Juan 11:11 - Dios Iwene

¹¹ Jejenö jö̧a̧linobe wanedö yöbawö. Jemi ikena jobadönö jö̧a̧linobe: —Dömöledöso̧ Lázaroma abibajo̧. Ötjöda jo̧ba wiluiboböma chi̧'ya— jö̧a̧linobe Jesúsma, Lázaroma ida̧ökö ö'wö baibajabe, jö̧ba̧lö.

Juan 11:11 Iomraidhean Croise

2 Reyes 4:31

ja̧danö tjabönö Giezima otokwöte e'ewö, tjemu ö̧jobekwö i̧'yinobe, ja̧danö ichibajo̧, tjemu öbanö öwaninobe otokwötema. Jo̧kwaijayonö, edemi, ja'yubenö ökwöi̧ma a̧ja̧kwinokobe, ja̧danö ja'yubebi peleaninokobe tjemuma, ö'wö babibajo̧da kamapjonö ö̧binobe. Jo̧kwajabetjö̧ Eliseo ö̧jobekwö ȩwa̧bijö yöawinobe, —Wilubö̧kö̧ tjemuma, —jö̧ba̧lö.

Éxodo 33:11

Ja̧danö, Isabenö Jo̧ma Moisésnö jweinö jöba̧liabijetö,bakwo̧ iteda yö̧ne ömöledöso̧nö dösölö̧jinö yöa̧li̧danö. Yöba̧lö kabatibö Moisésma ȩwa̧jijetö Israel jojodö tjuju̧kwobekwö. Jo̧kwaijayonö Moisés ömöayo̧, Josué mikwo̧ma, ȩwa̧jökönö jejunöda ji̧abijetö.

Isaías 41:8

Tupakwö laebobe Dios yöa̧li̧: Ökwödö Israel jojodöma, isabenö ötjöda chömöayedöja. Ökwödöma omudawö chujuninökwe Jacob itji̧mu tupadanö jojodöja, ja̧danö chömöledöso̧ Abraham itji̧mu tupadanö jojodöja.

Daniel 12:2

Ja̧danö ja̧ mölema, ba̧jekwadö ö'wö babibinadötjö tjebachajö wilutjakobe. Ja̧danö, wilubajadötjö ju'wedöma ba̧kwȩlö̧jatebö Dioskwö tjö̧jakwedö, ja̧danö jobadötjö ju'wedöma Dios lȩebawö̧ ba̧kwȩlö̧jatebö taba lö̧jawö̧ tjö̧jakwedö.

Mateo 27:52

Ja̧danö wobiakotjö, jojodönö tjo̧tjinemi po̧ebinobe, ja̧danö ba̧jekwadö Dios ömöledötjö wobinadöma yemidanö 'yatjibajinobe.

Mateo 9:24

Jobadönö edö: —Labebaduwi— jö̧ba̧lö weinobe—. Wobököju tjemuma, sule aba̧löda aba̧luju— jö̧ba̧lö yöawinobe. Jejenö yöawiawö̧, jobe ko̧ko̧kwajadöma Jesúsnö otjinobe,

Marcos 5:39

Jeju tebachibö abebö a̧ja̧kwijetö jobadönö: —¿Tajawedö kwubudekwabiduwa? Bisu tjemuma ö'wö babibajökuju. Aba̧löda aba̧luju—jö̧ba̧lijetö.

Juan 11:10

Jo̧kwaijayonö yö̧te kwebacho̧ma ja̧wo̧ dewinö idejatokobe kweachobetjö̧ ju'wijayenö töbö mebo̧.

Juan 11:12

Jejenö jö̧a̧lijayonö öba̧ja̧di̧ waisachadöma waisachibökönö jö̧tja̧linobe: —Duluwo̧, Lázaroma abibajabetjö̧ otiwanö ö̧bibajena— jö̧tja̧linobe.

Juan 11:13

Ja̧danö, Jesús jö̧a̧li̧ma, Lázaroma abiböda abibajo̧, jö̧ba̧lö, jö̧a̧li̧ma, Lázaroma tjo̧wi̧ ö'wö baibajabe, jö̧ba̧lö, jö̧a̧linobe. Jo̧kwaijayonö öba̧ja̧di̧ waisachadöma tjöwaisachibinokobe Jesús yöawi̧ma. Tjomukwatinobe, Lázaroma abiböda abibajena, jö̧ba̧lö.

Juan 11:3

Jo̧kwaiawö̧, Lázaro öpöodöma bakwo̧nö yöbawö i̧'yobö wetjinobe, jelobe, Jesús ö̧jobekwö, jo̧banö yöawobö, Duluwo̧ kwömöledöso̧ Lázaro, kwösödökwema nöinö ö'wöchobe, jö̧ba̧lö. Yöawobö wetjajökwema Jesús ö̧jobekwö 'ya̧jo̧ ichibö wetjaja̧danö yöawinobe.

Juan 3:29

Ökwödö yökawaduwi̧, Jesús ba̧jekwadönö ojwenö ubu̧datobe, jö̧ba̧lö, yökawaduwi̧ a̧ja̧kwö jwiinö chösöda, otiwa, jö̧ba̧lö— yöawinobe—. Wanedö yötawa: Ilekwonö emi̧ pjiesta ja̧nö, emakwo̧ma ösödinö ö̧jobe, iteda ilekwonö emakobetjö̧. Ja̧danö, jo̧ba ömöledöso̧bi ösödinö ö̧jobe, ömöledöso̧ ilekwonö emiökwe. Ja̧danö, jo̧bama ilekwonö emakwo̧ ösödö yöa̧li̧ a̧ja̧kwö, bakwainö ösödobe. Chömöayedö, Jesúsma ilekwonö emakwo̧danö jo̧. Ja̧danö, ötjöma ilekwonö emakwo̧ ömöledöso̧danö jo̧sa. Ötjöma Jesús jojodönö ösödö yöa̧li̧ a̧ja̧kwö ösödo̧sa. Jo̧kwaobetjö̧, cho̧'wo̧ luwo̧nö jwiinö ösödö jo̧sa, Jesús ojwenö ubu̧dati̧ yökawaduwi̧ a̧ja̧kwö— yöawinobe Juan Ojwenö Bu̧dato̧ma ömöayedönö.

Hechos 7:60

Ikenama, u̧yu̧ju̧ki̧junö jamatö, labinö jwöbijetö, Chuluwo̧, bidö ötjönö sulabenö ja̧tji̧ma omukwatöma lȩkeboko, jö̧ba̧lö. Jejenö jö̧a̧laja̧ ikena ö'wö babibijetö Estebanma.

1 Corintios 15:18

Ja̧danö, ju'wibi chömöledö, Cristo tjeachajinökötjö̧ma, jo̧banö ösödadö wobinadöma tjö̧jibinökena, ja̧danö Dios lȩebi̧tjö tjemena.

1 Corintios 15:34

Sulabenö ja̧köbaduwi̧ kabatibö, tjekachajaduwo chömöledö, yemidanö jweinö kwomukwataduwo jö̧ba̧lö. Isabenö yötawaduwakwö chömöledö, ökwödötjö ju'wedöma Diosnö wajwibadöja chömöledö, ja̧danö jo̧banö wajwiköbaduwobetjö̧, kwötabakwaduwobö jo̧be.

1 Corintios 15:51

Ja̧danö, baikwö yötawaduwakwö ajayinö jojodö wajwitjina jawa chömöledö. Ökwödö Jesúsnö ösödadötjö ju'wedöma böjȩtjö wodökena chömöledö, jo̧kwaijayonö okobe deinö döbalewachinö ja̧akwo̧ Diosma.

Efesios 5:14

Jejenö omukwatö bakwo̧ma damötjö wȩyudijetö biya̧, damötjö lo̧awadanö: Wilubaduwi ökwödö aba̧ladödanö ju̧kwadöma. Yemidanö 'yabibajaduwi ökwödö wobinadödanö ju̧kwadöma. Cristoma ökwödö kwo̧'wo̧ luwo̧duwi okwanö dewinö idejatakobe kwöwaisachibaduwobö. Jejenö wȩyudijetö damötjö.

Deuteronomio 31:16

Ja̧danö, Isabenö Jo̧ma yöawinobe: —Moises, ökwöma juluwanö kwa'dödökwö bakibanö ö'wö bakibakwo̧ja. Ikenama, ö'wö bakibaja̧ ikenama, bidö kwömöledö israel jojodöma juluwanö sulabenö ja̧tja̧kwedö, baikwö wanedö yötawa, bakwuju jilekwamuböködökwö sulabenö 'da̧'da̧bakwawö jalewi̧danö, bidö israel jojodöma juluwanö ju'wedö tjösödawö̧ o̧'wo jawanö tjösödakwedö. Jau Moises, bakobe jobadökwö isabenö ötjönöda tjösödobö yöbawö dujuninajayonö, juluwanö ötjönö kabatibö, tjitebonö tjö̧'da̧de ju̧kwadö tjösödawö̧nöda tjösödakwedö, sulabenö.

1 Tesalonicenses 5:10

Jo̧ba Jesucristoma dö̧jibobö midawö woinobe, woditjö̧böbi, 'yada̧litjö̧böbi jo̧bakwö dö̧jakobetjö̧.

Santiago 2:23

Ja̧danö, Abrahamma jejenö Diosnö o̧'wo̧ wana̧lö ö̧ji̧bi, ja̧danö, Dios wei̧ a̧ja̧kwöbi ö̧jobema Dios ajayinö yöawina badekwachinö ö̧jinobe. Ja̧ ajayinö yöawinama baikwö laebobe Dios iwenetjö: Abrahamma Dios yöawi̧ ösödinobe, Diosma jweinö yöbawo̧, jö̧ba̧lö. Jejenö ösödiökwe Diosma jo̧banö jö̧a̧linobe, Chedemi bitema suli̧ jwibo̧, jö̧ba̧lö. Jejenö laebobe. Ja̧danö, ju'wi jawabi laebobe, Dios Abrahamnö yöawina, baikwö: Abrahamma ötjö chömöledöso̧. Jejenö laebobe Dios iwenetjö, Abraham ö̧jina iwȩyudinama— jejenö yöbawö chatadena ötjönö yöba̧lo̧nö, Ju'wedöma Jesúsnö tjo̧'wo̧ wana̧löda ja̧dö, i̧sekwökönö, yöba̧lo̧nöma.