Juan 16:24 - Dios Iwene

²⁴ Ina la'akatjöda ötjö chiminö akebaduwinokobe. Yötawaduwakwö. Ötjö chiminö akebaduwitjö̧ma Diosma a̧ja̧kwö pjaatakwo̧, kwo̧'wo̧duwi jwiinö ösöwanö kwö̧jaduwobö— yöawinobe Jesúsma öba̧ja̧di̧ waisachadönöma.

Juan 16:24 Iomraidhean Croise

Génesis 32:9

Ikenama Jacobma Diosnö abebö jö̧ba̧lijetö: —Cha'dö Abraham uluwo̧ Dios, chabe'do Isaac uluwo̧ Dios, Isabenö Jo̧ Dios, ökwöma yökawijatö ötjönöma, Kwitebobe da̧ji̧ kwömöledö tjuju̧kwobekwö, jö̧ba̧lö. Jobe otiwanö kwö̧jobö pjatatakwo̧sa, jö̧ba̧lö, yökawijatö.

1 Reyes 18:36

Ja̧danö, jemi ikenama, yi̧benakwö iyajitjenanö jenanö, Dios yöawi̧ yöbawo̧ Eliasma iyawemi yöne ichibö, Diosnö aebinobe: —Chuluwo̧ Isabenö Jo̧, Abrahambi, Isaacbi, Israelbi tjösödinökwe Diosnö, baikwö atebakwö: Babe möleda kwi̧sȩbobö atebakwö, isabenö israel nijitjö Diosbo̧ja jö̧balö, ja̧danö isabenö ökwöda kwömöayo̧sa ötjö Eliasma, jö̧ba̧lö kwi̧sȩbobö atebakwö, ja̧danö babe jabö chi̧sebaja̧ma, ökwöda weköbitjö̧ ja̧bö chi̧sȩbajabe, jö̧ba̧lö kwi̧sȩbobö atebakwö.

2 Reyes 19:15

Ja̧danö Isabenö Jo̧ öba a'o ja̧nö, baikwö aebinobe Ezequiasma: —Chuluwo̧ Isabenö Jo̧, Israel jojodö dösödökwe Dios, ökwö angeledö querubines tjöwame kwiteaka inesö la'aka luwo̧ ö̧bakanö bo̧nö baikwö atebakwö: Chuluwo̧ Dios, ökwödaja isabenö Diosbo̧ma, bö̧jȩ ba̧kwemeachibanö tjiteboteniatjö, jelo̧ Diosbo̧ma deobe. Ökwödaja mölȩjȩbi bö̧jȩbi otidinaja chuluwo̧ Dios.

Mateo 6:9

Jo̧kwajabetjö̧, Diosnö akebaduwenama, baikwö akebaduwo chömöledö: Mölejȩbe jo̧ Dabe'do, jojodö otiwanö ökwönö tjomukwatobö dösöda, Diosma isabenö suli̧ jwibo̧ jö̧ba̧lö.

Juan 14:1

Ikenama Jesúsma yöawinobe jobadönö: —Kwo̧'wo̧duwi tjo̧kekwaduwa. Diosnöbi ötjönöbi kwo̧'wo̧duwi wana̧lö ja̧duwi— yöawinobe Jesúsma—.

Juan 14:14

Yemidanö yöta̧la. Okobe jwiinö ötjö chiminö akebaduwi̧ma chiyakwo̧sa— yöawinobe Jesúsma öba̧ja̧di̧ waisachadönöma.

Juan 15:11

Ja̧ yötawaja̧ma, kwo̧'wo̧duwi̧ ötjö cho̧'wo̧ ösöwanö chö̧ji̧danö jwiinö ösöwanö kwö̧jaduwobö yötawaduwakwö, Ötjökwö dötewinö ja̧duwi, jö̧ba̧lö.

Juan 16:23

Ja̧ möle yemidanö ötjönö kwedaduwi̧ mölema, ötjönö abebö kwa̧ja̧kwaduwi̧ma jwiakobe. Isabenö yötawa. Dabe'do Diosnö okobe jwiinö ötjö chiminö akebaduwi̧ma a̧ja̧kwö pjaatakwo̧.

Juan 3:29

Ökwödö yökawaduwi̧, Jesús ba̧jekwadönö ojwenö ubu̧datobe, jö̧ba̧lö, yökawaduwi̧ a̧ja̧kwö jwiinö chösöda, otiwa, jö̧ba̧lö— yöawinobe—. Wanedö yötawa: Ilekwonö emi̧ pjiesta ja̧nö, emakwo̧ma ösödinö ö̧jobe, iteda ilekwonö emakobetjö̧. Ja̧danö, jo̧ba ömöledöso̧bi ösödinö ö̧jobe, ömöledöso̧ ilekwonö emiökwe. Ja̧danö, jo̧bama ilekwonö emakwo̧ ösödö yöa̧li̧ a̧ja̧kwö, bakwainö ösödobe. Chömöayedö, Jesúsma ilekwonö emakwo̧danö jo̧. Ja̧danö, ötjöma ilekwonö emakwo̧ ömöledöso̧danö jo̧sa. Ötjöma Jesús jojodönö ösödö yöa̧li̧ a̧ja̧kwö ösödo̧sa. Jo̧kwaobetjö̧, cho̧'wo̧ luwo̧nö jwiinö ösödö jo̧sa, Jesús ojwenö ubu̧dati̧ yökawaduwi̧ a̧ja̧kwö— yöawinobe Juan Ojwenö Bu̧dato̧ma ömöayedönö.

2 Tesalonicenses 1:2

Dabe'do Diosbi, Duluwo̧ Jesucristobi ökwödönö lȩlö̧jinö tjedobö dösöda, kwo̧'wo̧ luwo̧duwi ösöwachibanö kwö̧jaduwobö.

2 Juan 1:12

Chö̧ja̧wo̧dö, ina nöinö yöta̧lo jö̧ta̧lijayonö̧ kwialusöjanö wȩyudö yöta̧lo jö̧ta̧lökö. Kwö̧jaduwobe chichobö chosöda, ökwödönö ediakwawö yöta̧lobö. Jejenö ökwödönö ediakwawöda yöta̧lobö jö̧ta̧la, do̧'wo̧ ösöwanö dö̧jobö.