Juan 10:7 - Dios Iwene

⁷ Jo̧kwaobetjö̧ Jesúsma yemidanö wanedö yöawinobe jobadönöma: —Isabenö yötawa. Ötjödasa o̧bȩja̧dö tjabȩko̧ apjudema. Ja̧danö, ötjönöda tetjachobö jo̧be—yöawinobe—.

Juan 10:7 Iomraidhean Croise

Isaías 53:6

Jau, obejadö le'dewö tji̧'yidanö, okobe deinö ökwödöma bakwo̧nökwena dösödobekwö 'ya̧nö, Diostjö 'da̧bachibö di̧'yajabe, ja̧danö 'da̧bachibö di̧'yiökwe, ökwödönö lȩebo jö̧a̧linobe. Jo̧kwaijayonö, ökwödö dusulama, joba iteda ömöayo̧nöda öwaninobe Isabenö Jo̧ma, jo̧bada lȩekwa emakobetjö̧.

Juan 10:1

Jesúsma wanedö yöawinobe jojodönöma: —O̧bȩja̧dönö te'ada̧lo̧ma o̧bȩja̧dö tjabȩko̧ apjudenö tebacho̧, o̧bȩja̧dönö a̧petube öibobö—jö̧a̧linobe—. Jo̧kwaijayonö jelo̧, apjudenö tebachökönö, mönö nöchö tebacho̧ma o̧bȩja̧dönö naukwabo̧. Isabenö yötawa, jo̧bama naukwabikwawa jojo, o̧bȩja̧dönö te'ada̧lo̧bö̧kö̧. Ja̧danö, o̧bȩja̧dönö te'ada̧lo̧ma apjudenöda tebacho̧.

Juan 10:9

Ötjödasa apjudedanö jo̧ma. Ja̧danö, ötjönö tebachadönöma tjö̧jibinö pjabato̧sa. Ja̧danö, ötjönö tebachadöma ötjö chite'ada̧lawö̧ o̧bȩja̧dödanöbedö. Ja̧danö, chite'ada̧lawö̧ o̧bȩja̧dödanöbedöma ötjönö tebachöbi tebachadö, labeböbi labebadö. Ja̧danö, ötjö apjudedanö jo̧nö labebajadö meje'ye kwanö otiwanö ja̧dödanö otiwanö ja̧dö— wanedö yöawinobe Jesúsma—.

Juan 14:6

—Ötjödasa Dios ö̧jobekwö 'ya̧kwawa manama— yöawinobe Jesúsma—. Ja̧danö, ötjödasa jweinö yöbawo̧ma jweinö jo̧chobetjö̧. Ja̧danö, ötjödasa ba̧kwȩlö̧jatebö ja̧kwawa iyo̧ma. Ja̧danö, ötjöma Dios ö̧jobekwö 'ya̧kwawa manachobetjö̧, ötjönöda 'yo̧ma Dabe'do Dios ö̧jobekwö ichibakwo̧.

Efesios 2:18

Chömöledö, Jesúsma midawö woinobetjö̧, ökwödö judío jojodönöbi ökwödö judío jojodöböködönöbi, Dios O̧'wo̧ Luwo̧ma, bakwo̧da tebachibö öjamatinawö̧sa. Ja̧danö, bakwo̧da tebachibö öjamatinawö̧dobetjö̧ ökwödöma okobe deinö Dabe'do Diosnö abebadösa.