Juan 1:42 - Dios Iwene

⁴² Yöawaja̧ ikena öpöenö öbibö i̧'yinobe Jesús ö̧jobekwö. Ja̧danö, Jesúsma, jo̧banö edö jö̧a̧linobe: —Ökwöma Simón mikwo̧ja, Juan itji̧— jö̧a̧linobe—. Babema chimidakwö Cefas, jö̧ba̧lö— midö yöawinobe Jesúsma Simónnöma. Cefas, jö̧ba̧löma, inawa, jö̧ba̧lö, griego jojodö tjiwenenö.

Juan 1:42 Iomraidhean Croise

2 Reyes 5:4

Jobekwö yöja̧liökwe, Namaanma uluwo̧ inesö la'aka luwo̧ ö̧jobekwö ichibö yöawinobe, —Israel jojosujuma baikwö yöjawajabe, —jö̧ba̧lö.

Mateo 10:2

Jobadö a̧li̧nösamutjö du̧ju̧tajabedö Jesús öba̧ja̧di̧ waisachadöma, tjimibiya baikwö laebobe: Abönö Simón, ju'wi imi Pedrobi, Pedro öjawo̧ Andrésbi. Ja̧danö Zebedeo i̧tji̧mu Jacobobi, ja̧danö Jacobo öjawo̧ Juanbi.

Marcos 3:16

Jobadö ujuninawö̧ma bidö: Bakwo̧ma Simón. Simónnöma ju'wi imima Pedro, jö̧ba̧lö, midijetö Jesúsma.

Lucas 5:8

Jejenö baibiawö̧, Simónbi, jo̧bakwö otidajibadö Zebedeo i̧tji̧mu Jacobobi, Juanbi, ju'wedö Simónkwö ju̧kwadöbi tjöbajale jalaka baibanö tjedinobe, Ayö, bitema ¿tijö? ¿Dakwö jejenö beiso̧jö? ¿Dakwö ba̧jekwadönö jwodobö weajö? jö̧ba̧lö. Ja̧danö Simónma Jesús öba a'o bȩbachibö, u̧yu̧ku̧nö bamatö Jesúsnö yöa̧linobe: —Chuluwo̧, ötjöma sulabenö ja̧bö jo̧chobetjö̧ ökwökwö chö̧joböma jwibo̧sa, jo̧kwajabetjö̧ ötjötjö 'da̧bachibö 'ya̧wi— jö̧ba̧lö aebinobe Simónma Jesúsnö. Jejenö aebökwe, Jesúsma Simónnö atadinobe: —Yebabökönuwi Simón. Baikwö wanedö yötawakwö: Babe ba̧i̧ jwobö kwotidajabema, isabenö bemi tupakwöma jojodönöda jwobö kwotidakwo̧ja— jö̧ba̧lö.

Lucas 6:14

Simón, ju'wi imi Pedro jö̧ba̧lö Jesús imidinökwebi, Pedro öjawo̧ Andrésbi, Jacobobi, Juanbi, Felipebi, Bartolomébi,

Juan 13:18

Ja̧danö, ökwödötjö okobe deinöma yötawökö. 'Da̧batö chujuninawö̧nöma chöwaisawö̧. Jo̧kwaijayonö ökwödötjö bakwo̧ ötjönö iyö loakwo̧ma. Jo̧bama benada bo̧, Dios iwene damötjö yöawinadanö badekwachakobetjö̧. Baikwö yöawobe Dios iwenema: Bakwo̧ ötjökwö kwo̧ma ötjönö iyö loakwo̧, jö̧ba̧lö, yöawobe Dios iwenema, damötjö tjiwȩyudinama.

Juan 21:2

Jesús öba̧ja̧di̧ waisachadötjö ju'wedöma jobe, Tiberias tjolanö tjö̧jinobe. Jobadöma bidö: Simón Pedro, Tomás, Morocho ötjabökwe, Galilea niji Caná comunidad jojo Natanael mikwo̧, Zebedeo itji̧mu du̧ju̧taja, ju'wedö öba̧ja̧di̧ waisachadö du̧ju̧taja jobe tjö̧jinobe.

Juan 4:16

Ja̧danö Jesúsma jö̧a̧linobe jobujunöma: —Kwilekwenö öbibaji baikwö icho— jö̧a̧loko:

1 Corintios 1:12

Baikwö yöta̧la ölakwabikwawö yöka̧laduwi̧ma, okobe deinö wainökwena yöba̧ladöja chömöledö. Ökwödötjö ju'wedöma yötja̧lobe: Aaa, ötjöma Pablo ömöayo̧sa jö̧ba̧lö. Ja̧danö ju'wedöma: Aaa, ötjöma Apolos ömöayo̧sa jö̧ba̧lö. Ja̧danö ju'wedöma: Aaa, ötjöma Pedro ömöayo̧sa jö̧ba̧lö. Ja̧danö ju'wedöma: Aaa, ötjöma Cristo ömöayo̧sa jö̧ba̧lö.

1 Corintios 15:5

Jemi ikenama Pedronö öwawachinobe, ikenama ju'wedö Jesús ömöayedö a̧li̧nösamutjö du̧ju̧tajabedönö öwawachinobe.

1 Corintios 3:22

ja̧danö ötjö Pablonöbi, Apolosnöbi, Pedronöbi kwujuna̧laduwobe, ökwödönö pjabatadö jö̧ba̧lö. Ja̧danö okobe jwiinö, böjȩbi, ja̧kwawabi, woawabi, babe möle jawabi, tupakwö jawabi, okobe jwiinö ökwödö jawaobe chömöledö.

1 Corintios 9:5

Ju'wibi yötawa: Ju'wedö Duluwo̧ webawedö, Duluwo̧ Jesús böjȩtjö yöne ö̧ja̧wo̧döbi, Pedrobi, yöbawö kwetjachenama, tji̧lȩkwa̧mukwö kwetjachobe, ¿jö̧tö? Ja̧danö, ötjöbi jejenö ötjökwö kwejacho jö̧ba̧lö Jesúsnö ösöduju chilekwonö chemobö jö̧ta̧litjö̧ma, otiwo jö̧a̧lena chömöledö, sulökena.

Gálatas 1:18

Ja̧danö, wa̧pötakwa o̧biya baledibajenama, bajaliyanö Jerusalénbe chi̧'yijatö, Pedronö edö, ja̧danö jo̧bakwö chö̧jijatö a̧li̧nösamutjö bakwamu jawa möle.

Gálatas 2:11

Jo̧kwaijayonö, Pedroma Antioquíabe i̧'yenama, jo̧bama sulabenö ja̧inobe, ja̧danö sulabenö ja̧obetjö̧, Jesúsnö ösödadö tjöba a'otjö ja̧nö jo̧banö lȩtebijatö, sulabenö ja̧köba jö̧ba̧lö.

Gálatas 2:9

Jau chömöledö, Jacobobi, Pedrobi, Juanbi ötjönö tjöwaisinobe, Pablobi Jesús webawo̧ jö̧ba̧lö. Jau chömöledö, jobadöma Jesúsnö ösödadötjö inesö luwedödanö tjö̧jinobe, ja̧danö jobadöma edö tjöwaisinobe ötjönö, isabenö judío jojodöböködönö yöawo jö̧ba̧lö Dios otiwanö weinökwe Pabloma jö̧ba̧lö. Jejenö tjöwaisobetjö̧, jobadöma ötjönöbi Bernabénöbi dömamiju döwaisobekwöchobe jawaomiju detjatinobe, bakobe Dios wei̧ otidadösa jö̧ba̧lö. Ja̧danö, jobadö judío jojodönö yöbawö tjö̧jonö, ökwödöma judío jojodöböködönö yödawobö tjösödinobe.