Juan 1:46 - Dios Iwene

⁴⁶ Jejenö yöawökwe: —¿Dakwö baibajö?— jö̧a̧linobe Natanaelma—. Nazaretnöma jo̧kwadabedöda tjuju̧kwobe— jö̧a̧linobe. Ja̧ jö̧ba̧löma, Jobe jö̧kö̧ Moisés iwȩyudinökwema, Dios yöawi̧ yöbawinadö tjiwȩyudinökwema, jö̧ba̧lö, omukwatinobe Natanaelma. Jejenö jö̧a̧lökwe Felipema Natanaelnö öibinobe: —Kwedo ichi— jö̧ba̧lö. Ja̧danö, Natanaelma Felipekwö Jesús ö̧jobekwö i̧'yinobe.

Juan 1:46 Iomraidhean Croise

Mateo 10:3

Ja̧danö Felipebi, Bartolomébi, Tomásbi, Mateo, la'aka luwo̧ itea balada emö otido̧bi. Ja̧danö Alfeo itji̧ Jacobobi, Tadeobi.

Mateo 2:23

Ja̧danö, Galilea nijibe 'ya̧nö, Nazaret comunidadnö tjö̧jinobe. Ja̧ baledi̧ma Dios yöawi̧ yöbawadö Dios weakwo̧nö tjiwȩyudinadanö baledinobe. Baikwö laebobe Dios iwene, damötjö tjiwȩyudinama: Jo̧banö Nazaret jojo ötjabikobe, jö̧ba̧lö laebobe.

Lucas 12:57

Tupakwö yöawinobe Jesúsma: Ja̧danö, kwömöledökwö wene kwujuna̧laduwenama, ¿tajawedö ökwödöda yöba̧lakwawö otikwö loköbaduwokobeda? ¿Tajawedö ökwödöda yöba̧lakwawökönö lȩekwa luwo̧ öba a'o kwi̧'yaduwobeda?

Juan 1:44

Jo̧ba Felipema Betsaida comunidad jo̧, Andrés, Pedro tjitebonö.

Juan 1:45

Ikenama, Felipema jelo̧, Natanael mikwo̧ ö̧jobekwö i̧'yinobe, Jesús ö̧ji̧ yöawobö. Jobe ichibö Natanaelnö yöawinobe: —Natanael, dite'ada̧lökwenö döbadekwajatö— yöawinobe—. Moisés iwȩyudinökwenö, Dios yöawi̧ yöbawinadö tjiwȩyudinökwenö döbadekwajatö. Jo̧bama Nazaret jojo, José itji̧, Jesús mikwo̧— yöawinobe Felipema Natanaelnö.

Juan 12:21

Jobadöma Felipe, Jesús öba̧ja̧di̧ waisachadötjö bakwo̧ ö̧jobekwö tji̧'yibinobe. Jo̧ba Felipema Galilea niji Betsaida jojo. Ja̧danö, jobadö judío jojodöböködöma Felipe ö̧jobekwö 'ya̧wibö abebö tja̧ja̧kwinobe: —¿Jesúsja? Jo̧banö yöda̧lobö jö̧da̧la— jö̧tja̧lökwe

Juan 14:8

Jejenö yöawiawö̧ Felipe jö̧a̧linobe: —Duluwo̧, Dabe'do Diosnö dedobö jö̧da̧la. Jo̧banö i̧sebi do̧'wo̧ ösöwanö dö̧jo, Tjo̧wi̧ otiwanö dedajabe, jö̧ba̧lö— jö̧a̧linobe Felipema Jesúsnö.

Juan 4:29

—Ichaduwi kwedaduwo jojonö, ötjö okobe jwiinö chö̧jina waiso̧nöma. Jo̧badaena, Dios jojodö tjö̧jibinö pjaatobö weinökwema— yöjawinobe.

Juan 6:5

Ja̧danö, Jesúsma ba̧nö eda̧lemi jojodö ba̧jekwadö ö̧jobekwö ichadönö edinobe. Tjichiökwe abebö a̧ja̧kwinobe Felipenö, iteda öba̧ja̧di̧ waisacho̧nö: —Felipe, ¿detjö demakwa̧da idö ichadö pan tjukwakwa̧ma?— abebö a̧ja̧kwinobe Jesúsma Felipenöma.

Juan 6:7

Ja̧danö Felipema atadinobe: —Idöma ba̧jekwadö. Balada nöinö, doscientos ö̧pi̧bi̧yabi dujuna̧litjö̧ma sule pjei̧kwena demena tjukwakwa̧ panma— atadinobe Felipema.

Juan 7:52

Jejenö yöawiawö̧, Nicodemonö obö, öpöjödö jö̧tja̧linobe: —Nicodemo ¿ökwöbi Galilea jojoja?— obö jö̧tja̧linobe—. Jweinö edi Dios iwenema kwöwaisobö Galileabetjö ichokobe Dios yöawi̧ yöbawo̧ma— jö̧tja̧linobe.

1 Tesalonicenses 5:21

Jo̧kwaijayonö, okobe jwiinö kwa̧ja̧kwaduwi̧ma, otiwojobö jweojobö jö̧ba̧lö kwisakwaduwo, ja̧danö kwa̧ja̧kwaduwaja̧ otiwitjö̧ma 'diinö do̧ka̧laduwo.