Juan 13:38 - Dios Iwene

³⁸ —¿Isaji̧? ¿Ötjönö kwabö lotjonöbi pjakatakwa̧ji̧, jojodötjö 'döbebö? Isabenö yötawakwö Pedro. Jejenömaökö. Ökwöma yebabinö yöka̧lakobe, Jesúsnöma wajwitökwe, jö̧ba̧lö. Wa̧pötakwanö jejenö yöka̧lakobe. Ja̧danö, wa̧pötakwanö yöka̧laja̧ ikena akala jwöakobe—yöawinobe Jesúsma Simón Pedronöma.

Juan 13:38 Iomraidhean Croise

Proverbios 16:18

Ja̧danö, ju'wibi yötawa: Bakwo̧ma itedada omukwatena, ötjödasa ju'wedötjö bajalekwönönö waiso̧ma, jö̧ba̧lö. Isabenö yötawa: Ötjödasa waiso̧ma, jö̧ba̧lö, omukwato̧nöma ju'wi mölȩ jwiinö labi̧ jawa baledakwo̧. Ja̧danö, ju'wibi yötawa: Bakwo̧ma ju'wedönö nijakwönönö edö omukwatena, bidöma mikwawöködö jö̧ba̧lö. Isabenö yötawa: Jobekwö omukwato̧ma ju'wi mölȩ itedada usulaso̧da ö̧jakwo̧.

Proverbios 28:26

Ju'wibi yötawa: Bakwo̧ma itedada omukwati̧ma ba̧kwȩlö̧jatebö ösöditjö̧ma, otiwa, jweinöda omukwato̧sa jö̧ba̧lö, jweinö omukwatokobe. Ja̧danö, ju'wibi yötawa: Jweinö omukwatö jo̧ma labi̧ jawa baledi̧tjö ö̧jibakwo̧.

Proverbios 29:23

Ja̧danö, ju'wibi yötawa: Bakwo̧ ju'wedönötjö bajalekwönönö otiwanö jo̧sa, jö̧ba̧lö omukwato̧ma ju'wi mölȩ tabakwöda ö̧jakwo̧. Ja̧danö, jelo̧ma ju'wedönötjö baikwönönö jo̧sa, jö̧ba̧lö, ju'wi mölȩ tabakwökönö ö̧jakwo̧. Ja̧danö, jo̧ba baikwönönö jo̧sa jö̧ba̧lö omukwato̧nö edö jojodöma otiwanö tjöwaisachibakwo̧kwo̧, otiwanö omukwato̧, jö̧ba̧lö.

Mateo 26:34

Yöa̧lökwe, Jesúsma Pedronö yöawinobe: —Isabenö yötawakwö Pedro, makö akala jwöakwa̧ abönö, wa̧pötakwanö yökawakwo̧ja, Jesúsnö wajwitökwe jö̧ba̧lö— yöawinobe.

Marcos 14:30

Jejenö jö̧a̧lijayonö Jesúsma jö̧ba̧lijetö: —Isabenö jö̧ta̧la ökwönö. Babe yö̧te akala dötölatajanö jwöakwa̧ abönö ökwöma wa̧pötakwanö jenanö omöna yöba̧lö kwötabada̧lakwo̧ja ötjönöma, Wajwitökwe Jesúsnö, jö̧ba̧lö— jö̧ba̧lijetö Jesúsma.

Lucas 22:33

Jejenö yöawiökwe, Pedroma atadinobe: —Chuluwo̧, ötjöma la'akatjöda ökwönö kabatibö̧kö̧sa. Ökwönö ka̧lena tjöditjö̧böbi, kwabö lotjitjö̧böbi yayonö wotenanö kabatö ökwökwö chi̧'yobö omukwato̧sa, la'akatjöda katatibökakwo̧sa— jö̧ba̧lö atadinobe Pedroma.

Lucas 22:34

Atadiökwe, Jesúsma Pedronö yöawinobe: —Isabenö yötawakwö Pedro, makö yö̧te akalaso̧ma jwöökakobe, Jesúsnö wajwitökwe, jö̧ba̧lö wa̧pötakwanö yöka̧lenanö kabatö— jö̧ba̧lö yöawinobe.

Juan 16:31

Jejenö jö̧tja̧liökwe Jesúsma: —¿Isaji̧? ¿Babema ötjönö ösödö yöka̧laduwiji̧, Biteda, jö̧ba̧lö?

Juan 21:17

Ikenama yemidanö abebö a̧ja̧kwinobe, wa̧pötakwanö baibanö: —Simón, Juan itji̧ ¿jwiinö ile nikebiji̧ ötjönö?— abebö a̧ja̧kwiökwe Pedroma o̧'wo̧ tjo̧bekwibö ö̧jinobe, Jesús wa̧pötakwanö abebö a̧ja̧kwobetjö̧. Ja̧danö atadinobe: —Chuluwo̧, ökwöma okobe jwiinö waiso̧ja. Kwöwaisa. Ökwönö jwiinö ile nibebo̧sa—atadiökwe: —Jo̧kwatjö̧ma cha̧jwi̧mu o̧bȩja̧dönö kwite'ada̧lo— weinobe Jesúsma.

Hechos 11:10

Ja̧jaye wenema wa̧pötakwanö cha̧ja̧kwijatö. Ikenama sawana'woma yemidanö do̧lachibö kaekwajijatö mölejȩbe—yöbawijetö Pedroma. Ina yöbawijetö:

1 Corintios 10:12

Ja̧danö, ajayinö ju̧kwadönö baledina omukwatö, baikwö wanedö yötawaduwakwö chömöledö: Aaa, juluwadösa, 'diinö waekwökönö ja̧dösa jö̧ba̧lö kwomukwataduwitjö̧ma, ö'wiakwawönö kwö̧jaduwo chömöledö, waekwö meköbaduwapji jö̧ba̧lö.