Juan 12:21 - Dios Iwene

²¹ Jobadöma Felipe, Jesús öba̧ja̧di̧ waisachadötjö bakwo̧ ö̧jobekwö tji̧'yibinobe. Jo̧ba Felipema Galilea niji Betsaida jojo. Ja̧danö, jobadö judío jojodöböködöma Felipe ö̧jobekwö 'ya̧wibö abebö tja̧ja̧kwinobe: —¿Jesúsja? Jo̧banö yöda̧lobö jö̧da̧la— jö̧tja̧lökwe

Juan 12:21 Iomraidhean Croise

Mateo 2:2

—Judío jojodö la'aka tjuluwo̧ baibanö jeminökwema, ¿daida? Ina jawo̧ laebobekwö dö̧jayi, jo̧ba jawa sili'inö dedijatö, jo̧kwajabetjö̧ jo̧banö ösödö dichajabe. ¿Dai ö̧jobeda?— jö̧ba̧lö abebö tja̧ja̧kwinobe.

Juan 1:48

Jejenö yöawökwe: —¿Dakwö kwöwaisobö ötjönöma?— Natanaelma abebö a̧ja̧kwökwe: —Ökwönö chedatö, Felipe ökwönö jwöakwa̧ abönö. Higosowi teebe kwö̧bobe chedatö—yöawinobe Jesúsma Natanaelnö. Jejenö yöawökwe:

Juan 6:40

Ja̧danö ötjö, Dios Itji̧nö tjöwaisachibanö ösödadöma ba̧kwȩlö̧jatebö tjuju̧kwobö ösödobe Chabe'doma. Ja̧danö, 'dö̧ibaji̧ möle badekwachena yemidanö tjetjachajinö chotidobö ösödobe ötjönö webo̧, Chabe'doma—Jesús yöawinobe.