Juan 1:19 - Dios Iwene

¹⁹ Ja̧danö, Judío jojodöma wetjinobe Diostjö jojodötjö ö'weje pjabatadönöbi, jobadö ömöayedö, Levítjö tupadanö jojodönöbi Jerusaléntjö labebö Juan ö̧jobekwö tji̧'yobö, Juan Ojwenö Bu̧dato̧nö abeba̧lö. Wetjinawö̧ 'ya̧jadöma ichibö Juannö abebö tja̧ja̧kwinobe: —Ökwöma ¿tida?

Juan 1:19 Iomraidhean Croise

Juan 1:7

Jo̧ba Juannö weinobe jojodönö yöawobö dewinö jo̧nö, jojodö tjöwaisachibanö dewinö jo̧nöma. Ja̧danö jojodöma, Juan yöawi̧ a̧ja̧kwö, Jweinö yöbawo̧, dewinö jo̧nö dösödo, jö̧ba̧lö, tjöwaisachibobö weinobe Diosma, Juannöma.

Juan 10:24

Ja̧danö, judío jojodöma, Jesús ö̧jobe 'ya̧wibö atjeba̧linobe: —¿Tajawedö yökawokobeda, Ötjödasa, jö̧ba̧lö, Dios weinökwesa, jö̧ba̧lö? Jweinö yöbawi. ¿Ökwöma Dios weinökweköbiji̧, dö̧jibinö pjakatobö? Döwaiso jweinö yöbawakwawi— atjeba̧lökwe:

Juan 10:31

Jejenö yöawawö̧ judío jojodöma jwiinö tjölabinobe. Inawiya tjeminobe Jesúsnö tjikwawobö, ö'wöchinö baibanö.

Juan 11:19

Yöneawena jobetjö̧, Lázaro ö'wö baibajabe okobe ba̧jekwadö judío jojodöma Betanianö tjichinobe Martanö Maríanö edö, pjabatö yöbawö, tjöjawo̧ ö'wö baibajiawö̧nö.

Juan 2:18

Ikenama judío jojodötjö la'aka luwedöma jö̧tja̧linobe Jesúsnö: —¿Ti weaja̧da bidönö a'dewö loköbobö?— abebö tja̧ja̧kwinobe—. Ökwödönö i̧sebi kwujuluma, dedo, Diosda weajabe ökwönö, jö̧ba̧lö, döwaisobö— judío jojodöma wetjinobe Jesúsnöma.

Juan 2:20

Jejenö jö̧a̧liawö̧ judío jojodötjö la'aka luwedöma jö̧tja̧linobe: —Beju, Dios ejuma, cuarenta y seis o̧bi̧ya tjotidinejuma. ¿Dakwö yöka̧la, wa̧pötakwa möle o̧penö yemidanö chotidocha, jö̧ba̧löma?— jö̧tja̧linobe.

Juan 5:10

Judío jojodötjö la'aka luwedöma, tjotidökö möleobetjö̧ otiwanö babibajo̧nö edö jö̧tja̧linobe: —Babe mölema dotidökö möle. ¿Tajawedö kwe'ewa wa̧kwawapjoma? Jejenö kwe'ewoböma jwiobe— jö̧tja̧lijayonö

Juan 5:15

Ikenama jo̧ba otiwanö babibajo̧ma jobetjö labebö, judío jojodö la'aka luwedö tjö̧jobekwö 'ya̧nö, jobadönö yöawinobe, Jesús mikwo̧da otiwanö batibanö otidö lobajo̧ma, jö̧ba̧lö.

Juan 5:16

Jejenö yöawobetjö̧ jobadö la'aka luwedöma Jesúsnö tjo̧'wo̧ sulinö edö, sulabenö jwötjeba̧lakwawinobe jo̧banöma, jojodö tjotidökö möle otidiawö̧.

Juan 5:18

Jejenö jö̧a̧liawö̧ jwiinö tjölabinobe Jesúsnö, kwabö lotjobö omukwatö. Yelösöda tjölabinobe, judío jojodö tjotidökö möle otidiawö̧. Ju'wi jawabi, biya̧: Jesúsma, Diosda ötjö Chabe'do, jö̧ba̧lö, jö̧a̧liawö̧ jwiinö tjölabinobe, Diosdanö bakwainö mikwawo̧sa, jö̧ba̧lö, jö̧a̧liawö̧.

Juan 6:41

Jejenö, Ötjödasa mölejȩbetjö tjoduwi̧, ba̧kwȩlö̧jatebö ja̧kwawa iyi̧ kwakwawa, jö̧ba̧lö, yöawiawö̧ tjöpöjödinobe judío jojodöma.

Juan 6:52

Jejenö yöawiawö̧ judío jojodöma, idödada labinö atada̧lö yötja̧lakwawinobe, bakwainö omukwatökönö: —Bitema, ¿dakwö yöba̧lo̧, Ötjönö kwukwaduwo, jö̧ba̧lö? ¿Iteda iteba'oda iyakwa̧ji̧ dukwoböma?— yötja̧lakwawinobe.

Juan 7:1

Jemi ikenama Jesús Galilea niji comunidadesda, ju'wi comunidadbi, ju'wi comunidadbi 'ya̧nö kweachinobe. Ja̧danö, Judea nijibe kwebachö i̧'yinokobe, jobe ju̧kwadö judío jojodötjö la'aka luwedöma jo̧banö kwabö lotjobö tjomukwatobetjö̧.

Juan 7:11

Ja̧danö, pjiesta jobema judío jojodötjö la'aka luwedöma jo̧banö kwabö lotjobö tjisakwinobe ¿Jo̧bama daida? jö̧ba̧lö.

Juan 7:15

Waisö yöawiawö̧ judío jojodöma, Jesús yöawi̧ a̧ja̧kwö tjöbajale jalaka babibö: —Itema waisachinö̧kö̧ma, ¿dakwö waisö yöba̧lo̧?— jö̧tja̧liökwe:

Juan 8:22

Jejenö yöawiawö̧: —Bitema, Chȩwa̧jakwemima kwichibaduwökakwedöja, jö̧ba̧lö, yöawaja̧ma, ¿itedada ö'wö baibanö kwabawakwawö loakwa̧ji̧?

Juan 8:48

Ikenama, Jesús jejenö yöawiawö̧, judío jojodötjö la'aka luwedöma: —Jweinö yödawa, ökwöma judío jojobö̧kö̧ja. Samaritano jojoja. Awetja ömöayo̧ teachibinökweja— jö̧tja̧linobe, Jesús yöawi̧ a̧ja̧kwö öpöjödö.

Juan 8:52

Jejenö yöawiawö̧: —¡Ayö, tjo̧wi̧ döwaisa! Awetja ömöayo̧ teachibinökweja ökwöma. ¿Dakwö yöka̧la, ötjö yötawi̧ a̧ja̧kwadö la'akatjöda wotjökakwedö, jö̧ba̧lö? Da'dömine Abraham wobijetö. Dios yöawi̧ yöbawinadöbi wobijadötö. Jo̧kwaobetjö̧ ¿dakwö yöka̧la, ötjö yötawi̧ a̧ja̧kwadö wotjökakwedö, jö̧ba̧lö?

Juan 8:57

Jejenö yöawiawö̧: —¿Dakwö yöka̧lobejö? Ökwöma ina cincuenta o̧bi̧ya jwibo̧ja. ¿Dakwö kwedinada da'dömine Abrahamnöma?— abebö tja̧ja̧kwiökwe:

Hechos 13:25

Ikenama, jo̧ba bu̧dato̧ Juanma, otidawatjöma ina ja'yubeda jwiena jojodönö jö̧ba̧lijetö, Ökwödöma ¿dakwö kwomukwataduwa ötjönöma? Jojodö tjö̧jibinö pjabato̧ma, Juanda, jö̧ba̧lö, ¿kwomukwataduwiji̧? Chömöledö, ötjömaökö, jö̧ba̧lö, yöbawijetö Juanma. Ja̧danö yöbawijetö, Tjö̧jibinö pjabato̧ma chökömanö ichakobe. Yelösöda ötjöma jo̧badanöma mikwawökösa. Bakwo̧ ömöayo̧, u̧kwa sapatu 'yo̧bebo̧nötjö o̧pekwönönö mikwawökösa ötjöma, jö̧ba̧lö. Jejenö yöbawijetö Juan Ojwenö Bu̧dato̧ma, tjö̧jibinö pjabato̧nöma— yöbawijetö Pabloma.

Hechos 19:4

Ikenama Pabloma jö̧ba̧lijetö jobadönö: —A̧ja̧kwaduwitjö. Juanma sulabe tjomukwati̧ kabatibö balewachajadönö ojwenö bu̧datiainobe. Ja̧danö yöbawiainobe jelo̧nö, jo̧ba ökömanö ichakwo̧nöma, Jesúsnöma. Jo̧banöda kwösödaduwo, jö̧ba̧lö, yöbawiainobe— jejenö jö̧ba̧lijetö Pabloma jobadönöma.

Deuteronomio 24:8

—Ju'wibi yötawaduwakwö chömöledö, ökwödötjö bakwo̧ tjisȩdo̧ 'doloi̧jaye tjö'wöchi̧ ö'wöchitjö̧ma, teada̧lönö kwö̧jaduwo, okobe jwiinö Levisaso jojodötjö tjö̧'da̧de pjabatadö wetji̧danö a̧ja̧kwö kwö̧jaduwobö. Ötjöma ja̧ jawa weawa yö̧tawijatö jobadönö, jo̧kwajabetjö̧ teada̧lönö yötjawi̧ kwa̧ja̧kwaduwo.

1 Juan 1:5

Ja̧danö chö̧ja̧wo̧dö, Jesucristo yöawi̧ da̧ja̧kwinama ökwödönö yötawa, biya̧: Diosma dewinöda jo̧. Ja̧danö, yȩi̧ma jwiobe Dioskwöma. Ja'yubebi jwiobe. Jejenö jö̧ba̧löma, Diosma jwiinö otiwo̧, ja̧danö suli̧bi jwibo̧, jö̧ba̧lö. Ja̧ma Jesucristo yöawi̧ da̧ja̧kwinama ökwödönö yötawa böjanö.