Juan 16:21 - Dios Iwene

²¹ Wanedö yötawa: Bakwuju, metu'wo niokoma yelösöda budekwabuju jemi̧ möle baibobetjö̧. Jo̧kwaijayonö tjemunö jemaja̧ ikena omukwatökuju ja̧ niaja̧ma. Jo̧'wo̧ ösöwanö juju, jitji̧nö ile nibebö— yöbawijetö—.

Juan 16:21 Iomraidhean Croise

Génesis 3:16

Ikenama isujunö jö̧ba̧lijetö: —Kwi̧tji̧munö kwemenama jwiinö niinö usula kwemawakwujuja. Ja̧danö kwilekwenö webujudanö kwö̧jo jö̧ka̧lijayinö iteda ökwö kwuluwo̧ baibanö ö̧jakwo̧— jö̧ba̧lijetö Isabenö Jo̧ Diosma.

Diosnö ösödo̧ Job mikwo̧ usula emawina jawa 11:16

—Jau Job, yötawaja̧danö ja̧köbitjö̧ma, isabenö otiwanö kwö̧jakwo̧ja, babe usula kwemawi̧ jawa kwo̧'wo jwiköbenanö baibanö. Kwöwaisa, juluwanö tjo̧'wo jwibibadö jojodöma, tjöba a'o ojwe isuwajobuma, jö̧tö? Ökwö usula kwemawi̧bi ja̧danö, jwiinö otiwanö kwö̧jakobetjö̧, juluwanö kwo̧'wo jwikibakwo̧ja, babe usula kwemawi̧ma.

Isaías 13:8

—Jwiinö yetjaibakwedö ja̧ möle, baikwö wanedö yöta̧la: Jojosuju jitji̧nö jemena, jo̧'wo tjo̧bekwö inia tjöbö jö̧ji̧danö tjö̧jakwedö, ja̧danö tjöba duwamachibanö, yebabinö ju'wedö tjöbabiyakwena tjeda̧lakwawakobe, –Dakwö ja̧dakwajö? –jö̧ba̧lö.

Isaías 21:3

Jwiinö yetaibanö baledakwa̧ i̧sebinobe, chiteba'o inia tjöbö chö̧jenanö baibanö. Isabenö jwiinö inia tjöbö jo̧sa, jojosuju jitji̧nö jemena inia tjöbö jö̧ji̧danö inia tjöbo̧sa. Dios weakwa̧ jawa cha̧ja̧kwena, ja̧danö chedenama, chöbajale jalaka baibanö edo̧sa, —Ayö, inesö labi̧, —jö̧ba̧lö.

Isaías 66:7

Isabenö otiwanö pjabato̧ Diosma Jerusalen comunidadnö ju̧kwadönö, baikwö wanedö yötawa: Ina tjemunö emawa nii̧ niököjayonö, Jerusalenma juluwanö jijti̧nö jemajabe.

Gálatas 4:27

Jau chömöledö, baikwö laebobe Dios iwene: Ökwö tjemu debujuma, kwo̧'wo̧ ösöwachibanö kwö̧jo, ja̧danö kwo̧'wo̧ ösöwachibi̧ wene yöbawö jwököbo, ökwö la'akatjöda usula emawö kwitji̧nö eminökujuma. Isabenö jilekwe kaatibinokoma, jeluju jilekwe bu̧junötjö bajalekwönönö ba̧jekwadö ji̧tji̧munö jujuna̧lakwuju, jö̧ba̧lö laebobe.

1 Tesalonicenses 5:3

Jojodö, Aaa, wene jwia, yedaboböma jwia jö̧ba̧lö tjomukwatelö ja'ötjö, juluwanö baibakobe jobadönö lȩebakwa̧ma. Jau chömöledö, ja̧ baibakwa̧ma wanedö yötawa, jitji̧nö jemakwujuma, jo̧'wo̧ söba̧lö jö̧jelö ja'ötjö, juluwanö niatibobe, ¿jö̧tö? Jejenö baibakobe jojodönö lȩebakwa̧ma, ja̧danö döibajakwa̧ma jwiakobe.