Juan 12:40 - Dios Iwene

⁴⁰ Diosma jobadö tjöbajale tjewawinö batjibanö ja̧inobe, tjöwaisachibökönö tjöpöjödobö. Ja̧danö, Diosma jobadö tjomajade 'ditjinö do̧tjatibökönö ja̧inobe, tjöpöjödobö. Jejenö ja̧inobe Diosma jobadönöma, itenöda tjichibokobö. Ja̧danö, jejenö ja̧inobe Diosma jobadönöma, sulabenö tjomukwati̧ tjöbalewachökönö, jö̧ba̧lö laebobe Dios iwenetjö, Isaías iwȩyudina wene.

Juan 12:40 Iomraidhean Croise

1 Reyes 22:20

Ja̧danö, chedemi Isabenö Jo̧ abebö a̧ja̧kwobekwö cha̧ja̧kwatö, –Tida Acabnö omöna yöa̧lakwo̧, yöa̧li̧ ösödö, Ramot Galaad comunidad mebibö ölakwabikwawobö, jobe Ramot Galaadtjö Acab ö'wö baibakobetjö̧? –jö̧ba̧lö abebö a̧ja̧kwobekwö chedatö. Abebö a̧ja̧kwawö̧, ju'wedö baikwö, ju'wedö wainö yötja̧linobe,

Éxodo 10:1

Ikenama Isabenö Jo̧ma Moisésnö webijetö: —Moisés, yemidanö faraón ö̧bobekwö 'yawi. Ja̧danö, jo̧ba omajade 'diinö ji̧nö, ipjea jojodö ömöayedönöbi tjomajade 'diinö ji̧nö wetobe, chujulu chi̧sebi̧ma tjedakobetjö̧.

Éxodo 11:10

Ja̧danö, faraónma okobe jwiinö Aarón Moisés tji̧sebi̧ma eda̧lijetö, ajayinö ichö tji̧sebemitjö bajaliyanö tji̧sebi̧ baibanö, Isabenö Jo̧ ujulunö tji̧sebi̧ma. Jo̧kwaijayonö Isabenö Jo̧ma faraón omajade 'diinö jinö weinobetjö̧ Israel jojodönö itebotjö latjebobö ina kabatakwawijökötö.

Éxodo 14:17

Ja̧danö, ötjöma Egipto jojodönöma tjomajade 'ditjinö wetocha lutjobö ökwödönö, ötjö jobadönö chujuluwobö. Ja̧danö, faraónnö, okobe deinö iteda ömöayedö 'böawa waisadönö chujuluwobetjö̧ jojodöma ötjönö otiwanö tjomukwatakobe, Isabenö Jo̧da jwiinö juluwo̧ma, jö̧ba̧lö.

Éxodo 14:4

Jejenö omukwatinö yemidanö jo̧ba omajade 'diinö wetobetjö̧ ömöayedö 'böawa jojodökwö ökwödönö lubö i̧'yakobe. Ikenama faraónnö, okobe deinö iteda ömöayedö 'böawa waisadönö chujuluwobetjö̧ jojodöma ötjönö otiwanö tjomukwatakobe, Isabenö Jo̧da jwiinö juluwo̧ma, jö̧ba̧lö. Ja̧danö, okobe deinö Egipto jojodöma ötjönö tjöwaisachibakobe, webo̧ma Isabenö Jo̧da, jö̧ba̧lö— yöbawijetö Isabenö Jo̧ma Moisésnö. Ja̧danö, Moisésma Isabenö Jo̧ wei̧danö yöawawö̧ a̧ja̧kwijadötö, Israel jojodöma.

Éxodo 14:8

Ja̧danö, Isabenö Jo̧ma faraónnö omajade 'diinö weiökwe Israel jojodönö yebabökönö labebajadönö lubö 'yi̧jetö, ömöayedö 'böawa waisadökwö.

Éxodo 4:21

Ja̧danö, Isabenö Jo̧ma webijetö Moisésnö: —Egiptonö ja̧nö faraón öbajale a'otjö kwö̧jena jo̧bama eda̧lonö okobe jwiinö juluwi̧ jawa kwi̧sebobö pjatati̧ma kwi̧sebo. Jo̧bama kwi̧sebobe edijayonö omajade 'diinö wetobetjö̧ Israel jojodönö kaatakwawökakobe.

Éxodo 7:13

Faraónma ja̧ baledi̧ edijayonö Isabenö Jo̧ yöa̧linadanö omajade 'diinö ö̧jobetjö̧ a̧ja̧kwijökötö.

Éxodo 7:3

Aarónma jejenö yöa̧lijayonö faraónma omajade 'diinö wetobetjö̧ öpöjödakobe. Jwiinö chujulu chi̧sebima, ju'wibi, ju'wi labi̧ jawa Egiptonö webö chi̧sebijayonö

Éxodo 9:12

Jejenö baledijayonö Isabenö Jo̧ma faraón omajade 'diinö weobetjö̧ a̧ja̧kwijökötö Aarón Moisés yötjawi̧ma. Isabenö Jo̧ Moisésnö, a̧ja̧kwökakobe, jö̧ba̧lö yöa̧linadanö a̧ja̧kwijökötö faraónma.

Isaías 26:11

Chuluwo̧ Isabenö Jo̧, isabenö kwömamu kabebö jo̧ja, sulabedönö lȩkeboböma. Jo̧kwaijayonö lȩkebakwa̧ edö omukwatöködö sulabedöma. Jo̧kwajabetjö̧ lȩkebobö atebakwö chuluwo̧, jobadönö lȩbebö, inesö kwömöledönö kwösödi̧ kwi̧sebobö atebakwö, tabakwö tjö̧jakobetjö̧. Ökwö kwöpöjojodönö juwö lobo̧ja chuluwo̧, ja̧ lȩkebi̧ jawa ökwölanö jobadönö juwö lȩkebobö atebakwö chuluwo̧.

Isaías 29:10

Jau chömöledö, jobekwö kwö̧jaduwi̧ma, baikwö labebö lobö yötawaduwakwö: Isabenö Jo̧ma ökwödötjö iteda yöawi̧ yöbawadö tjöbajale yi̧tjatobö weajabe, jadanö tupakwö baledakwa̧ edadö tjuu umuchebajabe, ja̧danö jobekwö weobetjö̧, jwiinö bö̧ti̧ lö̧jinö kwö̧jaduwobö weajabe.

Isaías 53:5

Jo̧kwaijayonö jo̧banö tjitjatinama, ökwödöda Dios wei̧ döpöjödobetjö̧ tjitjatinökwe, ökwödöda sulabenö ja̧bö dö̧jobetjö̧, inia tjöbina. Ökwödö wene jwiinö dö̧jakobetjö̧, jo̧banöda kwakwatjinobe, ja̧danö jo̧bada kwakwatji̧ eminobetjö̧, bi̧bajadösa ökwödöma.

Isaías 6:10

Jau Isaias, nöinö yöka̧lawö̧, tjomajadenö omukwatöködö batjibanö yökawakwo̧ja, ja̧danö tjölakiyu a̧ja̧kwöködö batjibanö yökawakwo̧ja, ja̧danö tjöbajale tjewawadö batjibanö kwi̧sȩbakwo̧ja. Jo̧kwajabetjö̧ otiwanö yökawijayonö, tjölakiyunö otiwanö tja̧ja̧kwökakwedö, ja̧danö tjöbajalenö otiwanö tjedökakwedö, ja̧danö tjomajade okwa söinö tjomukwatökakwedö. Jobekwö otiwanö ösödö tjomukwatitjö̧ma, sulabenö tjomukwati̧ tjöbalewacho jö̧tja̧lena, ja̧danö lȩtebi̧tjö̧ tjö̧jibo jö̧tja̧lena, —jö̧balö weinobe Isabenö Jo̧ma ötjönö.

Isaías 6:9

Chatadiökwe, —Jau, 'ya̧wi. Israel jojodönö yöbawaji baikwö: –Tupakwönönö yötawi̧ kwa̧ja̧kwaduwakwedöja, jo̧kwaijayonö yötawaja̧ okwa jawama, wajwiköbaduwakwedöja. Ja̧danö chi̧sȩbi̧ jawa kwedaduwakwedöja, jo̧kwaijayonö chi̧sȩbi̧ okwa jawa edöma kwöwaisachibaduwökakwedöja, –jö̧ba̧lö yökawodönö.

Marcos 4:12

Jobadöma wajwibö tja̧ja̧kwobe. Jejenö Dios iwene ajayinö yöawinadanö badekwachibanö wajwibö tja̧ja̧kwobe. Ajayinö Dios iwenetjö baikwö laebijetö: Jobadöma ötjö chotidobe wajuwanö tjeda̧lijayonö ötjönöma wajwibadö. Ötjö yötawi̧ kabatökönö tja̧ja̧kwijayonö do̧tjatibokobe a̧ja̧kwadö. Otiwanö edö, a̧ja̧kwö tjöwaisachibitjö̧ma, sulabenö tjomukwati̧ kabatibö tjöbalewachena. Ja̧danö, tjomukwati̧ tjöbalewachitjö̧ma sulabe tjujuna̧li̧ söbebö lotena. Jejenö laebijetö ajayinö, Dios iwenetjö— jö̧ba̧lijetö Jesúsma.

Marcos 6:52

Jobadöma omukwatijöködötö, Bitema pan, ba̧i̧ ba̧jekwadönö iyo̧ma okobe jwiinö juluwo̧, jö̧ba̧löma. Ina tjomajade okwa yȩobetjö̧ wajwibijadötö, Jesús okobe jwiinö juluwo̧, jö̧ba̧löma.

Lucas 4:18

Duluwo̧ O̧'wo̧ Luwo̧ma ötjökwö jo̧, jo̧bada ötjönö omudawö ujuninobetjö̧, otiwa jawa wene usula jojodönö yötawobö. Ötjönö weinobe, ka̧lena ba̧jadönö ka̧lenatjö tjö̧jibakwa̧ wene yötawobö, ja̧danö tjöbajale tjewawadönö edadö batjibakwa̧ wene yötawobö, ja̧danö tjujuluwajawönö tjuluwedötjö tjö̧jibakwa̧ wene yötawobö.

Lucas 8:10

Atjebökwe, Jesúsma jobadönö yöawinobe: —Diosma ökwödö chöba̧ja̧di̧ waisachadönö iyinobe, jojodö wajwitji̧ jawa, mölejȩbe jo̧ Dios la'aka luwo̧ ö̧jakwa̧ jawa kwöwaisaduwobö, jo̧kwajabetjö̧ ökwödönö jweinö yöbawö labebö lobö yötawocha. Jo̧kwaijayonö ju'wedönö sule wanedö yöbawöda yötawobe, labebö lobökönö. Jejenö jobadönö yötawobe, Dios iwene damötjö tjiwȩyudinadanö badekwachakobetjö̧, Baikwö laebobe Dios iwene damötjö tjiwȩyudinama: Jobadöma tjedijayonö, waisachibanö tjedoböma jwitjakwedö, ja̧danö tja̧ja̧kwijayonö, waisachibanö tja̧ja̧kwoböma jwitjakwedö, jö̧ba̧lö laebobe Dios iwene damötjö tjiwȩyudinama. Ja̧ laebachi̧ma bidönö wanekwachobe, jo̧kwajabetjö̧ ökwödönö labebö lobö yötawijayonö, ju'wedönö sule wanedö yöbawöda yötawobe— jö̧ba̧lö yöawinobe Jesúsma iteda öba̧ja̧di̧ waisachadönöma.

Juan 12:39

Ja̧danö, Isaías ajayinö iwȩyudinadanö jojodöma tjöpöjödinobe Jesús yöawi̧ma, Dios weinökwebö̧kö̧, jö̧ba̧lö. Ju'wi jawabi iwȩyudinobe Isaíasma damötjö, jojodö tjöpöjödi̧ wene. Baikwö laebobe Dios iwenetjö:

Juan 9:39

Ikenama Jesúsma yöawinobe: —Ötjöma jojodö sulabenö ja̧bö tjö̧ji̧ chi̧sebobö chichijatö. Ja̧danö, wanedö yötawa: Diosnö wajwibadöma tjöbajale tjewawawö̧danöbedö. Jobadönö pjatatobö chichijatö, otiwanö tjedobö. Jejenö yötawena, Diosnö otiwanö tjöwaisachibobö, jö̧ba̧lö, yötawobe. Ja̧danö, ju'wedöma, Ökwödöma Diosnö waisadösa, jö̧ba̧lö, omukwatadö tjöbajale otiwadödanö tjichejekwijayonö tjewawawö̧danöbedö. Wajwibadö. Ja̧danö, jobadö wajwitji̧ chi̧sebobö chichijatö, Bidöma wajwibadö, isabenö tjöbajale tjewawawö̧danöbedö, jö̧ba̧lö— yöawinobe Jesúsma öbajale otiwanö baibinökwenö.

Hechos 15:3

Ja̧danö, webijadötö Pablonö, Bernabénö ju'wedö Antioquíanö ju̧kwadönöbi Jerusalénbe tji̧'yobö. 'Ya̧jadöma ja'ö, Fenicianöbi, Samarianöbi ichibö jobe ju̧kwadönö yöbawijadötö, Judío jojodöböködöbi Jesúsnö tjösödijatö, Jesúsma dö̧jibinö pjabato̧, jö̧ba̧lö. Ja̧danö, jobe ju̧kwadö Jesúsnö ösödadöma ja̧ yötjawi̧ a̧ja̧kwö jwiinö ösödijadötö.

Hechos 28:26

Isaías, israel jojodönö yöbawö kwi̧'yo. Biya̧ yötawi̧ma yökawo jobadönö: Ökwödöma kabatökönö kwa̧ja̧kwaduwijayonö kwomajadeduwinö do̧kataduwokobe. Wajwiköbaduwobe. Kabatökönö kwedaduwijayonö otiwanö waisinö kwedaduwokobe.

Hechos 3:19

Jo̧kwaobetjö̧ kwomukwataduwi̧ma kabatibö balewachaduwi, Diosnö omukwatö, Diosma ökwödö kwusuladuwi̧ söbebö loobö. Jejenö kwöbalewachaduwitjö̧ma kwo̧'wo̧ luwo̧duwi ösöwö kwö̧jaduwena, Duluwo̧ Diosma ökwödökwö ö̧jobetjö̧— yöbawijetö.

Romanos 9:18

Jau chömöledö, Diosma iteda ösödi̧danö ja̧bo̧. Lȩlö̧jinö edobö jö̧a̧litjö̧ma, lȩlö̧jinö edo̧, ja̧danö ju'wedönö tjuubiya 'dibadö batjibanö ja̧obö jö̧a̧litjö̧ma, tjuubiya 'dibadö batjibanö ja̧bo̧, Dios wei̧ tja̧ja̧kwökönö.

Deuteronomio 29:4

Jo̧kwaijayonö, ujulu öwawinö kwedinaduwajayonö, babe möle baibanö Isabenö Jo̧ma ina pjaatinokobe, i̧sȩbina okwa jawa kwöwaisachibaduwobö,chömöledö.

Josué 11:20

Jejenö baledinama, Isabenö Jo̧ Diosda baledobö ja̧ina. Isabenö Jo̧ma canaan niji ju̧kwadö tjo̧'wo 'diachibanö weinobe, israel jojodökwö tjölakwabikwawobö, israel jojodö jobadönö lȩlöinö tjedapji jö̧ba̧lö. Damötjö Isabenö Jo̧ma Moisesnö weinobe, lȩlöinö edökönö, okobe deinö canaan niji ju̧kwadönö kwabawö lotjobö, ja̧danö jejenö weinadanö kwabawö lotjakobetjö̧, canaan ju̧kwadö tjo̧'wo 'dibachibö tjölakwabikwawobö weinobe.