Juan 15:3 - Dios Iwene

³ Chömöledö ökwödöbi 'wibebö lobö otidajemi otiwanö wa̧jemi baibi̧danö ida̧ökö otiwanö babibinadöja. Ötjö chiwene a̧ja̧kwö kwo̧'wo̧ luwo̧duwinö ösödö do̧katinaduwobetjö̧ otiwanö babibinadöja, 'wibebö lobö otidajemi otiwanö wa̧jemi baibi̧danö—yöawinobe Jesúsma öba̧ja̧di̧ waisachadönöma—.

Juan 15:3 Iomraidhean Croise

Juan 13:10

Jejenö jö̧a̧lökwe: —Tjo̧wi̧ ojwe ibajadöma yemidanö tjidichawoböma jwiobe— yöawinobe Jesúsma—. Tjömasapada tjidichawobö jobe, dewadö ojwe tjibajobetjö̧. Ja̧danö, ökwödöma dewadö bakibaduwijatö. Jo̧kwaijayonö okobe deinömaökö. Ökwödötjö kwömasapiya chidichawö̧tjö bakwo̧ dewö̧kö̧— yöawinobe Jesúsma.

Juan 15:2

Ja̧danö, Chabe'doma ötjötjö wa̧jökemima 'dölö lobo̧. Jo̧kwaijayonö wa̧jemima ochobiya otiwanö wa̧jobö, ja'öda 'wibebö lobö otido̧, jwiinö otiwanö wa̧jobö. Ja̧danö, 'wibebö lobö otidobetjö̧ ajayinö wa̧jemitjö o̧penönö otiwanö wa̧jakobe.

Juan 17:17

Chabe'do, jobadönö tjo̧'wo̧ luwo̧nö kwöba̧ja̧dodönö ökwö isabenö kwiwenema, ja̧ kwiwene tjöwaisachibanö. Jejenö jobadönö kwöba̧ja̧do ökwö kwiwene waisö wainö tjuju̧kwobö, suli̧ jawakwö pjabacha̧lökönö— aebinobe—.

Juan 17:19

Chabe'do, ötjöma ökwö weköbi̧da a̧ja̧kwö iyawo̧sa, bidö chöba̧ja̧di̧ waisachadöbi isabenö, ökwö weköbi̧ a̧ja̧kwö iyawedö batjibanö tjuju̧kwakobetjö̧— aebinobe Jesúsma Abe'donöma.

Efesios 5:26

Jejenö Cristoma, ökwödönö 'da̧batö ujuninobe, suli̧ jwibadö badibinö. Wanedö yötawa chömöledö: Ökwödöma ojwe dibenama otiwanö didewachibobe. Ja̧danö, Cristoma itedada iwenenö ökwödönö dichö loinobe didewachibinö. Jau chömöledö, Cristo iwene a̧ja̧kwö dösödena ökwödönö dichö loinobe, didewachibinö.

1 Pedro 1:22

Ja̧danö chömöledö, ökwödöma ida̧ökö isabenö wene ösödö kwidichawinaduwobetjö̧, kwömöledöduwi Jesúsnö ösödadönö ösödadöja, yöne dömöledö jö̧ba̧lö. Jo̧kwajabetjö̧ jwaikwöda tupakwönönö ösödabikwawö kwö̧jaduwo chömöledö,