Juan 14:19 - Dios Iwene

¹⁹ Babema lekwokobe ötjö wotakwa̧ma. Wotaja̧ okobema ötjönö öpöjödadöma ötjönö yemidanö tjedökakwedö. Jo̧kwaijayonö ökwödöma ötjönö yemidanö kwedaduwakwedöja. Ja̧danö, ötjöma wobajaletjö tjetachajakobetjö̧ ökwödöbi wobajaletjöma tjekachajaduwakwedöja, ba̧kwȩlö̧jatebö kwö̧jaduwobö.

Juan 14:19 Iomraidhean Croise

Juan 11:25

—Marta ötjödasa wobinadö yemidanö tjetjachinö ja̧bo̧ma. Ötjödasa ji̧bakwawa iyo̧ma. Ötjönö o̧'wo̧ wana̧lo̧ma woaja̧ ikenabi yemidanö ö̧jakwo̧.

Juan 12:35

Jejenö abebö tja̧ja̧kwökwe wanedö yöawinobe: —Dewi̧ma lekwema dejatokobe, ökwödö kwö̧jaduwobema. Jo̧kwaobetjö̧ ina dejatobetjö̧ dewinö dejatobeda kwekachaduwo otiwanö kwi̧'yaduwobö. Jau, dewa'wo okwanönda kwekachaduwo, yȩa'wo okwa tekachibaduwapji jö̧ba̧lö. Yȩa'wo okwa kwebachadöma tji̧'yobema edökönö kwebachadö— jö̧a̧linobe Jesúsma, wanedö yöbawö—.

Juan 13:33

Ina yöawinobe: —Chösödawö̧, ökwödökwö chö̧ji̧ma lekwökö. Chȩwa̧jocha. Chȩwa̧jabe okobema ötjönöma isakwö kwöbadekwajaduwökakobe. Belö yötawijatö la'aka luwedönö, Ötjö chi̧'yakwa̧ma kwi̧'yaduwoböma jwiobe, jö̧ba̧lö. Jejenö yötawa ökwödönöbi. Kwi̧'yaduwokobe chȩwa̧jobema.

Juan 14:6

—Ötjödasa Dios ö̧jobekwö 'ya̧kwawa manama— yöawinobe Jesúsma—. Ja̧danö, ötjödasa jweinö yöbawo̧ma jweinö jo̧chobetjö̧. Ja̧danö, ötjödasa ba̧kwȩlö̧jatebö ja̧kwawa iyo̧ma. Ja̧danö, ötjöma Dios ö̧jobekwö 'ya̧kwawa manachobetjö̧, ötjönöda 'yo̧ma Dabe'do Dios ö̧jobekwö ichibakwo̧.

Juan 16:16

Ina yöawinobe Jesúsma iteda öba̧ja̧di̧ waisachadönöma: —Ötjö chi̧'yakwa̧ma yöneawacha. Ja̧danö, chi̧'yajabe okobema kwedaduwökakobe ötjönöma—yöawinobe—. Jo̧kwaijayonö lekwökakobe yemidanö kwedaduwakobe ötjönöma— yöawinobe Jesúsma öba̧ja̧di̧ waisachadönö.

Juan 16:22

Jejenö ja̧döja ökwödöma. Babema kwo̧'wo̧duwi tjo̧bekwö kwö̧jaduwobe. Jo̧kwaijayonö yemidanö ötjönö kwedaduwenama kwo̧'wo̧duwi̧ tjo̧bekwökönö, kwo̧'wo̧duwi̧ ösöwanö kwö̧jaduwakobe, ötjönö ösödö. Ja̧danö, bakwo̧bi deobe kwo̧'wo̧duwi̧ ösöwökönö baibanö webo̧ma.

Juan 6:40

Ja̧danö ötjö, Dios Itji̧nö tjöwaisachibanö ösödadöma ba̧kwȩlö̧jatebö tjuju̧kwobö ösödobe Chabe'doma. Ja̧danö, 'dö̧ibaji̧ möle badekwachena yemidanö tjetjachajinö chotidobö ösödobe ötjönö webo̧, Chabe'doma—Jesús yöawinobe.

Juan 7:33

Ja̧danö, jejenö do̧tjatobö wetjonö, Jesúsma, jojodönö yöawinobe, iteda ö̧jobekwö ichajadönö: —Ökwödökwö chö̧ji̧ma lekwokobe. Ikenama ötjönö webina ö̧jobekwö chȩwa̧jakwo̧sa.

Juan 8:21

Ja̧danö, Jesúsma yemidanö yöawinobe: —Ötjöma betjöma chȩwa̧jakwo̧sa. Ötjönö kwisakwaduwijayonö kwichibaduwökakobe. Ja̧danö, ötjönö kwichibaduwokobetjö̧, kwusuladuwi̧ma söbebö lobawöködöda woköbaduwakwedöja. Ja̧danö, chȩwa̧jakwemima kwichibaduwökakwedöja— yöawinobe Jesúsma fariseo jojodönöma.

Hechos 10:41

Öwawachinö ja̧ijayonö okobe deinö tjedobö ja̧bijökötö. Ökwödönöda, Jesús ö̧jina yödawobö Dios 'da̧batö ujuninawö̧nöda öwawachijatö Jesúsma. Jesús tjeachaja̧ ikenama du̧kwabi jo̧bakwö dukwijatö, ja̧danö, owöbi dowijatö jo̧bakwö.

Romanos 5:10

Weökakobe chömöledö. Baikwö yötawa: Dios öpöjojodö dö̧jayi, Dios i̧tji̧ma midawö woinobe, Dios ömöledö badibanö ja̧bö, ¿jö̧tö? Jau chömöledö, Jesúsma ökwödö sulabedönö, jo̧banö öpöjödadönö pjaatinobe. Ja̧danö, jejenö jo̧banö öpöjödadönö pjaatinobema, ¿iteda ömöledönö pjaatökenaji̧? Babema woina tupakwö, woawatjö yemidanö tjeachajinobema, ¿pjaatökenaji̧? Pjaatena chömöledö. Jemi tupakwöda pjabato̧ chömöledö iteda ömöledönöma, Dios lȩebakwa̧tjö ja'yubebi demapji jö̧ba̧lö.

Romanos 8:34

Ja̧danö, ¿bakwo̧bi ö̧jobeji̧, ökwödönö, Bidöma Dios lȩebakwawö̧, jö̧ba̧lö yöawakwo̧ma? ¿Cristo Jesúsda jejenö yöawenaji̧? Yöbawö̧kö̧ chömöledö, Cristoda midawö woinobe, ökwödö dö̧jibobö. Ja̧danö, midawö wobajo̧, woawatjö tjeachajinobe. Ja̧danö, tjebachajo̧, babema Abe'do Dios öwaisobekwöchobe jo̧ jo̧bama. Ja̧danö, öwaisobekwöchobe ja̧nö, Bidönö ötjönö ösödadönö lȩkeba, jö̧ba̧lö webo̧ chömöledö.

1 Corintios 15:20

Jo̧kwaijayonö, jobadöwe jö̧ba̧lö ökwödönö tjomukwatoböma jwia chömöledö, Cristoma isabenö woawatjö tjeachajinobetjö̧. Jau chömöledö, Diosma Cristonö tjeachajinö ja̧inobe, ja̧danö jejenö Cristonö tjeachajinö ja̧bö, wobinadö woawatjö tjetjachajakwa̧ wene yöbawö ujuninobe Diosma chömöledö.

1 Corintios 15:45

Jau chömöledö, baikwö laebobe Dios iwene: Ajayinö jojo Adánnö otidinobe, 'yabalo̧ baibanö, jö̧ba̧lö laebobe. Jo̧kwaijayonö, ikena luwo̧ Cristoma, ja̧kwawa iyo̧ O̧'wo̧ Luwo̧ baibinobe.

Hebreos 7:25

Jo̧kwaobetjö̧ Jesúsda jojodö Dioskwö ichibö tjö̧jibinö pjabato̧, Jesúsma dö̧jibinö pjabato̧, jö̧ba̧ladönöma. Ja̧danö, jobadö tjö̧ji̧bi okobe jwiinö pjaatinobe Jesúsma, ja'yubebi ji̧bökönö. Ja̧danö, Jesúsma jo̧banö ösödadönöma ba̧kwȩlö̧jatebö tjö̧jibinö pjabato̧, Jesúsma ba̧kwȩlö̧jatebö Diosnö abebö jobadönö pjaatobö ö̧jobetjö̧.

Apocalipsis 20:4

Ja̧danö, chedijatö ba̧kwawa ökiya, nöinö, la'aka luwedö tjö̧baji̧ ökiya. Ja̧ ökiyanö ba̧jadöma Dios lȩebakwa̧ jawa yötjawobö ba̧jadö. Ju'wedönöbi chedijatö, öwawöködönö. Jobadöma tjuubiya bulabinö lotjinawö̧, Dios iwenebi Jesús yöawinabi yötjawobetjö̧. Jobadöma ojwe okwatjö labebinanö, jo̧ba o̧'wo̧ jawabi öpöjödadö. Ja̧danö, jo̧ba imi número doawa, tjömamunöbi tjöbanöbi öpöjödadö. Jejenö tjöpöjödobetjö̧, tjuu bulatö lotjinawö̧. Ja̧danö, jobadöma wotjinajayonö yemidanö 'yabibajinadö, Cristokwö jojodönö webö tjö̧jobö, ja̧ mil imiamebiya jenanö.