Juan 15:21 - Dios Iwene

²¹ Jau, ökwödöma ötjö chömöledököbaduwobetjö̧ ötjönö öpöjödadöma inia tjököbaduwinö ja̧tjakwedö ökwödönöma. Ja̧danö, jobadöma, ötjönö webinanö wajwitjobetjö̧ inia tjököbaduwinö ja̧tjakwedö— Jesúsma yöawinobe öba̧ja̧di̧ waisachadönöma.

Juan 15:21 Iomraidhean Croise

Isaías 66:5

Ökwödö Isabenö Jo̧ yöawi̧ a̧ja̧kwö, otiwanö yebabinö a̧ja̧kwö ju̧kwadönö, baikwö yötawaduwakwö Isabenö Jo̧ ökwödönö yöawi̧ma: Ökwödöma ötjö Isabenö Jo̧ Diosnö ösödadö kwö̧jaduwiawö̧, ju'wedö kwömöledöduwi israel jojodöma ökwödönö öpöjödadö, ja̧danö tjö'da̧detjö a'dewö lobadö. Ökwödönö obö, —Kwösödaduwökwe Isabenö Jo̧ma isabenö ujuluwitjö̧ma, iteda dejatinö ujulu i̧sȩbo, ökwödö jo̧banö ösödadö kwo̧'woduwi ösöwachibakobetjö̧, —jö̧ba̧lö ökwödönö obö yöba̧ladö. Jo̧kwaijayonö baikwö yötawa jobadönö, Jobadöda taba lö̧jawö̧ tjö̧jakwedö, jö̧ba̧lö.

Mateo 10:18

Ötjö chöba̧ja̧di̧ waisachadököbaduwobetjö̧, luwedö, ja̧danö inesö la'aka luwedö tjöba a'o kwö̧jaduwakobe, ötjö jawa wene jobadönöbi, ju'wedö judío jojodöböködönöbi yökawaduwakobetjö̧.

Mateo 10:22

Jau chömöledö, okobe deinö jojodöma ökwödönö tjöpöjödakobe, chöba̧ja̧di̧ waisachadö kwö̧jaduwobetjö̧, jo̧kwaijayonö ja̧ jawa tjo̧'wo̧ 'dibachibö baledadöma isabenö tjö̧jibakobe.

Mateo 10:39

Jau chömöledö, okobe deinö idöda otiwanö tjö̧jakwa̧ isakwadöma, ja̧ ja̧kwawa jwitjakwedö, jo̧kwaijayonö okobe deinö ötjönö tjösödobetjö̧ ö'wö babibadöma, isabenö ja̧kwawa tjöbadekwajakwedö.

Mateo 24:9

Ikenama ökwödönö iyö lotjakobe, usula kwemawaduwinö ja̧tjobö, ja̧danö ökwödönö kwabö lotjakobe, ja̧danö ötjö chöba̧ja̧di̧ waisachadököbaduwobetjö̧, okobe deinö ökwödönö tjöpöjödakobe.

Mateo 5:11

Tupakwö yöawinobe Jesúsma: —Ötjönö kwösödaduwiawö̧ ju'wedö ökwödönö sulabenö otjenama, ja̧danö usula kwemawaduwinö ja̧tjenama, ja̧danö sulabenö ja̧köbaduwököjayonö sulabenö ja̧köbaduwaja̧ omöna yötjawenama, kwo̧'wo̧ ösöwaduwachibanö jwiinö kwo̧'wo̧ ösöwanö kwö̧jaduwo chömöledö, mölejȩbetjö Diosma isabenö otiwa jawa iyakobetjö̧. Jau chömöledö, kwöwaisaduwa, ökwödönö sulabenö tjöpöjödi̧danö damötjö ji̧nadö Dios yöawi̧ yöbawadönöbi tjöpöjödinobe, ¿jö̧tö? Ja̧danö, ju'wibi kwöwaisaduwobö jo̧be, jobadö damötjö otiwanö ja̧bö ji̧nadö Diostjö otiwa jawa tjemi̧danö ökwödöbi bakwainö kwemaduwakwedöja— jö̧ba̧lö yöawinobe Jesúsma.

Marcos 13:13

Ötjönö kwösödaduwobetjö̧ okobe deinö jojodöma yelösöda tjöpöjödakobe ökwödönöma, inia tjököbaduwinö ja̧bö. Jejenö sulabenö baledijayonö bakwo̧, sulabenö baledi̧ma baledenanö kabatö o̧'wo̧ luwo̧nö juluwachibanö jo̧ma, ötjönö kabatibökönö o̧'wo̧ wana̧lo̧ma ö̧jibinö chotidakwo̧— jö̧ba̧lö yöbawijetö Jesúsma.

Lucas 21:12

Ja̧ jawama 'dö̧ibaji̧ möle baledakwa̧ abönö jawa chömöledö, ja̧danö isabenö 'dö̧ibaji̧ möle baledakwa̧ abönö baledakobe. Jo̧kwaijayonö ju'wibi yötawaduwakwö chömöledö, ja̧ yötawa̧ja̧ jawa böjȩtjö kwedaduwakwa̧ abönö, nöinö baledakobe ökwödö ötjönö ösödadönöma. Baikwö yötawa: Ökwödönö öpöjödö do̧tjatakobe, ja̧danö usula kwemawaduwinö sulabenö ja̧tjakobe. Usula kwemawaduwinö ja̧bö, judío ba̧nö tja̧ja̧kwa̧lejubiyatjö jojodö tjöba a'otjö kwö̧jaduwobö tjujunakobe, ja̧danö ka̧lena kwö̧baduwobö tjödakobe. Ja̧danö Jesúsnö ösödadösa jö̧ba̧lö yöka̧laduwobetjö̧, usula kwemawaduwinö luwedö tjöba a'o, ja̧danö inesö la'aka luwedö tjöba a'o öbibö tjujunakobe.

Lucas 21:17

Jau chömöledö, ötjönö kwösödaduwobetjö̧ okobe deinö ökwödönö tjöpöjödakobe,

Lucas 6:22

Ja̧danö, ötjönö jojo baibanö jeminökwenö kwösödaduwiawö̧ jojodö ökwödönö tjöpöjödena, ja̧danö ökwödönö 'da̧batö lotjena, ja̧danö ökwödönö otjena, ja̧danö sulabenö yötja̧lena. Jejenö baleditjö̧ma, isabenö kwo̧'wo̧ ösöwanö kwö̧jaduwakwedöja chömöledö, Diosma isabenö otiwanö ökwödönö iyakobetjö̧.

Juan 15:24

Ja̧danö, jojodökwö ja̧nö juluwi̧ jawa i̧sebiachijatö, jelo̧ la'akatjöda i̧sebajiökö jawama. Ja̧ chi̧sebi̧ edö, Ayö bitema Dios weinökwe, jö̧ba̧lö, tjösödobö ji̧jayonö tjöpöjödijatö ötjönöbi, Chabe'donöbi. Jo̧kwaobetjö̧, jobadönöma lȩebakwawö̧.

Juan 16:3

Jobadöma Dabe'do Diosnöbi, ötjönöbi wajwitjobetjö̧ jejenö inia tjököbaduwinö ja̧tjakobe.

Juan 17:25

Jweinöda Omukwato̧ Chabe'do, sule bö̧jȩda jojodöma ökwönö wajwibadö. Jo̧kwaijayonö ötjöma chöwaisa ökwönöma. Ja̧danö, böjȩ jojodöma wajwitjijayonö, bidö, chöba̧ja̧di̧ waisachadöma tjöwaisobe, Diosma Jesúsnö weinobe, jö̧ba̧lö.

Juan 8:19

Jejenö jö̧a̧liawö̧: —¿Kwabe'doma daida?— atjebiökwe: —Ökwödöma yelösöda ötjönöbi, Chabe'donöbi wajwibadöja. Ötjönö kwöwaisaduwitjö̧ma Chabe'donöbi kwöwaisaduwena— jö̧a̧linobe Jesúsma,

Juan 8:54

Jejenö abebö tja̧ja̧kwiökwe: —Ötjödada, Jwiinö otiwo̧sa, jö̧ba̧lö, chomukwatitjö̧ma mikwawökena. Jo̧kwaijayonö ötjö chomukwati̧maökö. Chabe'do Diosda jejenö yöawobe ötjönöma, Bite chitji̧ma, jwiinö otiwo̧, jö̧ba̧lö. Jo̧bada, ökwödö, Dabe'do Dios, jö̧ba̧lö, ökabiduwökweda jejenö yöawobe ötjönöma— yöawinobe Jesúsma judío jojodötjö la'aka luwedönöma—.

Juan 8:55

Ökwödöma, Dabe'do Diosnö dösöda, jö̧ba̧lö, yöka̧laduwijayonö wajwiköbaduwobe jo̧banöma. Jo̧kwaijayonö ötjöma isabenö waiso̧sa Dabe'do Diosnö, ötjö Chabe'donöma. Yöta̧lökö, Dabe'do Diosnö ötjöma wajwitökwe, jö̧ba̧lö. Jejenö yöta̧litjö̧ma omönada yöta̧lena, ökwödö omöna yöka̧laduwi̧danö. Jejenöma yöta̧lokobe. Jo̧banö, ötjö Chabe'donö chöwaisökwe. Ja̧danö, jo̧ba yöawi̧ a̧ja̧kwo̧sa.

Hechos 17:23

Bemi kwiteboduwi kwebachö chedijatö kwo̧'wo̧ kwöwana̧laduwi̧ juwö iyajiköbaduwemima. Ja̧danö, bakwemi chedijatö, Bemima wajwidökwenö do̧'wo̧ döwana̧lemi, jö̧ba̧lö, wȩyukwobe. Babema yötawa ökwödönöma. Jo̧banöda, ökwödö wajwiköbaduwonö kwo̧'wo̧ kwöwana̧laduwökwenöda yötawa.

Hechos 26:9

Ina jö̧ba̧lijetö Pabloma Agripanö: —Chuluwo̧, ötjöbi belö chomajadenö omukwatiachijatö, Aaa, Jesús, Nazaretnö da̧peachinanö ösödadönö inia tjötjinö ja̧tobö jobe, jö̧ba̧lö, omukwatiachijatö.

Hechos 3:17

Ina yöbawijetö: —Ja̧danö chömöledö, chöwaisa. Ökwödöbi kwuluwo̧duwibi Jesúsnö wajwibö sulabenö weköbaduwijatö Jesúsnö bȩtjobö.

Hechos 4:17

Jejenöijayonö jobadönö lȩdebodönö, Jesús jawama yökawaduwoko, jö̧ba̧lö. Ja̧danö, Jesús ujulunö otiwanö baibinobe kwebachö̧kö̧nöma, jö̧ba̧lö, yökawaduwoko, lȩdebodönö, ba̧jekwadö tja̧ja̧kwapji jö̧ba̧lö— yöba̧lakwawijadötö.

Hechos 5:41

Ikenama Jesús webawedöma la'aka luwedö tjöba̧ja̧dobetjö labebijadötö. Ja̧danö, jobadöma tjo̧'wo̧ yelösöda ösöwanö jweinö omukwatijadötö, Ökwödöma Jesúsnö yödawobetjö̧ inia tjödajabe, jö̧ba̧lö.

Hechos 9:14

Babema baikwö ichajabe, Diostjö jojodötjö ö'weje la'aka pjabatadö wetjina ja̧obö, ökwönö ösödadönöma do̧atobö— jö̧ba̧lijetö Ananíasma.

Hechos 9:16

Jo̧bama ötjö jawa wene yöawobetjö̧ yelösöda usula emawakwo̧. Ja̧ usula emawakwa̧ öwaisachibobö chi̧sebocha jo̧banöma— jö̧ba̧lijetö Duluwo̧ma Ananíasnöma.

Romanos 1:28

Chömöledö, bidöma, Diosnö tjomukwatoböma tjöpöjödobe. Ja̧danö, sulabeda tjomukwatiökwe jobadönö kaatibobe Diosma, Wainö sulabenö tjomukwati̧da ja̧bö ju̧kwadö, jö̧ba̧lö. Jo̧kwajabetjö̧, taba lö̧ji̧ jojodö ja̧awökö jawada i̧sebö ju̧kwadö.

1 Corintios 15:34

Sulabenö ja̧köbaduwi̧ kabatibö, tjekachajaduwo chömöledö, yemidanö jweinö kwomukwataduwo jö̧ba̧lö. Isabenö yötawaduwakwö chömöledö, ökwödötjö ju'wedöma Diosnö wajwibadöja chömöledö, ja̧danö jo̧banö wajwiköbaduwobetjö̧, kwötabakwaduwobö jo̧be.

1 Corintios 2:8

Chömöledö, okobe deinö böjȩ luwedöma ja̧ Dios omukwati̧ma la'akatjöda wajwitjinobe. Isabenö yötawa, tjöwaisinatjö̧ma towisa'onö bȩtjoko jö̧tja̧linobe salöinö juluwo̧ Duluwo̧nö.

2 Tesalonicenses 1:8

Diosnö wajwibadönö lȩebo jö̧ba̧lö, ja̧danö Duluwo̧ Jesús jawa otiwa jawa wene öpöjödadönö lȩebo jö̧ba̧lö.

1 Juan 3:1

Chö̧ja̧wo̧dö, Dabe'do Dios ökwödönö jwiinö ile niebi̧ma domukwataduwo. Yelösöda jwiinö ile niebobe ökwödönö. Ja̧danö, jwiinö ile niebobetjö̧ ökwödönö öabobe, Chi̧tji̧mu, jö̧ba̧lö. Isabenö chö̧ja̧wo̧dö, ökwödöma Dios i̧tji̧musa. Jejenöijayonö böjȩ jawa ösödadöma ökwödönö edö omukwatöködö, Idöma Dios i̧tji̧mu, jö̧ba̧lö. Dios i̧tji̧mu döji̧ma wajwitjobe. Jobadöma Diosnöbi wajwitjobetjö̧ ökwödönö, Idöma Dios i̧tji̧mu, jö̧ba̧lö, tjomukwatokobe.

3 Juan 1:7

Isabenö yötawa. Jobadöma Jesús yöawina wene yöbawö tji̧'yobetjö̧ jobadönö pjakatobö jo̧be. Ja̧danö, jobadöma ju'wedötjö, Dios iwene öpöjödadötjöma ja'yubebi tjeminokobe, tjö̧ji̧ jawa mikwa pjatjati̧ma.

Apocalipsis 2:3

Jau chömöledö, ökwödö Éfeso jojodönö edo̧sa. Chöwaisa, ötjönö ösödö yökawaduwobetjö̧ inia tjököbaduwinö baledawö̧ja. Jo̧kwaijayonö chedemi sulabe baledonöbi kwo̧'wo̧duwi 'dibachibö ja̧nö, me'dawachibökönö, otiwanö kwö̧jaduwobe.