Juan 13:1 - Dios Iwene

¹ Ja̧danö, Dios mönö öbaledina tjomukwati̧ pjiesta möle baledakwa̧ abönö möle yi̧bena baibena Jesúsma omukwatinobe, Tjo̧wi̧ böjȩtjö labebö Chabe'do ö̧jobe chȩwa̧jakwa̧ma lekwökö, jö̧ba̧lö. Jo̧bama iteda öba̧ja̧di̧ waisachadö batjibakwedönö ile nibebö ji̧ainobe, ajayinö ichinatjö tupakwö baibanö. Ja̧danö, jobadönö jwiinö ile niebi̧ma i̧sebö, midawö woakwo̧ Jesúsma.

Juan 13:1 Iomraidhean Croise

Proverbios 8:31

Böjȩnö Isabenö Jo̧ otidajöjȩ edö jwiinö chösödijatö, otiwa jö̧ba̧lö. Ja̧danö, Isabenö Jo̧ otidajawö̧nö jojodönöbi edö cho̧'wo ösöwanö chedijatö, otiwadö, jö̧ba̧lö— yöbawuju jweinö omukwatö ja̧kwawa wanekwachujuma.

Mateo 26:45

Abebajo̧, iteda öba̧ja̧di̧ waisachadö tjö̧jobekwö ȩwa̧bijinobe, ja̧danö jobadönö yöawinobe: —¿Ina kwabaduwiji̧? ¿Ina kwö'wachaduwiji̧? Edaduwi, tjo̧wi̧ ötjö jojo baibanö jeminökwenö iyö loawa hora baibajabe, ja̧danö ötjönö sulabedönö iyö loakobe.

Mateo 28:20

Ja̧danö, jobadö 'yabayedö chöba̧ja̧di̧ waisachadönö ba̧ja̧daduwi, okobe jwiinö ökwödönö wetinama, jobadöbi ja̧bö tjö̧jakobetjö̧. Ja̧danö chömöledö, isabenö ökwödökwö chö̧jakwo̧sa, böjȩ 'dö̧ibenanö kabatö— jö̧ba̧lö weinobe Jesúsma.

Lucas 22:53

Mölekwena Dios ejutjö ökwödö kwö'da̧de ba̧nö jojodönö chöba̧ja̧dijatö, isabenö sulabo̧chitjö̧ma, jobetjö möle jojodö tjedonö do̧kataduwobö ji̧nena. Jo̧kwaijayonö inesö sulabo̧ yȩa'wo okwa jo̧ ömöayedöja, ja̧danö kwuluwo̧ omukwati̧danö omukwatö, yö̧te yȩa'wo okwada sulabenö ötjönö do̧kataduwobö omukwatadöja— jö̧ba̧lö yöa̧linobe Jesúsma.

Lucas 9:51

Ja̧danö, ja'yubenö lekwajabetjö, Jesús mölejȩbe ȩwa̧jakwa̧ yöneawachibenama, Jesúsma Jerusalénbe i̧'yobö omukwatö ujuninobe.

Juan 11:55

Ja̧ mölema, judío jojodö pjiesta tjujunakwa̧ yöneawachinobe, Dios damötjö mönö öbaledina tjomukwati̧ pjiesta. Jo̧kwaobetjö̧ ba̧jekwadö judío jojodöma tji̧'yinobe Jerusalénbe tjotikwobö, Dios öba a'otjö otiwanö tjö̧jobö.

Juan 12:23

Jejenö yötjawökwe Jesúsma judío jojodönöbi, judío jojodöböködönöbi yöawinobe: —Ida̧ökö badekwacha ötjö, jojo baibanö jeminökwe jwiinö chujulu i̧sebi̧ möle— yöawinobe Jesúsma. Ikenama, wanedö yöbawö yöawinobe:

Juan 13:29

Jobadötjö ju'wedöma Judasda balada te'ada̧lö ö̧jobetjö̧ tjomukwatinobe, Pjiesta jawa emobö wea, jö̧ba̧lö. Ja̧danö jobadötjö ju'wedöma tjomukwatinobe, Usulasedönö iyobö wea, jö̧ba̧lö.

Juan 13:3

Ja̧danö, Jesúsma omukwatinobe, Chabe'doma ötjönö okobe jwiinö ujulu iyo̧, jö̧ba̧lö. Chabe'do itebobetjö ichinasa. ja̧danö, jo̧ba ö̧jobekwö chȩwa̧jakwo̧sa, jö̧ba̧lö, omukwatinobe Jesúsma.

Juan 13:34

Ja̧danö, 'yayi̧ weti̧, babe weti̧ma wetobö jö̧ta̧la ökwödönöma, biya̧: Ökwödödada ile nibekwö kwö̧jaduwo. Ötjö ökwödönö ile nitebi̧danö kwömöledöduwinö ile nibekwö kwö̧jaduwo.

Juan 14:28

Yötawaja̧, Tjo̧wi̧ chi̧'yakobe, jö̧ba̧lö, kwa̧ja̧kwaduwatö. Ja̧danö, kwa̧ja̧kwaduwatö, Yemidanö chichakwo̧sa, jö̧ba̧lö, yötawaja̧ma. Jejenö a̧ja̧kwö kwo̧'wo̧ tjo̧kekwibaduwatö. ¿Tajawedö kwo̧'wo̧ tjo̧kekwibaduwa? Ötjöma Chabe'do ö̧jobekwö chȩwa̧jakwo̧sa. Ötjönö ile nikebaduwitjö̧ma kwösödaduwena, Otiwanö ȩwa̧jakobe abe'do öjobekwö, jö̧ba̧lö. Yelösöda Chabe'doma ötjönötjö o̧penönö inesö jo̧. Ötjönö ile nikebaduwitjö̧ma kwösödaduwo jö̧ka̧laduwena chȩwa̧jakwa̧ omukwatö— yöawinobe—.

Juan 14:31

Ja̧danö, ötjöma Chabe'do ötjönö weina otiwanö chö̧jakwo̧sa böjȩnö ju̧kwadö tjöwaisachibobö, Isabenö itema abe'donö jwiinö ile nibebo̧, jö̧ba̧lö. Tjo̧wi̧ta belöma di̧'yaduwo— yöawinobe Jesúsma öba̧ja̧di̧ waisachadönöma.

Juan 16:28

Jau, ötjöma Dabe'do Dios ö̧jobetjö böjȩkwö ichino̧sa. Ja̧danö, böjȩtjö Dabe'do Dios ö̧jobekwö chȩwa̧jakwo̧sa— yöawinobe Jesúsma öba̧ja̧di̧ waisachadönöma.

Juan 17:1

Jesúsma, ja̧ öba̧ja̧di̧ waisachadönö yöawaja̧ ikena mölejȩbekwö edö iteda Abe'donö aebinobe: —Chabe'do, tjo̧wi̧ baiba, ökwö badedö kwujunina baledi̧ma. Ja̧danö, tjo̧wi̧, ötjö jwiinö chotiwi̧ma kwi̧sebo jojodönö, ja̧danö, ökwö jwiinö kwotiwi̧ chi̧sebobö— aebinobe Jesúsma iteda Abe'donö—.

Juan 17:16

Jobadöma böjȩnödama ju̧kwöködö, ötjödanö.

Juan 17:26

Chabe'do, jobadönö yöbawiachijatö ökwönöma. Ja̧danö, ina babebi jobadönö yötawobe ökwönö, ötjönö ile nikebi̧ma edö tjöwaisachibobö. Jejenö yötawobe, ötjönö ile nikebi̧danö jobadöbi ile nibekwö tjö̧jobö. Jejenö nibekwö tjö̧jobema jobadökwö tjo̧'wo̧ luwo̧nö chö̧jobe— jejenö jö̧ba̧lö aebinobe Jesúsma Abe'donöma.

Juan 17:5

Chabe'do, tjo̧wi̧, chȩwa̧jocha kwö̧jobekwö. Ja̧danö, jobetjö, ökwökwö chö̧jena, ötjö chotiwi̧ma kwi̧sebo jobe ju̧kwadönö. Jau Chabe'do, ötjö chotiwi̧ma kwi̧sebo ajayinö ökwökwö chö̧jena kwi̧sebinadanö, böjȩ ina kwotidapjii ötjö chotiwi̧ kwi̧sebinadanö— aebinobe Jesúsma iteda Abe'donö.

Juan 18:4

Ja̧danö, Jesúsma ida̧ökö öwaisinobe itenöda ja̧tjakwa̧ma. Ja̧danö, jobadö tjichobekwö 'ya̧wibö abebö a̧ja̧kwinobe: —¿Tinö kwisakwaduwa?— abebö a̧ja̧kwawö̧:

Juan 19:28

Ja̧danö, Jesúsma, Tjo̧wi̧ Dios ötjönö weinama katatajabe, jö̧ba̧lö, omukwatinobe. Ikenama, Dios iwene laebi̧danö badekwachinö aebinobe: —Ojwiyo o̧ti̧lö̧jabi— jö̧ba̧lö.

Juan 2:13

Ida̧ökö, judío jojodö, Dios damötjö, mönö öbaledina omukwatö pjiesta tjujuni̧ yöneawachobetjö̧ Jesúsma Jerusalénbe i̧'yinobe.

Juan 6:4

Ja̧ mölema, judío jojodö pjiesta tjujuni̧ möle ida̧ökö yöneawachinobe, Dios mönö öbaledina omukwatö pjiesta mölema.

Juan 7:30

Jejenö yöawawö̧ do̧batö tje'ewobö jö̧tja̧lijayonö do̧tjatinokobe. Ina, jo̧banö do̧tjati̧ möle, Dios ajayinö badedö ujunina möle badekwachokobetjö̧ ina do̧tjatinokobe.

Juan 7:6

Ja̧danö Jesúsma atadinobe jobadöma, Pjiesta baledö kwi̧'yo, jö̧ba̧lö, wetjiökwe: —Ina, jobe chi̧'yoböma jwiobe. Ökwödöma ju'wi mölebi, ju'wi möle, kwi̧'yaduwobö jo̧be. Ötjöma jejenömaökö.

Juan 8:20

fariseo jojodönö, Dios eju okwatjö, balada tjiyi̧ a̧japjo jemi ö'öbö ja̧nö. Jobe ja̧nö yöawijayonö la'aka luwedöma ina do̧batö tje'ewinokobe jo̧banöma. Do̧batö tje'ewakwa̧ möle, Dios badedö ujunina möle ina badekwachokobetjö̧, ina Jesúsnö do̧batö tje'ewinokobe.

Romanos 8:37

Jau chömöledö, okobe jwiinö yötawaja̧ baleditjö̧böbi, woditjö̧böbi, ja̧ jawa okobe junibö, ida̧ökö abönö ichibinadösa ökwödöma chömöledö, Jesúsda ökwödönö pjaatinobetjö̧. Jo̧bama ökwödönö ile nibebö pjaatinobetjö̧, ida̧ökö abönö ichibinadösa chömöledö.

1 Corintios 1:8

Ja̧danö, jo̧ba Duluwo̧ Jesucristoda kwujuluwaduwachibanö pjaatakwo̧, 'diinö jweinö ja̧nö kwö̧jaduwobö 'dö̧ibaji̧ möle baibenanö kabatö. Ja̧danö jejenö pjaatobetjö̧, Jesucristo ichakwa̧ möle badekwachenama, Jesucristo öba a'otjö wene jwiinö kwuju̧kwaduwakwedöja.

Hebreos 3:14

Isabenö chömöledö, kwö̧ja̧wo̧dönö pjakataduwo ökwödö ökobe deinö jwaikwöda kwi̧'yaduwobö Cristonö ösödö. Jejenö kwi̧'yaduwena Cristokwö dötewi̧danö dötewinö kwi̧'yaduwakobe. Chömöledö, Cristonö ösödö jwaikwöda kwi̧'yaduwena, ajayinö do̧batö kweminaduwena kwösödaduwi̧danö ösödö, isabenö Cristokwö dötewinö kwi̧'yaduwobe, jo̧bakwö bakobe kwö̧jaduwi̧danö. Jo̧kwaijayonö, Cristonö ösödö jwaikwöda kwi̧'yaduwökötjö̧ma da'dödöminenö baledinadanö baledena ökwödönöma. Jo̧kwaobetjö̧ chömöledö 'diinö do̧kataduwi̧danö Cristonö kwösödaduwi̧ma 'diinö do̧batö kwi̧'yaduwo, Ökwödöma tupakwö Cristokwö 'ya̧dösa, dö̧jibinö pjabato̧kwö, jö̧ba̧lö. Chömöledö, jejenö do̧'wo̧ luwo̧nö jemi tupakwö jwaikwöda Cristokwö dötewinö 'ya̧dösa, jo̧bakwö bakobe ja̧nö.

Hebreos 3:6

Jo̧kwaijayonö Cristoma ömöayo̧nötjö o̧penönö inesö jo̧. Isabenö, jo̧bama Dios Itji̧. Ja̧danö, jo̧bama Dios i̧tji̧mu babibinadö tjuluwo̧. Ja̧danö, jobadönö otiwanö te'ada̧lo̧. Wanedö yötawa: Ökwödö, okobe deinö Cristonö ösödadöma o̧dodanö, Dios otidinejudanö döwanekwachobe. Ja̧danö Cristo, Dios Itji̧ma, Dios otidineju la'aka luwo̧danö jo̧, ökwödö Duluwo̧. Isabenö chömöledö, ökwödöma Dios otidinejuda wanekwachadösa yebabökönö jwaikwöda di̧'yitjö̧ma, Diosnö do̧'wo̧ wana̧lö. Jau chömöledö, ökwödöma Dios otidinejuda wanekwachadösa jwaikwöda Diosnö do̧'wo̧ wana̧lö di̧'yitjö̧ma, do̧'wo̧ luwo̧nö ösöwö, Cristoma dö̧jibinö pjaatinobetjö̧ Dios i̧tji̧mu babibinadösa, ja̧danö Dioskwö ba̧kwȩlö̧jatebö dö̧jakwedösa, jö̧ba̧lö.

Hebreos 6:11

Chömöledö, kwö̧ja̧wo̧dönö dösölö̧jinö pjakataduwi̧danö Jesúsnö do̧batö kweminaduwa baikwö, babebi kwo̧'wo̧ luwo̧duwi okwanö dösölö̧jinö kwi̧'yaduwo, jwaikwöda Diosnö kwo̧'wo̧duwi wana̧lö. Chömöledö, jwaikwöda kwi̧'yaduwobö chösöda, Diosnö kwo̧'wo̧duwi̧ wana̧lö, Okobe jwiinö Dios yöbawö ujuninama isabenö baledakobe, jö̧ba̧lö. Jejenö te'ada̧lö jwaikwöda kwi̧'yaduwo chömöledö, okobe jwiinö Dios yöbawö ujuninama badekwachenanö kabatö.

1 Pedro 1:13

Ja̧ wenema isabenö wene chömöledö, ja̧danö ja̧ wene omukwatö kwö̧jaduwo, otiwanö ja̧bö kwö̧jaduwakobetjö̧. Ja̧danö jweinö omukwatö jwaikwöda ja̧ Dios ökwödönö iyakwa̧ jawa kwo̧'wo̧ kwöwana̧laduwo chömöledö, isabenö Jesucristo yemidanö ichenama, Dios otiwanö iyakwawö̧sa jö̧ba̧lö.

1 Juan 4:19

Ja̧danö chö̧ja̧wo̧dö, Diosma ökwödönö ajayitjöda ile niebinobetjö̧ jo̧banöbi dö̧ja̧wo̧dönöbi ile nibebö dö̧jobö jo̧be.

Apocalipsis 1:5

Ja̧danö, Jesucristoma ökwödönö lȩlö̧jino edobö chösöda, kwo̧'wo̧ luwo̧duwi ösöwachibanö kwö̧jaduwobö. Jesucristoma Dios omukwati̧ jweinö yöbawo̧. Ja̧danö, jo̧bama wobinadötjö abönö tjebachajina. Ja̧danö, okobe deinö böjȩ la'aka luwedönö webö jo̧ Jesucristoma, inesö la'aka luwo̧obetjö̧. Chömöledö, Jesúsma ökwödönö jwiinö ile nibebo̧. Jo̧bama iteda ökwösobu ebawinö imidawinobetjö̧, sulabe wei̧ a̧ja̧kwökönö, otiwanö dö̧jobö jo̧be.