Juan 13:5 - Dios Iwene

⁵ Jwabekwajo̧ ojwiyo toebinobe dolupjonö. Tobebajo̧ iteda öba̧ja̧di̧ waisachadö tjömasapabiya jamatö idichinobe, bakwo̧nökwena. Dichajo̧ 'do̧inobe jwaekwa'wonö.

Juan 13:5 Iomraidhean Croise

Génesis 18:4

Ja'yubeda ojwiyo weto tjichejebobö kwömasapaduwi kwidichawaduwobö. Ja̧danö, dichawö kabatöma towi la'aka ba̧nö kwö'wachaduwo, tiyuwena.

Génesis 19:2

Ja̧danö jö̧ba̧lijetö jobadönö: —Chuluwedö. Ökwödö kwömöayo̧duwisa ötjöma. Cheju okwa tebachajaduwi kwömasapaduwi kwidichawaduwo. Dichawö kabatöma kwabaduwo, dewachö wiluibö labebö kwi̧'yaduwo— jö̧ba̧lijetö. Jejenö jö̧alijayonö jobadöma jö̧ba̧lijadötö: —Kwejunöma dabökö. Ökwödöma apetube daboda—jö̧ba̧lijadötö.

Génesis 43:24

Ikenama José ömöayo̧ma José eju okwa tebatijetö José ömöledönöma. Tebachajadönö ojwiyo iyijetö tjömasapiya tjidichawobö. Ja̧danö, tja̧jwi̧mu bu̧lu̧dönöbi iyijetö tjukwobö.

2 Reyes 3:11

Jobekwö yöa̧liökwe, Juda luwo̧ Josafatma abebö a̧ja̧kwinobe: —Isabenö Jo̧ Dios yöawi̧ yöbawo̧ deiji̧, jo̧banö Dios yöawi̧ abebö da̧ja̧kwoböma? —jö̧ba̧lö. Abebö a̧ja̧kwiawö̧, Israel luwo̧ ömöayedötjö bakwo̧ yöawinobe, —Ajayinö Elias ömöayo̧ ji̧na, Eliseo mikwo̧ma ökwödökwö ö̧jobe, —jö̧ba̧lö.

Éxodo 29:4

Jemi ikenama Aarónnö, i̧tji̧mu̧nö öbibö kwi̧'yo ökwödö kwö'da̧deduwinö chö̧jakweju teachakwawemi. Jobetjö ötjö chöba a'o kwichejebawö̧nö dichawiatjinadanö kwidichodönö. Ja̧ kwidichi̧ma jobadö tjusula dichö loköbi̧danö wanekwachakobe.

Isaías 1:16

—Isabenö ötjönö kwösödaduwobö jö̧ka̧laduwitjö̧ma, kwidichawaduwo, chöba a'otjö sulabe jwibadö kwö̧jaduwakobetjö̧. Chöba a'otjö sulabenö ja̧köbaduwi̧ kakatibaduwo.

Lucas 7:38

ja̧danö Jesús oma'apekwöchobe bȩbachibö jubudekwinobe. Budekwö, jubudesobunö Jesús ömasapiya jidichinobe, ja̧danö jöwö'yenöbi 'do̧jinobe Jesús ömasapiyama, ja̧danö Jesús ömasapiya du̧batö, omewi̧ jawa Jesús ömasapiyanö tobebö dujebinobe.

Lucas 7:44

Ja̧danö jojosuju jö̧bobekwö jalachibö, Jesúsma Simónnö yöa̧linobe: —Bisu jojosujunö edi. Kweju okwa tetachenama, ojwiyo kwiyökötö, chömasapiya chidichawobö, jo̧kwaijayonö bisuma jubudesobunö chömasapiya jidichajabe, ja̧danö dichaju, jöwö'yenö 'do̧bö chömasapiya jököködajabe.

Juan 13:10

Jejenö jö̧a̧lökwe: —Tjo̧wi̧ ojwe ibajadöma yemidanö tjidichawoböma jwiobe— yöawinobe Jesúsma—. Tjömasapada tjidichawobö jobe, dewadö ojwe tjibajobetjö̧. Ja̧danö, ökwödöma dewadö bakibaduwijatö. Jo̧kwaijayonö okobe deinömaökö. Ökwödötjö kwömasapiya chidichawö̧tjö bakwo̧ dewö̧kö̧— yöawinobe Jesúsma.

Juan 13:6

Ja̧danö, Simón Pedro ö̧jobekwö 'ya̧wibiökwe: —¿Tajawedö kwidichatjö Chuluwo̧, chömasapama?— abebö a̧ja̧kwinobe Simón Pedro, Jejenömaökö. Jesús ötjö chömasapa kwidichoböma jwiya, jö̧ba̧lö. Jejenö jö̧a̧liökwe:

Juan 13:8

—Chuluwo̧, la'akatjöda kwidichökakobe chömasapama—jö̧a̧liökwe: —Simón Pedro, kwömasapa chidichökötjö̧ma chömöayo̧bö̧kö̧ kwö̧jena—jö̧a̧liökwe:

Juan 19:34

Jo̧kwaijayonö guardia jojodötjö bakwo̧ Jesús ometupanö doinobe tokwötenö. Doemi ökwösobukwö ojwiyokwö ebawinobe.

Hechos 22:16

Ikenama jö̧a̧lijatö, ¿Tajawedö bena ba̧nö eda̧lödö kwö̧ja? A̧laibi, ojwenö chubu̧datokwö. Diosnö abebi ökwö kwusuli̧ söbebö lookwö, jö̧ba̧lö, yöawijatö Ananíasma ötjönöma— yöbawijetö Pabloma—.

1 Corintios 6:11

Ökwödötjö ju'wedöma jejenöbedö kwö̧jinaduwobe ajayinöma chömöledö, jo̧kwaijayonö Duluwo̧ Jesucristo midawö woinobetjö̧, Dios O̧'wo̧ Luwo̧ma kwusuladuwi̧ dichö loinobe, ja̧danö Dios ömöledö bakibaduwanö ökwödönö 'da̧batö ujuninobe, ja̧danö sulabe jwibadö bakibaduwanö ja̧inobe.

Efesios 5:26

Jejenö Cristoma, ökwödönö 'da̧batö ujuninobe, suli̧ jwibadö badibinö. Wanedö yötawa chömöledö: Ökwödöma ojwe dibenama otiwanö didewachibobe. Ja̧danö, Cristoma itedada iwenenö ökwödönö dichö loinobe didewachibinö. Jau chömöledö, Cristo iwene a̧ja̧kwö dösödena ökwödönö dichö loinobe, didewachibinö.

1 Timoteo 5:10

ja̧danö, wobekwinadötjö tjite'ada̧lakwawö̧ma sule jojodö, Bidöma otiwanö ja̧bö ji̧nadö, jö̧ba̧lö tjöwaisawö̧nöda. Ja̧ otiwanö ja̧bö tjuju̧kwina jawama baikwö yötawa: Otiwanö tji̧tji̧munö bötjatö, jelobetjö ichajadönö tjejunö tebatö, ju'wedö Jesúsnö ösödadö tjömöayujudanöbujusa jö̧ba̧lö pjabatö, usula emawadönö pjabatö, ja̧danö jwaikwöda okobe jwiinö otiwanö ja̧awa ja̧bö. Jejenö ja̧bö ji̧nadö ya̧dö tji̧lȩkwa̧munö wobekwinadönöda kwujuno, Jesúsnö ösödadö tjite'ada̧lawö̧, jö̧ba̧lö

Hebreos 10:22

Jo̧kwaobetjö̧ Dios ö̧jobekwö tedachaduwo chömöledö, jo̧banö ösödö. Omukwataduwökönuwi, ¡Ayö! Ötjöma Dios öba a'otjö wene juna̧lo̧sa, jö̧ba̧lö. Dioskwö chichibobö jwibo̧sa, jö̧ba̧lö, omukwataduwökönuwi. Jejenö domukwatobö jwiobe chö̧ja̧wo̧dö. Tjo̧wi̧, ökwödöma ja̧ domukwati̧tjö dichö loinawö̧sa, Jesús ökwösobunö lilibö. Ja̧danö chö̧ja̧wo̧dö jwiinö salöobu ojwiyonö idichinawö̧sa, Dios öba a'otjö dewadöda badibinö. Jo̧kwaobetjö̧ Dios ö̧jobekwö tedachaduwo, okwa dichawedöda, Jesús imidawinanö jwiinö do̧'wo̧ wana̧lö.

1 Juan 1:7

Jo̧kwaijayonö ökwödötjö bakwo̧ otiwanö ja̧bö, dewinö jo̧ Dios omukwati̧danö omukwatö jo̧ma, dewa'wo okwa kwebachö jo̧, Dios ö̧jobema. Jejenö kwebacho̧ma isabenö omajadenö Dioskwö bakobe dötekwö jo̧, Dios iwene, isabenö ji̧ wene ösödö. Ja̧danö, jejenö ja̧nö jo̧ba dewa'wo okwa kwebacho̧ma Cristotjö ö̧ja̧wo̧dönö ile nibebö ö̧jobe. Ja̧danö, jo̧bama Dios öba a'otjö okobe jwiinö suli̧tjö dichö loinökwe, Dios Itji̧ Jesús ökwösobu ebawinö imidawinobetjö̧. Chö̧ja̧wo̧dö, ökwödöma jejenö kwi̧'yaduwobö jo̧be, kwomajadeduwinö Dioskwöbi, kwö̧ja̧wo̧dökwöbi bakobe dötekwö ja̧nö.

1 Juan 5:6

Chö̧ja̧wo̧dö, isabenö döwaisobö jo̧be, Jesús, böjȩnö ichinama, Dios Itji̧, ja̧danö, Dios weinökwe jojodö tjö̧jibinö pjaatobö, jö̧ba̧lö. Ja̧danö, böjȩnö ö̧jena jo̧banö baledinama ökwödönö i̧sebobe, Isabenö Jesúsma Dios Itji̧, Dios weinökwe dö̧jibinö pjaatobö, jö̧ba̧lö. Ja̧danö, Jesús otidawa öjamatakwa̧ abönö Juan Ojwenö Bu̧dato̧ma Jesúsnö ojwenö ubu̧datinobe. Jejenö baledena wajuwanö i̧sebinobe, Jesúsma Dios Itji̧, Dios weinökwe, jö̧ba̧lö. Ja̧danö, ju'wi baledinabi, Jesúsnö ojwenö ubu̧datinadamaökö i̧sebobe, Jesúsma Dios Itji̧, Dios weinökwe, jö̧ba̧lö. Jesúsma iteda otidawa kaatena towisa'otjö ökwösobu ebawinö midawö ö'wöchinobe. Ja̧ baledinabi ökwödönö i̧sebobe, Jesúsma Dios Itji̧, Dios weinökwe dö̧jibinö pjaatobö, jö̧ba̧lö. Chö̧ja̧wo̧dö, isabenö döwaisobö jo̧be, Jesús, böjȩnö ichinama, Dios Itji̧, ja̧danö, Dios weinökwe jojodö tjö̧jibinö pjaatobö, jö̧ba̧lö. Ja̧danö chö̧ja̧wo̧dö, Dios O̧'wo̧ Luwo̧bi bakwainö yöawobe, Jesúsma Dios Itji̧, jojodö tjö̧jibinö pjabato̧, jö̧ba̧lö. Ja̧danö, Dios O̧'wo̧ Luwo̧ma bakwai̧ yöawakwawa yöbawo̧, isabenö ji̧ yöawakwawada.

Apocalipsis 1:5

Ja̧danö, Jesucristoma ökwödönö lȩlö̧jino edobö chösöda, kwo̧'wo̧ luwo̧duwi ösöwachibanö kwö̧jaduwobö. Jesucristoma Dios omukwati̧ jweinö yöbawo̧. Ja̧danö, jo̧bama wobinadötjö abönö tjebachajina. Ja̧danö, okobe deinö böjȩ la'aka luwedönö webö jo̧ Jesucristoma, inesö la'aka luwo̧obetjö̧. Chömöledö, Jesúsma ökwödönö jwiinö ile nibebo̧. Jo̧bama iteda ökwösobu ebawinö imidawinobetjö̧, sulabe wei̧ a̧ja̧kwökönö, otiwanö dö̧jobö jo̧be.

Apocalipsis 7:14

Jejenö abebö a̧ja̧kwitjö̧ chatadijatö: —Chuluwo̧ma, ökwöda kwöwaisa— jö̧ta̧lökwe: —Jau, yötawakwö. Bidöma, inia tjöawa baledi̧ möletjö o̧penönö baledi̧ möle inia tjöbö ji̧nadö. Ja̧danö, tjökamisima, Obeja Itji̧danö Jo̧ ökwösobutjö dichö loi̧danö dichö loawa odi̧ju, dewi̧ odo̧ baibanö. Ja̧danö, bidöma dewi̧ odo̧ 'dubawadö babibinadö.

Jueces 19:21

jobadönö öbibö teatinobe ejube. Ja̧danö, tebatajo̧, bu̧lu̧dönö tju̧kwa iyinobe, ja̧danö teatajawö̧nö ojwiyo iyinobe, tjömasapiya tjidichawobö. Ikenama kwanöbi tjukwinobe, ja̧danö owöbi tjowinobe.

1 Samuel 25:41

Yötjawoko, Abigailma jöba nijakwö bȩbachibö yöja̧linobe, —Otiwa, jo̧ba ömöayujusa. Ja̧danö ju'wibi jo̧ba ömöayedönö pjabatö tjömasapiya dichö lotakwujusa, —jö̧ba̧lö.