Juan 13:8 - Dios Iwene

⁸ —Chuluwo̧, la'akatjöda kwidichökakobe chömasapama—jö̧a̧liökwe: —Simón Pedro, kwömasapa chidichökötjö̧ma chömöayo̧bö̧kö̧ kwö̧jena—jö̧a̧liökwe:

Juan 13:8 Iomraidhean Croise

Génesis 42:38

Jo̧kwaijayonö Jacobma jö̧ba̧lijetö: —Ötjö chitji̧ma i̧'yokobe ökwödökwöma. Öpöebi deobe. Woinobe. Raquel ji̧jtji̧mutjöma bakwo̧da, Benjamínda ö̧jiba. Wetokobe jo̧banöma. Kwi̧'yajaduwobe sulabe baleditjö̧ma, jwiinö cho̧'wo̧ tjo̧tekwena. Isabenö ötjöma jwiinö pöesa. Chitji̧ Benjamínö sulabe baleditjö̧ma cho̧'wo tjo̧tekwinö debö chi̧'yakwo̧sa— jö̧ba̧lijetö Ja̧cobma itji̧mu̧nöma.

2 Samuel 20:1

Ja̧danö, israel jojodö judasaso jojodökwö jejenö jwöjwöbakwawö tjö̧jenama, jobe bakwo̧ sulabo̧ Saba mikwo̧ ö̧jinobe. Jo̧ba Sabama, Benjaminsaso jojo, ja̧danö Bicri mikwo̧ itji̧. Jo̧ba Sabama, israel jojodö judasaso jojodö jwöjwötjakwawi̧ a̧ja̧kwö, trompeta pjubö, yöa̧linobe, —Judasaso jojodö yötja̧li̧danö, jobadöda David ömöledöma, ökwödö israel jojodöma David ömöledöböködösa, ja̧danö jo̧ba Isai itji̧ David iyi̧tjö la'akatjöda demökakwedösa. Jo̧kwajabetjö̧ jo̧banö kabatibö, bakwo̧nökwena dejube dȩwajaduwo, —jö̧ba̧lö yöa̧linobe.

1 Reyes 12:16

Salomon itji̧ Roboan jobekwö atadiawö̧, israel jojodöma tjöwaisachibinobe, —Roboanma adebi̧ a̧ja̧kwö̧kö̧, —jö̧ba̧lö. Ja̧danö, jejenö waisachibajadö, la'aka luwo̧ Roboannö tjatadinobe, —Yöda̧laja̧ a̧ja̧kwökönö sulabenö kwatadobetjö̧, dedemi la'aka luwo̧ Davidmine ömöledöböködösa. Jau, ökwödöma jo̧ba Isai itji̧ Davidtjö ja'yubebi emöködösa, ja̧danö kwömöayedö dö̧joböma jwibadösa, —jö̧ba̧lö tjatadinobe. Ikenama ju'wedö israel jojodönö jwöbö yötja̧linobe, —Ökwödö Israel jojodöma, okobe deinö dejukwena dȩwa̧jobö jobe. Bite David itji̧ tupadanö jojo Roboan, ökwödönö weobö jwibo̧, iteda ömöledönöda weobö jo̧be, ökwödö ömöledöböködönö weoböma jwibo̧, —jö̧ba̧lö yötja̧linobe. Ikenama, yöba̧lajadö, okobe deinö tjȩwa̧jinobe.

Isaías 4:4

Ja̧ baledakwa̧ möle jawa, baikwö labebö lobö yötawa: Ja̧ möle baledakwa̧ abönö, Isabenö Jo̧ma Jerusalennö ju̧kwadö tjusula lȩbebö, Jerusalen comunidad dichö loakobe. Jerusalennö ju̧kwadö ya̧dö inesö suli̧ tjusula söbebö lobö lȩebakobe, ja̧danö jojodö tjökwösobö ku̧kwinö kwabö lotjina mikwa baibanö, lȩebakobe. Lȩbebö, ubinö juwö loakobe, tjökwösobö ku̧kwi̧ yȩi̧ma dichö loakobetjö̧, ja̧danö okobe jwiinö Jerusalennö ji̧ suli̧ jawama, juwö loakobe.

Mateo 16:22

Jejenö yöawökwe, Pedroma jo̧banö do̧batö yöa̧linobe: —Chuluwo̧, sulabenö yöka̧la. Jejenöma la'akatjöda baledökena ökwönö, Dios weökena— jö̧ba̧lö.

Mateo 21:29

Weökwe: Chotidökö, jö̧ba̧lö atadinobe, jo̧kwaijayonö tupakwö omukwati̧ balewachibö otidö i̧'yinobe abönö pöema.

Mateo 26:33

Jö̧a̧lökwe, Pedroma Jesúsnö yöa̧linobe: —Ju'wedö okobe deinö ökwönö le'dedibö dötjibajijayonö, ötjöma la'akatjöda le'dediböma dötibajökakwo̧sa— jö̧ba̧lö.

Mateo 26:35

Yöawökwe, Pedroma atadinobe: —La'akatjöda jejenöma yöta̧lokocha chuluwo̧, ökwökwö wotitjö̧böbi, ¡la'akatjöda jejenö yöta̧lökakwo̧sa!— jö̧ba̧lö yöa̧linobe. Ja̧danö, okobe deinö ju'wedö Jesús öba̧ja̧di̧ waisachadöbi Pedro yöa̧laja̧danö yötja̧linobe.

Juan 13:6

Ja̧danö, Simón Pedro ö̧jobekwö 'ya̧wibiökwe: —¿Tajawedö kwidichatjö Chuluwo̧, chömasapama?— abebö a̧ja̧kwinobe Simón Pedro, Jejenömaökö. Jesús ötjö chömasapa kwidichoböma jwiya, jö̧ba̧lö. Jejenö jö̧a̧liökwe:

Juan 13:9

—Chuluwo̧ jo̧kwaobetjö̧ chömamijukwöbi, chuukwöbi okobe jwiinö dichitjö—jö̧a̧linobe Simón Pedroma.

Juan 3:5

—Isabenö yötawakwö. Bakwo̧ Dios O̧'wo̧ Luwo̧tjöbi ojwiyotjöbi baibökökwema isabenö Dios La'aka Luwo̧ ö̧jobekwö teachökakwo̧— yöawinobe Jesúsma—.

Hechos 22:16

Ikenama jö̧a̧lijatö, ¿Tajawedö bena ba̧nö eda̧lödö kwö̧ja? A̧laibi, ojwenö chubu̧datokwö. Diosnö abebi ökwö kwusuli̧ söbebö lookwö, jö̧ba̧lö, yöawijatö Ananíasma ötjönöma— yöbawijetö Pabloma—.

1 Corintios 6:11

Ökwödötjö ju'wedöma jejenöbedö kwö̧jinaduwobe ajayinöma chömöledö, jo̧kwaijayonö Duluwo̧ Jesucristo midawö woinobetjö̧, Dios O̧'wo̧ Luwo̧ma kwusuladuwi̧ dichö loinobe, ja̧danö Dios ömöledö bakibaduwanö ökwödönö 'da̧batö ujuninobe, ja̧danö sulabe jwibadö bakibaduwanö ja̧inobe.

Efesios 5:26

Jejenö Cristoma, ökwödönö 'da̧batö ujuninobe, suli̧ jwibadö badibinö. Wanedö yötawa chömöledö: Ökwödöma ojwe dibenama otiwanö didewachibobe. Ja̧danö, Cristoma itedada iwenenö ökwödönö dichö loinobe didewachibinö. Jau chömöledö, Cristo iwene a̧ja̧kwö dösödena ökwödönö dichö loinobe, didewachibinö.

Deuteronomio 12:12

Ja̧danö jobe Dios ejutjöda kwuluwo̧duwi Isabenö Jo̧ Diosnö kwo̧'wo ösöwachibaduwanö ösödö, ba'ali kwukwaduwobö ja̧kobe, ökwödöbi, kwi̧tji̧muduwibi, kwömöayedöduwibi, kwitebo comunidadnö ju̧kwadö Levisaso jojodöbi. Jau chömöledö, jobadö Levisaso jojodöma idöda tjitebo niji juna̧löködö, Diosma idöda tjitebo baibanö niji iyokobetjö̧, jo̧kwajabetjö̧ ökwödö jelesokwena kwiteboduwi niji juna̧ladö Dios öba a'o kwo̧'woduwi ösöwachibanö ba'ali kwukwaduwenama, kwitebo comunidadtjö Levisaso jojodöbi ökwödökwö ba'ali tjukwobö ja̧kobe.

Colosenses 2:18

Ja̧danö ju'wedöma yötja̧lena, Aaa, chi̧'wi̧di̧danö chedajabe, usulasedö mikwawöködö tjö̧ji̧danö dö̧jitjö̧ma otiwena, ja̧danö ángelesdönö dösöditjö̧ma otiwena, jö̧ba̧lö yötja̧lena. Jejenö ja̧böködöma sulabedö jö̧ba̧lö yötja̧lena, jo̧kwaijayonö jejenö yöba̧ladö wetji̧ma a̧ja̧kwökönaduwi. Jobadöma böjȩ jojodö tjomukwati̧da omukwatö, Otiwadösa, jö̧ba̧lö tjomukwatobe chömöledö,

Colosenses 2:23

Jau chömöledö, jejenö ja̧badö ja̧tji̧ edö, böjȩ jojodöma, Aaa, waisanö ja̧badöwe, jö̧ba̧lö tjomukwatena. Jobadö ángelesdönö tjösödobe edö, ja̧danö usulasedö mikwawöködö tjö̧ji̧danö tjö̧jobe edö, ja̧danö tjiteba'o usula emawinö ja̧tjobe edö, böjȩ jojodöma, Aaa, waisanö ja̧badöwe, jö̧ba̧lö tjomukwatena. Jo̧kwaijayonö baikwö yötawaduwakwö chömöledö, ja̧tji̧ma waisanö ja̧awadanö ichejekwijayonö, isabenö pjaatökö ji̧, ja̧danö sulabenö dösödi̧ jawa ja̧dapji jö̧ba̧löma pjaatökö ji̧.

Tito 3:5

ja̧danö dö̧jibinö pjaatinobe. Ökwödöda otiwanö ja̧diökwema ja̧inokobe dö̧jibinö ja̧böma, iteda lȩlö̧jinö edo̧obetjö̧, dö̧jibinö ja̧inobe. Jau Tito, Dios O̧'wo̧ Luwo̧ma ökwödö sulabe dujuna̧li̧ dichö loinobe, 'yabayedö badibanö, 'yayinö bötjachibadö badibanö.

Hebreos 10:22

Jo̧kwaobetjö̧ Dios ö̧jobekwö tedachaduwo chömöledö, jo̧banö ösödö. Omukwataduwökönuwi, ¡Ayö! Ötjöma Dios öba a'otjö wene juna̧lo̧sa, jö̧ba̧lö. Dioskwö chichibobö jwibo̧sa, jö̧ba̧lö, omukwataduwökönuwi. Jejenö domukwatobö jwiobe chö̧ja̧wo̧dö. Tjo̧wi̧, ökwödöma ja̧ domukwati̧tjö dichö loinawö̧sa, Jesús ökwösobunö lilibö. Ja̧danö chö̧ja̧wo̧dö jwiinö salöobu ojwiyonö idichinawö̧sa, Dios öba a'otjö dewadöda badibinö. Jo̧kwaobetjö̧ Dios ö̧jobekwö tedachaduwo, okwa dichawedöda, Jesús imidawinanö jwiinö do̧'wo̧ wana̧lö.

Apocalipsis 1:5

Ja̧danö, Jesucristoma ökwödönö lȩlö̧jino edobö chösöda, kwo̧'wo̧ luwo̧duwi ösöwachibanö kwö̧jaduwobö. Jesucristoma Dios omukwati̧ jweinö yöbawo̧. Ja̧danö, jo̧bama wobinadötjö abönö tjebachajina. Ja̧danö, okobe deinö böjȩ la'aka luwedönö webö jo̧ Jesucristoma, inesö la'aka luwo̧obetjö̧. Chömöledö, Jesúsma ökwödönö jwiinö ile nibebo̧. Jo̧bama iteda ökwösobu ebawinö imidawinobetjö̧, sulabe wei̧ a̧ja̧kwökönö, otiwanö dö̧jobö jo̧be.

Apocalipsis 7:14

Jejenö abebö a̧ja̧kwitjö̧ chatadijatö: —Chuluwo̧ma, ökwöda kwöwaisa— jö̧ta̧lökwe: —Jau, yötawakwö. Bidöma, inia tjöawa baledi̧ möletjö o̧penönö baledi̧ möle inia tjöbö ji̧nadö. Ja̧danö, tjökamisima, Obeja Itji̧danö Jo̧ ökwösobutjö dichö loi̧danö dichö loawa odi̧ju, dewi̧ odo̧ baibanö. Ja̧danö, bidöma dewi̧ odo̧ 'dubawadö babibinadö.