Juan 15:13 - Dios Iwene

¹³ Ja̧danö, bakwo̧ ömöledönö ile niebi̧ i̧sebi̧ma, ju'witjö o̧penönö ile niebi̧ i̧sebi̧ma biya̧: Bakwo̧, ömöledö tjö̧jibobö iyawö, jobadö tjö'wöchökönö itedada ö'wöcho̧. Jejenö iyawö bakwo̧ma ju'witjö o̧penönö jwiinö ile niebi̧ma i̧sebobe— Jesúsma yöawinobe öba̧ja̧di̧ waisachadönöma.

Juan 15:13 Iomraidhean Croise

Lucas 12:4

Tupakwö yöawinobe Jesúsma öba̧ja̧di̧ waisachadönö: —Ökwödö yöne chömöledönö baikwö yötawa: Jojodönöma yekabiduwoko, jojodöma sule tjiteba'oda kwabö lobadötjobetjö̧. Jau chömöledö, sule tjiteba'oda kwabö lotjobö juluwadö jojodöma. Tupakwö ökwödönö suli̧ tjöwaedoböma juluwöködö, jo̧kwajabetjö̧ jobadönö yekabiduwoko.

Juan 10:11

Ina yöawinobe: —Ötjödasa, o̧bȩja̧dönö otiwanö te'ada̧lo̧ma. Ja̧danö chöpöjojodö tjichitjö̧bi kabatibö̧kö̧sa chite'ada̧lawö̧nöma, chöpöjojodö ötjönö kwabö lotjenatjö̧bi. Te'ada̧lo̧sa, kwabö lotjenatjö̧bi.

Juan 10:15

Jejenö ötjökwö, Chabe'dokwö jo̧be. Ötjö Chabe'doma ötjönö öwaisobe, ja̧danö, ötjöma Chabe'donö chöwaisobe. Ja̧danö, ötjöma cha̧jwi̧mu o̧bȩja̧dö tjö̧jibinö ö'wöchö midawö lotakwo̧sa.

Juan 17:19

Chabe'do, ötjöma ökwö weköbi̧da a̧ja̧kwö iyawo̧sa, bidö chöba̧ja̧di̧ waisachadöbi isabenö, ökwö weköbi̧ a̧ja̧kwö iyawedö batjibanö tjuju̧kwakobetjö̧— aebinobe Jesúsma Abe'donöma.

Efesios 5:2

Cristoma ökwödönö ile niebobetjö̧ dumusidi̧ midawö ö'wöchijetö, dö̧jibinö pjabatö. Jejenö pjabatö, Diosnö söinö nöekwi̧ jawa juwö tjiyinadanö Cristoma midawö iyijetö Diosnöma. Ja̧danö chömöledö, Cristo ökwödönö ile niebi̧danö ökwödöbi kwömöledöduwinö ile nibebö ja̧duwi.

1 Juan 3:16

Ja̧danö chö̧ja̧wo̧dö, dö̧ja̧wo̧dönö ile nibebö dö̧ji̧ma ¿dakwö ja̧bö dö̧jobeda? ¿Ti i̧sebinada döwaisachibanö, Ja̧da ile nibebö ja̧kwawa, jö̧ba̧lö? Jesúsda chö̧ja̧wo̧dö. Jesúsma ökwödönö ile nibebö, ökwödö diminö dusula dumusidi̧ midawö ö'wö baibinobe. Chö̧ja̧wo̧dö, ökwödöma Jesús ile nibebö ö̧jinadanö, okobe jwiinö iyö, ökwödöbi dö̧ja̧wo̧dönö pjabatö, ile nibebö dö̧jobö jo̧be, debö di̧'yitjö̧bi.