Juan 11:35 - Dios Iwene

³⁵ Ikenama Jesúsma ubudekwinobe.

Juan 11:35 Iomraidhean Croise

Génesis 43:30

Jejenö jö̧ba̧lö o̧'wo̧ tjo̧bekwibijetö Joséma, chö̧jawo̧we, jö̧ba̧lö. Ömöna, ömöledö tjö̧jelö labeibö tebachibijetö iteda ö̧lȩkobe. Jȩko̧nö tebachibö budekwijetö.

Diosnö ösödo̧ Job mikwo̧ usula emawina jawa 30:25

Ötjöbi ja̧danö chuluwo̧, usulasedönö chedenema, jobadönö suli̧ waedökönö, cho̧'wo tjo̧achö chubudekwijatö jobadönö, ja̧danö jwibadö jwibö tjö̧ji̧ edö, cho̧'wo tjo̧achö lȩlöjinö chedijatö jobadönö.

Isaías 53:3

Jo̧banö edö döpöjödijatö, —Bitema mikwawö̧kö̧, inia tjöbo̧, inesö o̧'wo tjo̧bekwo̧, —jö̧ba̧lö. Jo̧banö edöbi tjedoböma tjöpöjödinökwe, —Sulabo̧, —jö̧ba̧lö, ja̧danö jo̧kwadabo̧ jö̧ba̧lö domukatijatö, jo̧ba Dios ömöayo̧nö.

Isaías 63:9

Isabenö okobe jwiinö usula emawö tjö̧jitjö̧, Diosda jobadökwö ja̧nö pjaatinobe. Jau, sule ömöayo̧nöda webö, —Chömöayo̧ angel, tjö̧jibinö pjabati, —jö̧ba̧lödamaökö, iteda da'dödökwö ja̧nö, tjö̧jibinö pjaatinobe. Jo̧bada ile nibebö, lȩlöinö edö pjabatinama, ja̧danö okobe jwiinö damötjö kwetjachinama, jo̧bada a̧la̧pedö kweatinobe.

Lucas 19:11

Jojodöma Jesús yöawi̧ tja̧ja̧kwinobe, le'dewajadönö isakwö chichajabe tjö̧jibobö jö̧ba̧lö, ja̧danö tjomukwatinobe, Aaa, Dios la'aka luwo̧ ö̧jakwa̧ma juluwanö badekwachakobe, jö̧ba̧lö. Jejenö tjo̧mukwatobetjö̧, ja̧danö Jerusalén yöneawinö tjö̧jobetjö̧, Jesúsma jobadönö wanedö yöawinobe.

Lucas 19:41

Ja̧danö, Jerusalén comunidad yöneawobe ichibö, comunidad edenama, Jesúsma Jerusalénnö ju̧kwadönö o̧'wo̧ tjo̧achö ubudekwinobe, baikwö yöba̧lö:

Juan 11:33

Jesúsma Maríabi, Maríakwö ichajadö judío jojodöbi tjubudekwabobe edinö jwiinö o̧'wo̧ tjo̧ekwinobe.

Juan 11:34

Jobadönö abebö a̧ja̧kwinobe: —¿Dai kwödijaduwanö jo̧banöma?— Jesús abebö a̧ja̧kwawö̧: —Duluwo̧ kwedo ichi—tjatadinobe.

Hebreos 4:15

Ja̧danö Jesús, Diostjö jojodötjö ö'weje la'aka pjabato̧ baibanö jo̧ma, jojodö tjime'dawi̧ baledi̧ma waiso̧. Ja̧danö jo̧banöbi, böjȩnö ö̧jena ime'dawinö baledijayonö la'akatjöda sulabenö ja̧inokobe. Chömöledö, Jesúsma jojodö tjime'dawi̧ma öwaisobetjö̧ ökwödönö pjaatobö waiso̧. Jejenö Jesúsda ökwödönö lȩlö̧jino edö Diostjö jojodötjö ö'weje la'aka pjabato̧ baibanö jo̧ma.