Juan 15:14 - Dios Iwene

¹⁴ Ina yöawinobe: —Ja̧danö, ökwödöma ötjö weti̧ ja̧bö kwö̧jaduwitjö̧ma ökwödönö ötabiwö̧ja, Chömöledöja, jö̧ba̧lö.

Juan 15:14 Iomraidhean Croise

1 Reyes 4:5

Natan itji̧ Azarias mikwo̧ma, gobernadorbedötjö la'aka luwo̧ ö̧jinobe. Natan itji Zabud mikwo̧ma, Diostjö jojodötjö ö'weje pjabato̧ ö̧jinobe, jadanö ju'wibi la'aka luwo̧ waisanö omukwatobö pjabato̧ ö̧jinobe.

2 Reyes 18:6

Jau, isabenö 'diinö do̧ba̧lö, otiwanö Isabenö Jo̧nö o̧'wo wana̧lö ö̧jinobe Ezequiasma. Otiwanö Moises i̧wȩyudina Isabenö Jo̧ weina jawa a̧ja̧kwö ja̧nö, jwaikwöda kabatibökönö Isabenö Jo̧nö ösödö ö̧jinobe Ezequiasma.

Éxodo 7:6

Ja̧danö Moisés, Aarón Isabenö Jo̧ wei̧danö a̧ja̧kwijadötö.

Proverbios 18:24

Ja̧danö, ju'wibi yötawa: Bakwo̧ma yö̧a̧lena ökwönö, chömöledöso̧, jö̧ba̧lö. Jobekwö yöa̧lijayonö omöna yöba̧lo̧, isabenö kwömöledöso̧bö̧kö̧. Jo̧kwaijayonö jelo̧ma isabenö kwömöledöso̧ ö̧jobe. Jo̧ba isabenö kwömöledöso̧ma yö̧ne kwömöledö pjatjati̧tjö bajalekwönönö pjabato̧ ökwönöma ba̧kwȩlö̧jatebö.

Isaías 41:8

Tupakwö laebobe Dios yöa̧li̧: Ökwödö Israel jojodöma, isabenö ötjöda chömöayedöja. Ökwödöma omudawö chujuninökwe Jacob itji̧mu tupadanö jojodöja, ja̧danö chömöledöso̧ Abraham itji̧mu tupadanö jojodöja.

Mateo 12:50

Jau chömöledö, okobe deinö mölejȩbe jo̧ Chabe'do ösödi̧danö ja̧badöma, yöne chömöledö chö̧ja̧wo̧dö ömadöbi, chöjawujudö ya̧döbi, chojo'dobi tjö̧jobe— jö̧ba̧lö yöawinobe Jesúsma.

Lucas 12:4

Tupakwö yöawinobe Jesúsma öba̧ja̧di̧ waisachadönö: —Ökwödö yöne chömöledönö baikwö yötawa: Jojodönöma yekabiduwoko, jojodöma sule tjiteba'oda kwabö lobadötjobetjö̧. Jau chömöledö, sule tjiteba'oda kwabö lotjobö juluwadö jojodöma. Tupakwö ökwödönö suli̧ tjöwaedoböma juluwöködö, jo̧kwajabetjö̧ jobadönö yekabiduwoko.

Juan 13:17

Ina yöawinobe: —Ötjö, ökwödö kwuluwo̧duwima, kwömasapaduwibiya chidicha̧laja̧ma kwomukwataduwobö chidicha̧latö, Ökwödöbi jejenö pjakataduwobö jo̧be, jö̧ba̧lö. Babema kwöwaisaduwobe pjakataduwobö ji̧ma. Jo̧kwaobetjö̧ jejenö pjakataduwitjö̧ma kwo̧'wo̧duwi ösöwanö kwö̧jaduwena—yöawinobe Jesúsma—.

Juan 14:15

Ina yöawinobe: —Ötjönö ile nikebaduwitjö̧ma ötjö weti̧ kwa̧ja̧kwaduwena.

Juan 14:21

Ötjö weti̧ a̧ja̧kwadöma isabenö ötjönö ile nibebö ju̧kwadö. Ja̧danö, ötjö Chabe'doma ötjönö ile nibebö ju̧kwadönö ile nibebö jo̧. Ja̧danö ötjöbi, ötjönö ile nibebö ju̧kwadönö ile nibebö jo̧sa. Jobadönö chi̧sekwakwo̧sa ötjönö tjöwaisachibanö—yöawinobe Jesúsma.

Juan 14:28

Yötawaja̧, Tjo̧wi̧ chi̧'yakobe, jö̧ba̧lö, kwa̧ja̧kwaduwatö. Ja̧danö, kwa̧ja̧kwaduwatö, Yemidanö chichakwo̧sa, jö̧ba̧lö, yötawaja̧ma. Jejenö a̧ja̧kwö kwo̧'wo̧ tjo̧kekwibaduwatö. ¿Tajawedö kwo̧'wo̧ tjo̧kekwibaduwa? Ötjöma Chabe'do ö̧jobekwö chȩwa̧jakwo̧sa. Ötjönö ile nikebaduwitjö̧ma kwösödaduwena, Otiwanö ȩwa̧jakobe abe'do öjobekwö, jö̧ba̧lö. Yelösöda Chabe'doma ötjönötjö o̧penönö inesö jo̧. Ötjönö ile nikebaduwitjö̧ma kwösödaduwo jö̧ka̧laduwena chȩwa̧jakwa̧ omukwatö— yöawinobe—.

Juan 2:5

Jejenö jö̧a̧lijayonö Jesús ojo'doma wejinobe jobe otidadönö: —Chitji̧ wei̧ma okobe jwiinö kwa̧ja̧kwaduwo— wejinobe.

Santiago 2:23

Ja̧danö, Abrahamma jejenö Diosnö o̧'wo̧ wana̧lö ö̧ji̧bi, ja̧danö, Dios wei̧ a̧ja̧kwöbi ö̧jobema Dios ajayinö yöawina badekwachinö ö̧jinobe. Ja̧ ajayinö yöawinama baikwö laebobe Dios iwenetjö: Abrahamma Dios yöawi̧ ösödinobe, Diosma jweinö yöbawo̧, jö̧ba̧lö. Jejenö ösödiökwe Diosma jo̧banö jö̧a̧linobe, Chedemi bitema suli̧ jwibo̧, jö̧ba̧lö. Jejenö laebobe. Ja̧danö, ju'wi jawabi laebobe, Dios Abrahamnö yöawina, baikwö: Abrahamma ötjö chömöledöso̧. Jejenö laebobe Dios iwenetjö, Abraham ö̧jina iwȩyudinama— jejenö yöbawö chatadena ötjönö yöba̧lo̧nö, Ju'wedöma Jesúsnö tjo̧'wo̧ wana̧löda ja̧dö, i̧sekwökönö, yöba̧lo̧nöma.

1 Juan 5:3

Ja̧danö chö̧ja̧wo̧dö, Diosnö ile nidebi̧ma di̧sekwobe, Dios wei̧ a̧ja̧kwö ja̧dösa, jö̧ba̧lö. Ja̧danö, Diosnö ile nibebö dö̧jena jo̧ba wei̧ da̧ja̧kwoböma waiyökö chö̧ja̧wo̧dö.