Juan 12:15 - Dios Iwene

¹⁵ Ökwödö Israel jojodönö yötawa. Yekabiduwa. Ökwödö kwuluwo̧duwi, bulu itji̧nö wa̧nö ichobetjö̧, yekabiduwa, jö̧ba̧lö, damötjö Dios yöawi̧ yöbawinadöma tjiwȩyudinobe.

Juan 12:15 Iomraidhean Croise

2 Samuel 15:1

Ja̧danö, jemi ikenama, baikwö baledinobe: Absalonma ölakwabikwawa jawa kolukabi, kabayudönöbi eminobe, ja̧danö ömöayedö ölakwabikwawa jojodö cincuentabedönö weinobe, kweachi̧tenia, jobadöma abönö kwetjachobö.

2 Samuel 16:2

Jejenö ichibiökwe, Davidma Sibanö abebö a̧ja̧kwinobe, —Bi̧ya, ¿dai e'ewö kwi̧'ya? —jö̧ba̧lö. Abebö a̧ja̧kwökwe, Siba atadinobe, —Bidö bu̧lu̧döma, ökwö la'aka chuluwo̧ kwömöledö tjöwanobö chichejebejabe, ja̧danö pan öpji̧yabi, higo waji̧bi, kwömöayedö tjukwobö chichebajabe, ja̧danö ubasobuma, jojodö deobe kwekachaduwonö me'dawadö tjowobö chichejebajabe, —jö̧ba̧lö atadinobe Sibama.

1 Reyes 1:33

ja̧danö ichibajadönö weinobe: —Ötjö kwuluwo̧duwi chömöayedö la'aka luwedönö öbibö, chitji̧ Salomonnö chajwi kabayunö öwobö weköbaduwo, ja̧danö chajwi oma'anö öwonö, jobadönö ökibaduwo, Guijon ojwese'dobe.

Isaías 41:14

Ökwödö Israel jojodöma, yekabiduwoko. Ökwödö Jacob itji̧mu tupadanö jojodöma, sa̧dö juluwöködö kwichejekwaduwijayonö, yekabiduwoko. Jau chömöledö, —Ötjödasa ökwödönö pjabato̧ma, —jö̧ba̧lö ötjö Isabenö Jo̧ma yötawaduwakwö, ökwödönö kwö̧jibaduwinö pjabato̧ma, ötjö Israel jojodö tjösödökwe Suli̧ Jwibo̧ Diosda, jo̧kwajabetjö̧ yekabiduwoko.

Isaías 62:11

Jau chömöledö, bö̧jȩ ba̧kwemeachibanö ju̧kwadönö baikwö weajabe Isabenö Jo̧ma, Jerusalen jojodönö baikwö yökawaduwo: Edaduwi, kwö̧jibaduwinö pjabato̧ma baikwö kwö̧jaduwobekwö ichobe. Ja̧danö baikwö ichenama, iteda emajawö̧, tjö̧jibinö pjaatajawö̧nö öbibö ichobeta, jö̧ba̧lö yötjawobö weobe.

Mateo 21:5

Jerusalénnö ju̧kwadönö yöbawaji: Edaduwi. Kwuluwo̧duwima kwö̧jaduwobekwö ichobe. Jo̧bama luwo̧sa jö̧ba̧lö omukwatökönö, bulunö wanö, bulu itji̧nö wanö ichobe, jö̧ba̧lö yöawinobe.

Juan 12:14

Ja̧danö, Jesúsma bulu itji̧nö edö nöchachibö öwamatinobe. Jejenöma damötjö Dios iwene tjiwȩyudinama badekwachinö ja̧inobe Jesúsma, baikwö, Dios yöawina Israel jojodönöma:

Deuteronomio 17:16

—Ja̧danö 'da̧batö kwujunaduwakwo̧nö weawa baikwö yötawa: Kabayudönö ba̧jekwadönö ajikwoböma isakwoko, ja̧danö israel jojodö Egipto nijibe 'ya̧nö, kabayudönö tjemoböma weoko. Jau chömöledö, Isabenö Jo̧ma ökwödönö weinobe, la'akatjöda Egipto nijibe tjekachaduwoko jö̧ba̧lö, jo̧kwajabetjö̧ jejenö weoböma jwiakobe.

Jueces 12:14

Jo̧ba Abdonma itji̧mu ömadönö cuarentabedönö ujuna̧linobe, ja̧danö ö̧'dö̧dö ömadönö treintabedönö ujuna̧linobe. Okobe deinö Abdon itji̧mubi, ö̧'dö̧döbi bakwo̧nökwena tjajwi bulokwena tjujuna̧linobe, ja̧danö tjajwikwena oma'anö wanö kwebachiatjinobe. Jo̧ba Abdonma jelemutjö wapötakwa o̧biya baledibanö israel la'aka luwo̧ ö̧jinobe,

Jueces 5:10

Okobe deinö ja̧ baledaja̧ wene yöbawö lo̧köbaduwo, ökwödö nöinö juna̧ladö sabana'wo otiwa'wo wa̧nibö, dewadö bu̧lu̧dö tjoma'anö kwebachadöbi, jo̧kwadabedö tjömasapiyanö kwebachadöbi, okobe deinö ösödinö lo̧köbaduwo.