Juan 13:21 - Dios Iwene

²¹ Jejenö yöawaja̧ ikena o̧'wo̧ tjo̧bekwibö yöawinobe: —Isabenö yötawa. Ökwödötjö bakwo̧ iyö loakobe ötjönöma— yöawinobe Jesúsma.

Juan 13:21 Iomraidhean Croise

Mateo 26:21

ja̧danö tjukwonö Jesúsma jobadönö yöawinobe: —Isabenö yötawaduwakwö, ökwödötjö bakwo̧ma ötjönö iyö loakobe chöpöjojodönö— jö̧ba̧lö.

Mateo 26:38

ja̧danö iteda öba̧ja̧di̧ waisachadönö yöawinobe: —Jwiinö o̧'wo̧ tjo̧acho̧sa, cho̧'wo̧ tjo̧achi̧tjö ö'wö batibenanö— jö̧ba̧lö yöawinobe. Ja̧danö, jobadönö weinobe: —Bena ja̧nö abökönö kwite'ada̧laduwo— jö̧ba̧lö.

Marcos 14:18

Jeju tebachibö ba̧nö tjukwonö Jesúsma jö̧ba̧lijetö jobadönöma: —Isabenö jö̧ta̧la ökwödönöma. Ökwödö, ötjökwö kwadötjö bakwo̧ bena ö̧ba, ötjönö kwabö lotjotö jö̧ba̧ladönö, ötjönö do̧tjatobö ichejebakwo̧ma.

Marcos 3:5

Jesúsma jobadönö edö laböbi labijetö. O̧'wo̧ tjo̧bekwöbi o̧'wo̧ tjo̧bekwijetö, Bidöma yelösöda tjuu 'dibadö, jö̧ba̧lö. Ikenama webijetö ömamu 'wabo̧nö: —Kwömamu debati— webijetö. Jejenö weökwe, ömamu 'wabo̧ma ömamu deatemi otiwanö babibijetö.

Juan 11:33

Jesúsma Maríabi, Maríakwö ichajadö judío jojodöbi tjubudekwabobe edinö jwiinö o̧'wo̧ tjo̧ekwinobe.

Juan 11:35

Ikenama Jesúsma ubudekwinobe.

Juan 11:38

Jesús, yemidanö o̧'wo̧ tjo̧ baibökwe Lázaronö tjödinobe edö 'ya̧nö ichibinobe i̧lȩdo̧be. I̧lȩdo̧ a'oma inaba nöaba tjutuminobe edinobe.

Juan 12:27

Ina yöawinobe: —¡Ayö, cho̧'wo̧ tjo̧tekwa!— yöawinobe—. ¿Dakwö atebenada Chabe'donöma? Chabe'do babema pjabatitjö usula chemawinö baledökönö, jö̧ba̧lö, ¿atebenaji̧? Jejenömaökö. Biya̧ usula chemawobö chichijatö böjȩkwö— yöawinobe Jesúsma.

Juan 13:18

Ja̧danö, ökwödötjö okobe deinöma yötawökö. 'Da̧batö chujuninawö̧nöma chöwaisawö̧. Jo̧kwaijayonö ökwödötjö bakwo̧ ötjönö iyö loakwo̧ma. Jo̧bama benada bo̧, Dios iwene damötjö yöawinadanö badekwachakobetjö̧. Baikwö yöawobe Dios iwenema: Bakwo̧ ötjökwö kwo̧ma ötjönö iyö loakwo̧, jö̧ba̧lö, yöawobe Dios iwenema, damötjö tjiwȩyudinama.

Juan 13:2

Ja̧danö, ja̧ yi̧bena Jesúsma öba̧ja̧di̧ waisachadökwö tjukwinobe. Ömöayedötjö bakwo̧, Simón itji̧ Judas Iscariote mikwo̧ma ida̧ökö Jesúsnö iyö loakwa̧ma omukwatinobe, Awetja jejenö o̧'wo̧ sulinö edobö weinökweobetjö̧.

Juan 13:22

Jejenö yöawiawö̧, Jesús öba̧ja̧di̧ waisachadöma idödada tjeda̧labiainobe ¿Ditenö yöawa? jö̧ba̧lö.

Hechos 17:16

Pabloma Atenasnö ja̧nö, Silasnö Timoteonö te'ada̧lö ja̧nöma jobe kwebachö edijetö nöinö jobe ju̧kwadö tjo̧'wo̧ tjöwana̧li̧ tjotidinama. Öpöjödö jwiinö labijetö Pabloma, Biya̧ma o̧'wo̧ jawada, jö̧ba̧lö.

1 Juan 2:19

Ja̧danö, jobadö Cristo öpöjojodöma ajayi ökwödökwö ba̧nö Dios iwene a̧ja̧kwiabinadö. Jo̧kwaijayonö ökwödö Cristonö domukwati̧danö bakwainö omukwatöködö. Ja̧danö, jelobekwö tjomukwatobetjö̧ ökwödötjö 'da̧bachibö labebö kwebachadö. Chö̧ja̧wo̧dö ökwödödanö bakwainö Cristonö ösödö tjomukwatitjö̧ma ina ökwödökwö tjö̧jena. Jo̧kwaijayonö dö̧jelöma latjebinobetjö̧ döwaisachibijatö, Aaa, jobadöma isabenö ökwödödanö omukwatöködö Jesucristonöma, jö̧ba̧lö. Jesucristotjöma dö̧ja̧wo̧döböködö, jö̧ba̧lö, döwaisachibijatö.