Juan 12:36 - Dios Iwene

³⁶ Ötjödasa dewinö jo̧ma. Ina ökwödökwö chö̧jenada ösödaduwitjö. Jejenö ökwödöma dewinö chidejatobe kwebachö kwö̧jaduwobe—yöawinobe Jesúsma jojodönöma. Jesúsma jejenö yöawaja̧ ikena jobadö tjö̧jelöma i̧'yinobe, jojodöma tjedokonö.

Juan 12:36 Iomraidhean Croise

Isaías 60:1

Chömöledö israel jojodö, a̧la̧ibaduwi. A̧la̧ibö, Dios dejatinö ujulu i̧sȩkwaduwi. Jau chömöledö, Isabenö Jo̧ma iteda dejatinö ujulu i̧sȩbö, ökwödönö pjaatajabe, jo̧kwajabetjö̧ dejatinö ujuluma ökwödönö idejatajabe.

Mateo 21:17

Atadajo̧, tjö̧jelö laebinobe Jesúsma, ja̧danö Jerusaléntjö labebö, Betania comunidadbe i̧'yinobe, jobetjö abobö.

Mateo 5:14

Ja̧danö, ökwödöma dejewa'yu̧danö ichejekwadöja böjȩtjöma, otiwanö ja̧bö ja̧nö kwidejataduwo jö̧ba̧lö. Kwöwaisaduwa chömöledö, comunidad mö'ösa'o wa̧pekwa'otjö tjotiditjö̧ma, otiwanö öwawobe, ja̧danö tojawa jwii̧, ¿jö̧tö?

Lucas 16:8

Jejenö ja̧inobe uluwo̧ itea sulabenö te'ada̧lo̧ma, otidawatjö laebaja̧ ikena, tjumusidi̧ söbebö loiawö̧, uluwo̧nö musidadöma jo̧banö pjatjatakobetjö̧. Ja̧danö, jejenö ja̧iökwe, uluwo̧ma yöa̧linobe: Bite chömöayo̧ma sulabenö ötidijayonö isabenö waisanö omukwatö ja̧ajabe, otidawatjö laebaja̧ ikena ina otiwanö ujuna̧lakobetjö̧, jö̧ba̧lö. Jau chömöledö, jo̧ba sulabenö otido̧ma isabenö waisanö omukwatinobe tupakwö ö̧jakwa̧ma, böjȩ jojodö isabenö otiwanö tjö̧jakwa̧ tjomukwatobetjö̧. Jau chömöledö, böjȩ jojodö Diosnö ösödöködöma Diosnö ösödadö dewinö tjuju̧kwakwedötjö bajalekwönönö otiwanö tjö̧jakwa̧ omukwatö tjö̧jobe. Jo̧kwaijayonö ökwödöbi isabenö otiwanö kwö̧jaduwakwa̧ kwomukwataduwo, isabenö mölejȩbetjö otiwanö kwö̧jaduwakobetjö̧.

Juan 1:7

Jo̧ba Juannö weinobe jojodönö yöawobö dewinö jo̧nö, jojodö tjöwaisachibanö dewinö jo̧nöma. Ja̧danö jojodöma, Juan yöawi̧ a̧ja̧kwö, Jweinö yöbawo̧, dewinö jo̧nö dösödo, jö̧ba̧lö, tjöwaisachibobö weinobe Diosma, Juannöma.

Juan 11:54

Jo̧kwaobetjö̧ Jesúsma judío jojodö tjuju̧kwobema i̧'yinokobe. Jelö Betaniatjö ja̧nöma Efraím comunidadbe i̧'yinobe, jojodö deemi yöneawinö. Jobe ö̧jinobe iteda öba̧ja̧di̧ waisachadökwö.

Juan 12:37

Ja̧danö, Jesúsma jojodönö Dios ujulu nöinö i̧sebinajayonö ina tjösödinokobe jo̧banöma. Ina, Biteda Dios weinökwe, jö̧ba̧lö, tjomukwatinokobe.

Juan 12:46

Ina yöawinobe: —Ötjöma dewinö jo̧sa. Dewinö chidejatobö chichijatö böjȩkwö. Ja̧danö, yȩa'wo okwa kwebachadöma ötjönö tjösöditjö̧ma yȩa'wo okwatjö labebö dewobekwö ichadö, dewinö chidejatobekwöda— yöawinobe—.

Juan 3:21

Jo̧kwaijayonö Dios wei̧ a̧ja̧kwö ja̧döma Dios weinökwe dewinö jo̧ idejatobekwö 'ya̧dö, otiwanö ja̧tji̧ öwaitjöda öwawobö, Ökwödö otiwanö ja̧bö dö̧ji̧ma Dios pjaati̧tjöda otiwanö ja̧dösa, jö̧ba̧lö.

Juan 8:12

Ikenama, Jesúsma yemidanö yöawinobe jojodönö: —Wanedö yötawa: Ötjödasa dewinö jo̧ma. Ja̧danö, ötjödasa jojodönö öbibo̧ma, dewa'wo okwanö kwetjachobö. Ja̧danö, böjȩ jojodö tjo̧'wo̧ luwo̧ okwanö dewinö chidejatobe, tjo̧'wo̧ luwo̧ jawa tjöwaisachibanö. Ja̧danö, ötjökwö ichadöma yȩa'wo okwanö kwebachöködö, kwetjachobema dewinö chidejatobetjö̧. Ja̧danö, ötjökwö ichadönöma, tjo̧'wo̧ luwo̧ okwanö dewinö dejatö chi̧sebakwo̧sa, ba̧kwȩlö̧jatebö ja̧kwawa tjujuna̧lobö tjöwaisachibanö— yöawinobe Jesúsma.

Juan 8:59

Jejenö yöawiawö̧ jwiinö tjölabinobe judío jojodöma Jesúsnöma. Jwiinö tjölabobetjö̧ inawiya emibö tjikwawo jö̧tja̧lijayonö, Jesúsma ju̧kwawibö laebinobe Dios ejutjöma.

Efesios 5:8

Wanedö yötawa: Ökwödöma ajayinöma yȩa'wo okwada ji̧nadöja, kwo̧'wo̧ luwo̧duwinöma, Diosnö wajwibö. Jo̧kwaijayonö babema ida̧ökö Duluwo̧ ömöledö bakibinaduwobetjö̧, kwo̧'wo̧ luwo̧duwinöma jo̧ba dewinö idejatenada ju̧kwadöja. Jo̧kwaobetjö̧ dewinö idejatenada kwebachö ja̧duwi, chömöledö.

1 Tesalonicenses 5:5

Chömöledö, wanedö yötawa: Okobe deinö ökwödöma dewi̧ jojodöja, möle jojodöja. Jau chömöledö, ökwödö Jesúsnö ösödadöma yö̧te jojodöböködösa, ja̧danö yȩa'wo okwa jö̧ködösa.

1 Tesalonicenses 5:8

Jo̧kwaijayonö, ökwödöma möle jojodösa chömöledö, jo̧kwajabetjö̧ 'dukwachinöma dö̧joko. Wanedö yötawa: Döpöjojo ökwödönö ölakwabikwawö ö̧jobetjö̧, guardia jojo omuko tjöekwado̧ 'duawi̧danö, Dios yöawi̧ ösödakwawi̧bi, dömöledönö ösödabikwawi̧bi 'dudawo, tjöekwado̧ baibanö. Ja̧danö, guardia jojo tjöekwaka bötjawaka ubutjawi̧danö, dö̧jibinö pjabato̧ jö̧ba̧lö Diosnö do̧'wo̧ döwana̧li̧ma dubutjawaduwo, tjöekwaka baibanö.