Juan 16:9 - Dios Iwene

⁹ Ja̧danö, Dios O̧'wo̧ Luwo̧ma, öwaitjöda jojodö tjo̧'wo̧ luwo̧nö i̧sebakobe, Jesúsnö kwösödaduwokobetjö̧ ökwödöma sulabe juna̧ladöja, jö̧ba̧lö. Ja̧danö, Sulabe juna̧ladököbaduwobetjö̧ Dios lȩebi̧tjö baledakwawö̧ja, jö̧ba̧lö, i̧sebakobe.

Juan 16:9 Iomraidhean Croise

Marcos 16:16

Bakwo̧, ja̧ otiwa jawa wene ösödö, Jau Jesúsma dö̧jibinö otido̧, jö̧ba̧lö, ösödo̧nö, ojwenö ubu̧datajökwenöma jo̧ba ö̧jibinö otidökwe Diosma. Jo̧kwaijayonö, Jesúsnö öpöjödo̧ma Dios lȩebi̧ baibenama baledakwo̧.

Juan 16:8

Ina yöawinobe: —Jo̧ba ichakwo̧ma Dios O̧'wo̧ Luwo̧. Jo̧bama böjȩnö ju̧kwadönö ichö jobadö tjo̧'wo̧ luwo̧nö öwaitjöda tjöwaisachibanö i̧sebakobe, Jojodöma sulabe juna̧ladö, jö̧ba̧lö. Ja̧danö, tjöwaisachibanö i̧sebakobe, Jojodöma Dios wei̧danö, jobadö suli̧ jwiinö tjuju̧kwobö wei̧danöma ju̧kwöködö, jö̧ba̧lö. Ja̧danö, jo̧ba ichakwo̧ma jojodö tjo̧'wo̧ luwo̧nö tjöwaisachibanö i̧sebakobe Dios lȩebakwa̧, Dios lȩebi̧tjö isabenö baledakobe sulabe juna̧ladönöma, jö̧ba̧lö.

1 Timoteo 1:13

Damötjö Cristonö chösödakwa̧ abönö, sulabenö yöba̧liachijatö Cristonöma, sulabo̧ jö̧ba̧lö. Ja̧danö, jo̧banö öpöjödö sulabenö ja̧biachijatö jo̧banöma. Jo̧kwaijayonö, jejenö ja̧tinajayonö, ötjönö ösödö 'da̧batö ujuninobe, Cristo wei̧ chotidobö. Jau, wajwibö chöpöjödijatö Cristonöma, Cristoma Dios weökökwe, jö̧ba̧lö. Ja̧danö, wajwibö chöpöjödiökwe, Diosma lȩlö̧jinö edinobe ötjönöma.

Hebreos 3:12

Jo̧kwaobetjö̧ chö̧ja̧wo̧dö, ökwödö bakwo̧nökwena tjöbeba̧lö̧jönö kwite'ada̧laduwo kwo̧'wo̧ luwo̧duwinö, ökwödötjö ju'wedöbi da'dödömine sulabenö tji̧'yinadanö kwi̧'yaduwapji jö̧ba̧lö, kwomajadeduwinö Diosnö jwiinö öpöjödö, yaba̧lo̧ Diosnö kabatibö.