Josué 9:22 - Dios Iwene

²² Ja̧danö, Josuema gabaonitas jojodönö jwöinobe, ö̧jobekwö tjichobö, ja̧danö tjichibiökwe, Josuema jobadönö abebö a̧ja̧kwinobe, —Tajawedö ökwödönö sulabenö omöna yöka̧linaduwa̧da, –Ökwödöma ditebotjö ödö ja̧dösa, –jö̧ba̧löma? A̧dekwanö ditebonö kwö̧jaduwonö, tajawedö ödö ja̧dösa jö̧ba̧lö omöna yöka̧linaduwa̧da?

Josué 9:22 Iomraidhean Croise

Génesis 29:25

Ja̧danö, ju'wi dewachö Jacobma wiluibö edemi, ¡ayö! bisu Leanöda weajabe, jö̧ba̧lö, edijetö. Ja̧danö, jö̧ba̧lijetö Labánnö: —¿Dakwö ja̧köbaja̧da ötjönöma? Raquelnöda chemobö chotidijatö. ¿Tajawedö jejenö ja̧köbajada? — abebö a̧ja̧kwökwe:

Josué 9:16

Ikenama, gabaonitas jojodö tjewaja̧ ikena, wapötakwa möle baledibajenama, israel jojodöma tjöwaisachibinobe, Jobadöma yöne ju̧kwadötö, jö̧ba̧lö, Ödö ja̧dösa yötja̧linajayonö, bemi nijinöda ju̧kwadötö, jö̧ba̧lö tjöwaisachibinobe.

Josué 9:3

Jo̧kwaijayonö, jobadö jejenö israel jojodökwö tjölakwabikwawobö omukwatö tjö̧jonö, gabaonitas jojodöma wainö ja̧tjobö tjomukwatinobe. Jobadöma Josue Jericonö ju̧kwadönöbi, Hainö ju̧kwadönöbi söbebö loina wene a̧ja̧kwö,

Josué 9:6

Ikenama, ja̧ jawa emajadö, ju'wedöma Josue ö̧jobekwö tji̧'yinobe Guilgalbe, jobadökwö yötja̧lakwawobö. Jobe ichibajadö, Josuenöbi, ju'wedö israel jojodötjö luwedönöbi yötja̧linobe baikwö: —Ökwödö diteboma, jwiinö ödöobe, ja̧danö ökwödö israel jojodökwö, dösölö̧jinö ölakwabikwawökönö dö̧ja̧kwa̧ wene yöbawö dujunobö dösödobe, ökwödöbi, israel jojodöbi bakobe dösölö̧jinö dö̧jakwa̧ wene yöbawö dujunobö, —jö̧ba̧lö yötja̧linobe.