Juan 11:32 - Dios Iwene

³² Ja̧danö Maríama Jesús ö̧jena 'ya̧wibö öba a'o ju̧yu̧ju̧ki̧junö jamatö jö̧ja̧linobe: —Duluwo̧ bena kwö̧jitjö̧ma chöjawo̧ma ö'wö batibokoinobe— jö̧ja̧linobe.

Juan 11:32 Iomraidhean Croise

Lucas 17:16

Ja̧danö, Jesús öba a'o ichibö, Jesús öba a'o nijakwö bamatö ösödinobe, otiwanö pjakatajabe, jö̧ba̧lö. Jo̧ba Jesúsnö ösödö tjebachajo̧ma, judío jojobö̧kö̧inobe, judío jojodö sulabedö jö̧ba̧lö tjöpöjödawö̧ samaritano jojoinobe jo̧bama.

Lucas 5:8

Jejenö baibiawö̧, Simónbi, jo̧bakwö otidajibadö Zebedeo i̧tji̧mu Jacobobi, Juanbi, ju'wedö Simónkwö ju̧kwadöbi tjöbajale jalaka baibanö tjedinobe, Ayö, bitema ¿tijö? ¿Dakwö jejenö beiso̧jö? ¿Dakwö ba̧jekwadönö jwodobö weajö? jö̧ba̧lö. Ja̧danö Simónma Jesús öba a'o bȩbachibö, u̧yu̧ku̧nö bamatö Jesúsnö yöa̧linobe: —Chuluwo̧, ötjöma sulabenö ja̧bö jo̧chobetjö̧ ökwökwö chö̧joböma jwibo̧sa, jo̧kwajabetjö̧ ötjötjö 'da̧bachibö 'ya̧wi— jö̧ba̧lö aebinobe Simónma Jesúsnö. Jejenö aebökwe, Jesúsma Simónnö atadinobe: —Yebabökönuwi Simón. Baikwö wanedö yötawakwö: Babe ba̧i̧ jwobö kwotidajabema, isabenö bemi tupakwöma jojodönöda jwobö kwotidakwo̧ja— jö̧ba̧lö.

Lucas 8:41

Ja̧danö, jobe judío jojodö ba̧nö tja̧ja̧kwa̧leju luwo̧ Jairo mikwo̧ma, Jesús ö̧jobekwö ichibinobe, ja̧danö Jesús öba a'o apaneakwö bamatö, Jesúsnö aeba̧linobe, ejube ichö itjiju jö'wöchi̧ otidö loobö.

Juan 11:2

Jo̧ba öpöodötjö bakwuju, Maríama, ju'wi möle, omeasobu Duluwo̧ ömasapanö tobebö jöwö'yenö 'do̧jakwujuma. Ja̧danö, jöjawo̧ Lázaroma jwiinö ö'wöchinobe.

Juan 11:21

Ikenama Martama Jesús ichobekwö 'ya̧wibö jö̧ja̧linobe: —Duluwo̧ bena kwö̧jitjö̧ma chöjawo̧ma ö'wö batibokoinobe— jö̧ja̧linobe—.

Juan 11:37

Jo̧kwaijayonö ju'wedöma yötja̧lakwawinobe: —Bitema öbajale tjewawökwenö otidö lobinama ¿tajawedö otidö loinököda, Lázaro ö'wö baibökönöma?— yötja̧lakwawinobe.

Juan 4:49

Ja̧danö, la'aka luwo̧ma yemidanö aebinobe: —Chuluwo̧, ötjökwö ichi chitji̧ ö'wö baibapji jö̧ba̧lö— aebökwe:

Apocalipsis 22:8

Chömöledö ötjöma Juansa. A̧ja̧kwaduwitjö. Okobe jwiinö biya̧ chiwȩyudi̧ma a̧ja̧kwöbi cha̧ja̧kwijatö. Edöbi chedijatö. Ja̧danö, ötjöma okobe jwiinö a̧ja̧kwöbi edöbi cha̧ja̧kwaja̧ ikenama, chu̧yu̧ju̧ki̧junö bamatö bȩtachibijatö ötjönö okobe jwiinö i̧sebo̧ ángel öba a'o, jo̧banö ösödö.

Apocalipsis 5:14

Ikenama tjöbajalebiya a̧tja̧bayedöda ju̧kwawö̧ma jö̧tja̧lijatö: —Jau, lotji̧ma jweinö yöbawö lo̧badö— jö̧ba̧lö. Ja̧danö, damö la'aka luwedöma nijakwö de'bo'bonö bamatö tjösödijatö, Diosnöbi, Obeja Itji̧danö Jo̧nöbi.

Apocalipsis 5:8

Ikenama, tjöbajalebiya a̧tja̧bayedöda ju̧kwawö̧ ö'wejemu luwabi, damö la'aka luwedö veinticuatronöbi tju̧yu̧ju̧ki̧junö bamatö, tjuu nijakwö bȩtjachibijatö, Obeja Itji̧danö Jo̧ öba a'o. Jobadöma, bakwo̧nökwena, harpa do̧ba̧lakwawö bȩtjachibijatö. Ja̧danö, dȩja̧'di̧ju, orotjö otikwa o'di̧ju, bakwo̧nökwena do̧ba̧la̧kwawö bȩtjachibijatö. Ja̧ o'di̧junöma söinö nöekwi̧ jawa, imiyu'wo söinö nöekwi̧ o'wo baibanö tjujuwi̧ jawa, okwijatö, su̧'bȩnö. Ja̧ söinö nöekwi̧ jawatjö söinö nöekwi̧ imiyu'woma Dios ömöledö babibinadö Diosnö atjebi̧ wanekwachobe.