Juan 10:35 - Dios Iwene

³⁵ Ja̧danö, Diosma jweinöda yöbawo̧. Jweinöda yöawinobe, Ökwödöma ötjö jojodö tjuluwedö chö̧ji̧danö ja̧döja, ökwödöbi jojodö tjuluwedö ja̧dököbaduwobetjö̧, jö̧ba̧lö. Jo̧kwaobetjö̧ jejenö Dios iwenetjö laebitjö̧ma, Ökwödöma Diosdanö ja̧döja, jö̧ba̧lö,

Juan 10:35 Iomraidhean Croise

Génesis 15:1

Jemi ikenama Isabenö Jo̧ Diosma Abramnö i̧sebijetö, i̧'wi̧didanö. Ja̧danö, Abramma Isabenö Jo̧ Dios yöawobe a̧ja̧kwijetö, baikwö yöawi̧ma: —Abram yekabi. Ötjöma ökwönö tjöbeba̧lo̧sa, sulabe baledokobö. Ja̧danö Abram, ötjöma ökwönö jwiinö mikwawinö chiyakwo̧sa— yöbawijetö.

2 Samuel 7:5

—Natan, chömöayo̧ Davidnö yökawobö wetakwö, –Ökwöma chö̧jakweju kwotidökakwo̧ja David.

2 Reyes 15:12

Ajayinö Zacarias a'dömine Jehu israel la'aka luwo̧ baibenama, Isabenö Jo̧ma Jehunö yöbawö ujuninobe, —Ökwö kwitji̧mu tupadanö jojodöbi luwedö tjö̧jobö wetakwo̧sa, kwitji̧bi, kwö̧'dö̧bi, kwö̧'dö itji̧bi, kwö̧'dö̧ ö̧'döbi inesö la'aka luwedö batjibanö, la'aka luwo̧ iteakanö tjöbamatobö chiyakwo̧sa, —jö̧ba̧lö yöbawö ujuninobe Isabenö Jo̧ma. Ja̧danö, Isabenö Jo̧ yöawi̧ badekwachinö, baledinobe.

1 Crónicas 22:8

Jo̧kwaijayonö, jobekwö chomukwatinajayonö, Isabenö Jo̧ma yöawinobe ötjönö: –David, ökwöma cheju kwotidobö jwibo̧ja. Ökwöma ölakwabikwawa luwo̧ja, ja̧danö israel jojodö tjöpöjojodökwö nöinö ölakwabikwawö, ba̧jȩkwadö tjökwösobö ebawinö ölakwabikwawinaja. Ja̧danö, jobekwö chöba a'otjö ba̧jekwadö jojodö tjökwösobö ebawinö kwölakwabikwawinobetjö̧, ökwöda cheju, ötjönö otiwanö omukwatakwaweju kwotidobö jwibo̧ja.

Mateo 24:35

Jau chömöledö, isabenö yötawi̧danö baledakobe. Baikwö yötawa: Böjȩbi, mölejȩbi isabenö 'dö̧ibajakobe, jo̧kwaijayonö ötjö yötawi̧ma ba̧kwȩlö̧jatebö ja̧kobe— jö̧ba̧lö yöawinobe Jesúsma.

Mateo 27:35

Ikenama Jesúsnö towisa'onö bȩbö tjöninobe, ja̧danö nönajadö inawiya pjei̧ öwiya ikwawö alewö ja̧tjinobe, Jesús ökamijido̧ ti emojobö jö̧ba̧lö tjalewinobe.

Mateo 5:18

Isabenö yötawaduwakwö chömöledö, böjȩbi, mölejȩbi ina ja̧yi, ja̧ tjiwȩyudina jawatjö ja'yubebi söbebö lotjökakobe, okobe jwiinö tjiwȩyudinama badekwachenanö kabatö.

Lucas 16:17

Jo̧kwaijayonö, Dios la'aka luwo̧ ö̧jakwa̧ weneda babe yödawijayonö, Moisés iwȩyudinama mikwawokobe jö̧ba̧löma yöda̧lökö. Baikwö yötawaduwakwö: Isabenö mikwawobe Moisés iwȩyudinabi, ju'wedö Dios yöawi̧ yöbawinadö tjiwȩyudinabi, ja̧danö okobe jwiinö ja̧ laebachi̧danöda baledobö jo̧be chömöledö. Jau chömöledö, laebi̧ balewö lobö ja'yubebi söbebö lotjobö jwiobe la'akatjöda. Jau chömöledö, isabenö ja'yubebi söbebö lotjobö jwiobe. Baikwö wanedö yötawa: Böjȩbi mölejȩbi söbebö lotjoböma jwiinö waiyijayonö, ja̧tjö bajalekwönönö waiyobe, ja̧ tjiwȩyudina jawatjö bakwöta jawabi söbebö lotjoböma.

Juan 10:34

Jejenö jö̧tja̧lökwe: —Dios iwenetjö, kwö̧jaduwobö weina iwenetjö baikwö laebobe: Ökwödöma jojodö tjuluwedöja, ötjödanö. Ja̧danö, ötjö, Dios, jojodö tjuluwo̧danö ökwödöbi jojodö tjuluwedöja, jö̧ba̧lö laebobe.

Juan 10:36

¿tajawedö, Ötjöma Dios Itji̧sa, jö̧ba̧lö yöta̧lena jwökeba̧laduwobeda, Ökwöma sulabenö yöka̧la, jö̧ba̧lö? Ötjöma Dabe'do Dios omudawö böjȩkwö weinökwesa, jo̧ba wei̧ otidö chö̧jobö.

Juan 19:28

Ja̧danö, Jesúsma, Tjo̧wi̧ Dios ötjönö weinama katatajabe, jö̧ba̧lö, omukwatinobe. Ikenama, Dios iwene laebi̧danö badekwachinö aebinobe: —Ojwiyo o̧ti̧lö̧jabi— jö̧ba̧lö.

Hechos 1:16

—Chömöledö, damötjö da'dömine Davidma, iteda o̧'wo̧ luwo̧ okwanö Dios O̧'wo̧ Luwo̧ öba̧ja̧da̧lonö yöbawö wȩyudijetö Judasnöma, Jesúsnö do̧batö tje'ewotö jö̧ba̧ladönö öbibö i̧'yakwo̧nöma. Damötjö jejenö laebijetö Dios iwenetjö, Davidmine iwȩyudinama. Ja̧ wene isabenö badekwachinobe, Judas sulabenö iyö loawa wene— yöbawijetö Pedroma—.

Romanos 13:1

Chömöledö, la'aka luwedö wetji̧ ja̧bö kwö̧jaduwo, Diosda jobadönö kabebö ujuninobetjö̧. Jau chömöledö, Diosda inesö la'aka luwo̧ma, ja̧danö jo̧bada okobe deinö böjȩ luwedönö kabebö junina.

Deuteronomio 18:15

—Kwuluwo̧duwi Isabenö Jo̧ Dios ökwödönö yöawobö jö̧a̧lenama, jobadöjayedönötjö̧ yöawökakobe chömöledö. Ökwödönö yöawobö jö̧a̧lenama, ökwödötjö bakwo̧ iteda yöawi̧ yöbawo̧nö weakobe, ötjö Moisesja̧yo̧nö, ökwödönö Dios yöawi̧ yötawi̧danö yöawobö. Ja̧danö, jo̧ba Dios yöawi̧ yöawenama, isabenö jo̧ba yöawi̧ kwa̧ja̧kwaduwobö ja̧kobe chömöledö.

1 Samuel 15:1

Ju'wi möle, Samuelma Saulnö yöawinobe baikwö: —Saul, Isabenö Jo̧ Diosda ötjönö webinama, ökwönö o̧te tobebö, israel jojodö la'aka tjuluwo̧ bakibanö chujunobö, ¿jö̧tö? Jo̧kwajabetjö̧, babe Isabenö Jo̧ ökwönö yöbawö wei̧ kwa̧ja̧kwobö jo̧be.

1 Samuel 28:6

Ja̧danö yebabinö ja̧nö, Saulma Diosnö abebö a̧ja̧kwinobe, otiwanö filisteo jojodönö ölakwabikwawö ö̧jakwa̧ öwaisobö, jo̧kwaijayonö atadinokobe Diosma. Saul i̧'wi̧dinöbi atadinokobe, ja̧danö Diostjö jojodötjö tjö'da̧de pjabatadö inawiya tjikwonöbi atadinokobe, ja̧danö Dios yöawi̧ yöbawadötjöbi atadinokobe.

1 Samuel 30:8

ja̧danö Davidma Isabenö Jo̧nö abebö a̧ja̧kwinobe, —Chuluwo̧, dömöledönö eminadö tjökömanö lubö di̧'yobö jo̧beji̧? Lubö di̧'yitjö̧ma, lubö dichibakwa̧ji̧? —jö̧ba̧lö. Abebö a̧ja̧kwökwe, —Jau, lukibaduwo, isabenö kwichibaduwakwedöja, ja̧danö ju'wibi isabenö kwömöledöduwinö tjö̧jibinö pjakataduwakwedöja, —jö̧ba̧lö atadinobe Isabenö Jo̧ma .