ökwönö, ötjönö ile nikebi̧ma edö tjöwaisachibobö. Jejenö yötawobe, ötjönö ile nikebi̧danö jobadöbi ile nibekwö tjö̧jobö. Jejenö nibekwö tjö̧jobema jobadökwö tjo̧'wo̧ luwo̧nö chö̧jobe— jejenö jö̧ba̧lö aebinobe Jesúsma Abe'donöma.

Juan 17:7

Babema jobadöma baikwö tjöwaisobe. Okobe jwiinö ötjö otidö chö̧ji̧ma ökwötjöda ichi̧ jawa.

Juan 18:9

Jejenö jö̧ba̧lö iteda ajayinö yöawina badekwachinö jö̧a̧linobe. Ajayinö aebinobe Abe'do Diosnö, Bidö, ökwö kwiyinawö̧nö chite'ada̧lobe Chabe'do tjo̧'wo̧ luwo̧nö jelobekwö tji̧'yapji jö̧ba̧lö.

Juan 6:37

Ja̧danö, yötawaduwakwö. Chabe'do Dios ötjönö iyawö̧ jojodöma ötjökwö tjichibakwedö. Ja̧danö, ötjökwö ichibo̧nöma a'dewakwawö̧kö̧sa.

Juan 6:39

Ja̧danö, ötjönö webo̧ ösödi̧ma biya̧: Ötjönö iyawö̧nö, okobe deinö, tjö̧jibinö pjatatobö ösödobe, bakwo̧bi ö̧jibökönö. Ja̧danö, ötjönö webo̧ Chabe'doma, 'dö̧ibaji̧ möle baledena ötjönö iyawö̧nö yemidanö tjetjachajinö pjatatobö weobe. Jejenö pjatatobö ötjönö webo̧ Chabe'do ösödi̧ma.

Juan 8:51

Isabenö yötawa. Ötjö yötawi̧ a̧ja̧kwadöma la'akatjöda wotjökakwedö.

Juan 8:52

Jejenö yöawiawö̧: —¡Ayö, tjo̧wi̧ döwaisa! Awetja ömöayo̧ teachibinökweja ökwöma. ¿Dakwö yöka̧la, ötjö yötawi̧ a̧ja̧kwadö la'akatjöda wotjökakwedö, jö̧ba̧lö? Da'dömine Abraham wobijetö. Dios yöawi̧ yöbawinadöbi wobijadötö. Jo̧kwaobetjö̧ ¿dakwö yöka̧la, ötjö yötawi̧ a̧ja̧kwadö wotjökakwedö, jö̧ba̧lö?

Hechos 13:48

Ikenama judío jojodöböködöma ja̧ yötjawi̧ a̧ja̧kwö ösödijadötö, Diosma webijetö ökwödönöbi iteda iwene, ji̧bakwawa wenema da̧ja̧kwobö, jö̧ba̧lö. Ja̧danö, Dios iwene jwiinö otiwa, jö̧ba̧lö, ösödijadötö. Jobadötjö ju'wedöma, Dioskwö ba̧kwȩlö̧jatebö tjö̧jakwedöma, Jesúsma dö̧jibinö pjabato̧, jö̧ba̧lö, Jesúsnö ösödö do̧batö emijadötö.

Romanos 11:2

Diosma iteda ömöledönöma kaatibinokobe, damötjö 'da̧batö ujuninawö̧nöma. ¿Ina Elías ö̧jina wene kwomukwataduwiji̧, Elías Diosnö yöawina wenema? Baikwö laebobe Dios iwene, Elías Diosnö yöawinama:

Colosenses 3:16

Chömöledö, Cristo jawa wene kwomajadeduwinö omukwatö kwö̧jaduwo, jo̧kwajabetjö̧ waisanö yökawakwawaduwo, ja̧danö waisanö kwöba̧ja̧dakwawaduwo kwömöledöduwikwö. Ja̧danö otiwanö pjabato̧ja jö̧ba̧lö, Diosnö ösödö lo̧köbaduwo, Salmos jawa lo̧awabi, Jesús jawa lo̧awabi, Dios O̧'wo̧ Luwo̧tjö öba̧ja̧di̧ lo̧awabi.

2 Timoteo 1:13

Jejenö jo̧be Timoteo, jo̧kwajabetjö̧ baikwö wetakwö Timoteo: Jweinö ökwönö ba̧ja̧dö yötawinadanö ja̧bö ja̧wi. Cristo Jesúskwö dötewanö ja̧nö, Cristonö ösödö kwö̧jo, ja̧danö ösödabikwawö kwö̧jo.

Hebreos 2:12

Ja̧danö, Dios iwenetjö baikwö laebobe, Jesús iteda Abe'do, Diosnö jö̧a̧lina: Chabe'do ökwönö ösödö okobe deinö chö̧ja̧wo̧dönö ökwö pjakatina yötawakwo̧sa, Diosma pjabato̧, jö̧ba̧lö. Ja̧danö, jobadökwö ko̧ko̧kwa̧lö ökwönö ösödö lo̧takwo̧sa, Jwiinö otiwo̧ja, jö̧ba̧lö. Jejenö laebobe Dios iwenetjö, Jesús ö̧ja̧wo̧dönö Diosnö yöawakwa̧. Chömöledö isabenö, ökwödöma Jesús ö̧ja̧wo̧dösa.

Hebreos 3:6

Jo̧kwaijayonö Cristoma ömöayo̧nötjö o̧penönö inesö jo̧. Isabenö, jo̧bama Dios Itji̧. Ja̧danö, jo̧bama Dios i̧tji̧mu babibinadö tjuluwo̧. Ja̧danö, jobadönö otiwanö te'ada̧lo̧. Wanedö yötawa: Ökwödö, okobe deinö Cristonö ösödadöma o̧dodanö, Dios otidinejudanö döwanekwachobe. Ja̧danö Cristo, Dios Itji̧ma, Dios otidineju la'aka luwo̧danö jo̧, ökwödö Duluwo̧. Isabenö chömöledö, ökwödöma Dios otidinejuda wanekwachadösa yebabökönö jwaikwöda di̧'yitjö̧ma, Diosnö do̧'wo̧ wana̧lö. Jau chömöledö, ökwödöma Dios otidinejuda wanekwachadösa jwaikwöda Diosnö do̧'wo̧ wana̧lö di̧'yitjö̧ma, do̧'wo̧ luwo̧nö ösöwö, Cristoma dö̧jibinö pjaatinobetjö̧ Dios i̧tji̧mu babibinadösa, ja̧danö Dioskwö ba̧kwȩlö̧jatebö dö̧jakwedösa, jö̧ba̧lö.

1 Pedro 1:1

Dokwa chömöledö, ötjöma Jesucristo webawo̧ Pedro mikwo̧sa. Ötjöma böja kwialusöja wȩyudö wetaduwakwö, ökwödö Dios omudawö ujuninawö̧ mölejȩ jojodönö. Jau chömöledö, ina böjȩnö kwö̧jaduwijayonö, mölejȩ jojodöja. Ja̧danö ökwödö jelobetenia ju̧kwadönö chiwȩyudobe, Ponto nijinö ju̧kwadönöbi, Galacia nijinö ju̧kwadönöbi, Capadocia nijinö ju̧kwadönöbi, Asia nijinö ju̧kwadönöbi, Bitinia nijinö ju̧kwadönöbi.

1 Juan 5:20

Ja̧danö chö̧ja̧wo̧dö, ju'wi jawabi döwaisa, biya̧: Dios Itji̧ Jesucristoma böjȩnö ichinobe Isabenö Jo̧ Diosnö döwaisachibanö yöbawö. Ja̧danö, babema Dioskwöbi Itji̧ Jesucristokwöbi bakobe dötewinö 'ya̧dösa. Chö̧ja̧wo̧dö, Jesucristoma isabenö jo̧ Diosda. Ja̧danö, jo̧ba Jesucristoma ökwödönö pjaatinobe, do̧'wo̧ luwo̧nö ba̧kwȩlö̧jatebö dö̧jobö.

Apocalipsis 2:13

Jo̧bama baikwö yöawobe ökwödö Pérgamo jojodönö, jo̧banö ösödadönöma: Ötjöma chöwaisa, jobe kwiteboduwima Awetja ba̧nö wei̧danö jo̧be. Jo̧kwaijayonö chedemi ökwödöma jweinö omukwatö, otiwanö kwö̧jaduwobe, Jesúsnöda ösödadösa, jö̧ba̧lö. Ja̧danö, bakwo̧, ötjönö ba̧kwȩlö̧jatebö yöbawo̧, Antipas mikwo̧nö, kwabö lotjenabi ökwödöma kwo̧'wo̧duwi 'dibachibö kakatibinaduwokobe ötjönöma.

Apocalipsis 3:10

Chömöledö, yötawaduwakwö. Ökwödönö wetijatö, Sulabenö baledonöbi kwo̧'wo̧ luwo̧duwi 'dibachibö te'ada̧lö kwö̧jaduwo, jö̧ba̧lö. Ja̧ wetinama otiwanö a̧ja̧kwö kwö̧jinaduwobe. Jejenö otiwanö a̧ja̧kwö kwö̧jinaduwobetjö̧ pjatatakwo̧sa ökwödönöma. Ju'wedö böjȩnö ju̧kwadönö lȩbebö weti̧ baledonö, böjȩtjö jwiinö inia tjötjinö baledonöma, ökwödönö te'ada̧lö pjatatakwo̧sa, ja̧ inia tjötji̧tjö baledökönö.

Apocalipsis 3:8

Chömöledö ökwödö kwö̧jaduwi̧ma chöwaisa. Yelösöda kwime'dawaduwobe ji̧jayonö ina, ötjö wetina a̧ja̧kwö kwö̧jaduwobedanö ja̧. Ja̧danö, kwime'dawaduwijayonö ina ötjönö kabatibökökönö, Jesúsnö do̧'wo̧ wana̧ladösa, jö̧ba̧lö, otiwanö kwö̧jaduwobe. Jo̧kwaobetjö̧ ökwödönö apjude po̧bebo̧danö po̧bebo̧sa, chiwene yöbawö labebö kwi̧'yaduwobö. Ötjödasa po̧bebo̧ma. Bakwo̧, Po̧bebökönuwi, jö̧ba̧lo̧ma deobe.