Juan 11:33 - Dios Iwene

³³ Jesúsma Maríabi, Maríakwö ichajadö judío jojodöbi tjubudekwabobe edinö jwiinö o̧'wo̧ tjo̧ekwinobe.

Juan 11:33 Iomraidhean Croise

Marcos 3:5

Jesúsma jobadönö edö laböbi labijetö. O̧'wo̧ tjo̧bekwöbi o̧'wo̧ tjo̧bekwijetö, Bidöma yelösöda tjuu 'dibadö, jö̧ba̧lö. Ikenama webijetö ömamu 'wabo̧nö: —Kwömamu debati— webijetö. Jejenö weökwe, ömamu 'wabo̧ma ömamu deatemi otiwanö babibijetö.

Marcos 9:19

Jejenö jö̧a̧lökwe Jesúsma okobe deinö jö̧ba̧lijetö: —Ökwödö babe möle ju̧kwadöma isabenö ötjönö kwo̧'wo̧duwi wana̧löködöja. ¿Dokwa lekwe ja̧nö yemidanö, yemidanö yötawakwa̧jö kwo̧'wo̧duwi kwöwana̧laduwenanö baibanöma? Ökwödökwö lekwe chö̧jijayonö ina tjölakiyu a̧ja̧kwöködödanö ichejekwadöja. ¿Dokwa lekwe ja̧nö yötawakwa̧jö kwöwaisachibaduwenanö baibanöma?—jö̧ba̧lijetö— Tjemunö ichejebaduwitjö— webijetö Jesúsma.

Juan 11:19

Yöneawena jobetjö̧, Lázaro ö'wö baibajabe okobe ba̧jekwadö judío jojodöma Betanianö tjichinobe Martanö Maríanö edö, pjabatö yöbawö, tjöjawo̧ ö'wö baibajiawö̧nö.

Juan 11:31

Ikenama Maríakwö o̧do okwa ba̧ja̧döma, judío jojodö, Martanö Maríanö yöbawö pjabatö ichajadöma María juluwanö a̧laibö lajebobe edö jobuju jökömanö tji̧'yinobe. Jöjawo̧nö tjödajobe budekwabinö ji̧'yena, jö̧ba̧lö, tjomukwatinobe.

Juan 11:34

Jobadönö abebö a̧ja̧kwinobe: —¿Dai kwödijaduwanö jo̧banöma?— Jesús abebö a̧ja̧kwawö̧: —Duluwo̧ kwedo ichi—tjatadinobe.

Juan 11:35

Ikenama Jesúsma ubudekwinobe.

Juan 11:38

Jesús, yemidanö o̧'wo̧ tjo̧ baibökwe Lázaronö tjödinobe edö 'ya̧nö ichibinobe i̧lȩdo̧be. I̧lȩdo̧ a'oma inaba nöaba tjutuminobe edinobe.

Juan 12:27

Ina yöawinobe: —¡Ayö, cho̧'wo̧ tjo̧tekwa!— yöawinobe—. ¿Dakwö atebenada Chabe'donöma? Chabe'do babema pjabatitjö usula chemawinö baledökönö, jö̧ba̧lö, ¿atebenaji̧? Jejenömaökö. Biya̧ usula chemawobö chichijatö böjȩkwö— yöawinobe Jesúsma.

Juan 13:21

Jejenö yöawaja̧ ikena o̧'wo̧ tjo̧bekwibö yöawinobe: —Isabenö yötawa. Ökwödötjö bakwo̧ iyö loakobe ötjönöma— yöawinobe Jesúsma.

Romanos 12:15

Ja̧danö ju'wedö tjo̧'wo̧ ösöwanö tjö̧jenama, jobadökwö kwo̧'wo̧ ösöwanö ösödö kwö̧jaduwo, ja̧danö ju'wedö o̧'wo̧ tjo̧achö tjubudekwenama, jobadökwö kwubudekwaduwo.

Hebreos 4:15

Ja̧danö Jesús, Diostjö jojodötjö ö'weje la'aka pjabato̧ baibanö jo̧ma, jojodö tjime'dawi̧ baledi̧ma waiso̧. Ja̧danö jo̧banöbi, böjȩnö ö̧jena ime'dawinö baledijayonö la'akatjöda sulabenö ja̧inokobe. Chömöledö, Jesúsma jojodö tjime'dawi̧ma öwaisobetjö̧ ökwödönö pjaatobö waiso̧. Jejenö Jesúsda ökwödönö lȩlö̧jino edö Diostjö jojodötjö ö'weje la'aka pjabato̧ baibanö jo̧ma.