Josué 9:8 - Dios Iwene

⁸ Jejenö tjatadawö̧, gabaonita jojodöma Josuenö yötja̧linobe, —Ökwödökwö dösölö̧jinö kwö̧jaduwakwa̧ wene yöbawö kwujunaduwitjö̧ma, isabenö kwömöayedö dö̧jakwedösa, —jö̧ba̧lö. Yötja̧lökwe, Josuema abebö a̧ja̧kwinobe, —Ökwödöma, didö jojodököbaduwa, ja̧danö kwiteboduwima, detjö kwichaduwaja̧da? —jö̧ba̧lö.

Josué 9:8 Iomraidhean Croise

2 Reyes 10:5

Yöba̧lakwawajadö, la'aka luwo̧ eju teada̧lakwawa luwo̧bi, comunidad la'aka luwo̧bi, ju'wedö comunidad luwedöbi, Acab itji̧munö teada̧lakwawa luwedöbi yötja̧li̧ wȩyudö wetjinobe Jehunö: —Ökwödöma ökwöda kwömöayedösa. Bakwo̧nöbi la'aka luwo̧ baibanö dujunökakwedösa. Ökwöda kwösödi̧danö ja̧köbo Jehu, ja̧danö okobe jwiinö ökwödönö weköbi̧ma, otiwanö da̧ja̧kwakwedösa, —jö̧ba̧lö.

Deuteronomio 20:11

Ja̧danö, yökawaduwiawö̧, yökawaduwaja̧ ösödö, comunidad apjude po̧bebö tjiyawitjö̧ma, kwömöayeduwi batjibanö kwujunaduwodönö, ja̧danö kwömöayedöduwi ja̧nö, weköbaduwi̧danö otidö tjö̧jena.

Josué 10:6

Jejenö tjichiawö̧, Gabaon comunidad jojodöma yöbawadönö wetjinobe, Guilgalnö jo̧ Josuenö yötjawobö, baikwö: —Duluwo̧, ökwödö kwömöayedönö le'dedö lobökönö, juluwanö pjabatö kwicho, yöbawö kwujuninadanö ökwödönö pjabatö kwichobö jo̧be! Jau duluwo̧, okobe deinö amorreo jojodotjö la'aka luwedöma, ko̧ko̧kwö ökwödönö tjujuluwobö mösa'ijutjö tjichajabeta. Ökwödö kwömöayedönö tjujuluwapji jö̧ba̧lö juluwanö pjabatö kwichowe, —jö̧ba̧lö yötjawobö wetjinobe.

Josué 9:11

Jo̧kwajabetjö̧, ja̧ wene a̧ja̧kwajadö, ditebo jojodöbi, duluwedöbi, ökwödönö wetjinobe, baikwö jwiinö ödö dichobö wetjinobe, baikwö: –Kwakwawa kwekachaduwonö kwukwaduwakwa̧ jawa ko̧ko̧dibö, israel jojodö tjö̧jobekwö 'ya̧duwi, ja̧danö ichibö, jobadönö akebaduwo, Isabenö kwömöayedösa, jo̧kwajabetjö̧ ökwödö kwömöayedönö dösölö̧jinö kwö̧jaduwakwa̧ wene yöbawö kwujunaduwo, –jö̧ba̧lö adebobö wetjijatö.

Josué 9:23

Jejenö omöna yöka̧linaduwobetjö̧, ökwödönö lȩebakwawa baikwö yötawaduwakwö, ökwödöma ba̧kwelöjatebö dömöayedöda kwö̧jaduwakwedöja, ja̧danö ba̧kwelöjatebö chuluwo̧ Dios eju jawa imi paböbi, ojwiyo waböbi kwotidaduwakwedöja, —jö̧ba̧lö yöa̧linobe Josuema, sulabenö omöna yöka̧linaduwobe, jö̧ba̧lö.

Josué 9:25

Ja̧danö, babema ökwödöma kwömöayedösa, ökwödönö weköbobö. Jau Josue, Baikwö otiwanö weawa jö̧ba̧lö kwomukwati̧danö, ökwödönö weköbobö jo̧be, jo̧kwajabetjö̧ yöka̧laja̧danö kwömöayedö otidadö badibakwedösa, —jö̧ba̧lö tjatadinobe gabaonitas jojodöma Josuenö.

Josué 9:27

Jobadönö kwabö lobökönö, israel jojodö tjömöayedö batjibanö weinobe, jemi tupakwö, tjuluwedö israel jojodö tjitea imi paböbi, ojwiyo waböbi tjotidobö. Ja̧danö ju'wibi, Isabenö Jo̧ Diosnö iyawöte jawa imibi, ojwiyobi emö tjotidobö, jelobebi, jelobebi Isabenö Jo̧ israel jojodö iyawöte tjotidobö weenama, jobe ja̧ jawa tje'ewobö. Ja̧danö, jejenö weinobetjö̧, babe mölebi baibanö ina ja̧ otidadö tjuju̧kwobe gabaonitas jojodöma.