Josué 8:4 - Dios Iwene

⁴ Jobadönö omudawajo̧, Josuema jobadönö weinobe, —A̧ja̧kwaduwitjö, ökwödöma ju̧kwawiyabö Haibe kwi̧'yaduwo, ja̧danö ichibajadö, comunidad o̧pe kwu̧ju̧kwaduwo. Jobe kwu̧ju̧kwaduwakwa̧ma, comunidad yöne kwiteada̧laduwo, ödö labebökönö, ja̧danö jobe ja̧nö eda̧lakwawönö kwiteada̧laduwo, wetenama juluwanö mekibaduwakobetjö̧.

Josué 8:4 Iomraidhean Croise

2 Reyes 7:12

Jobekwö yötjawiökwe, yö̧te ja'ö a̧la̧ibinobe israel la'aka luwo̧ma, ja̧danö iteda ömöayedönö yöa̧linobe: —Ötjöma chöwaisa, Siria jojodö ökwödönö suli̧ tjöwaedobö ja̧tja̧ja̧ma. Jobadöma tjöwaisa, a̧wi̧chi̧ tjöbö dö̧ji̧ma, jo̧kwajabetjö̧ tjabekwelö latjebajabe, meje'yetjö tjuju̧kwawobö, –Du̧kwa tjemotö jö̧ba̧lö comunidadtjö latjebenama, ina 'yaba̧ladönö do̧datakwedösa, ja̧danö comunidad okwa tedachakwedösa, –jö̧ba̧lö. Deobedanö ichejekwijayonö, ju̧kwawö tjö̧jena, —jö̧ba̧lö yöa̧linobe la'aka luwo̧ma.

Hechos 23:21

Chuluwo̧, ökwönö yötawa, jobadöma omöna yöba̧ladö. Cuarentanö jojodötjö o̧penönö ju̧kwawö tjite'ada̧lakobe chöjaba ichobema. Jobadöma Dios öba a'otjö yöbawö juninadö, tju̧kwabi tjukwokobe, owawabi tjowokobe Pablonö kwabö lotjenanö kabatö. Babema ökwö, Jau jo̧banö wetocha, jö̧ka̧loböda tjite'ada̧lobe— yöbawijetö möayo̧ma.

Josué 8:16

Ja̧danö, jejenö dötjibiawö̧, okobe deinö comunidadnö ju̧kwadö ömadönö jwötjinobe, döbibajadönö lubö kwakwatjakwawobö. Ja̧danö, tupakwö döbibajö, Hai comunidad lubadönö ötjibinobe israel jojodöma, comunidadtjö ödö tjichibanö.

Josué 8:3

Weökwe, Josuema Dios weaja̧danö ölakwabikwawa jojodönö öbibö i̧'yinobe. Ja̧danö, ölakwabikwawa jojodötjö treinta milbedö juluwadönö omudawö ujuninobe, yö̧te Hai comunidadbe tji̧'yobö.

Jueces 20:29

Weawö̧, yemidanö Guibeabe tji̧'yinobe, tjölakwabikwawobö. Ja̧danö, ja̧ möle ju'wedönö Guibea comunidad ö'öbö tju̧ju̧kwawobö wetjinobe, Benjamin jojodö latjebaja̧ okobe comunidad tebachö tjujuluwobö.

Jueces 20:33

Ajayinö Guibea comunidad badeibö isa'banö jamatinadöma, tjö̧jinelö labebö, tjökömakwö dötjibajobedanö tji̧'yinobe, Baal Tamar ötjabobe tjichibenanö kabatö. Ja̧danö jobe ichibajadö, yemidanö tjölakwabikwawobö tjöjamatinobe. Jejenö tjökömakwö 'ya̧nö, Benjaminsaso jojodönö ötjibonö, ajayinö ju̧kwawinadöma tjuju̧kwawinelö Guibea comunidadtjö jawo̧ meajobekwötjö labebö comunidad tjujuluwobö metji̧binobe.

Jueces 20:36

Ja̧ möle Benjaminsaso jojodönö tjujuluwinama, baikwö baledinobe. Tjölakwabikwawakwa̧ abönö, badeibö tjölakwabikwawakwedöma tju̧ju̧kwawakwedönö wetjinobe, tjuju̧kwawajelö labebö comunidad tjujuluwenama, comunidad tjujuwobö, imiupjo kaamobe edö, tjo̧wita, babe jalachibö dölakwabikwawo jö̧ba̧lö tjöwaisakobetjö̧. Ja̧danö comunidad badeibö ölakwabikwawadöma ajayinö Benjaminsaso jojodö tjöba a'otjö tjökömakwö tji̧'yinobe, 'da̧batö tjujunajawö̧nö tjo̧'wo tjöwanalobetjö̧, —Isabenö wedaja̧danö comunidad mebibö tjujuluwakwedö, —jö̧ba̧lö. Ja̧danö, ajayinö wetjaja̧danö, ju̧kwawajadöma a̧la̧ibö tju̧ju̧kwawajelö ö'öbakwawö Guibea comunidad metjibinobe, ja̧danö okobe deinö comunidadnö ju̧kwadönö kwabawö lotjinobe. Ikenama, ajayinö yötja̧lakwawinadanö, comunidad tjujuwinobe, imiyupjo nöa'wo kaamobö, tjömöledö edö, jalachibö Benjaminsaso jojodönö metjibakobetjö̧. Ja̧ baledi̧ wajwibö, ajayinö treintabedönö kwabö lotjenama, Benjaminsaso jojodöma tjomukwatinobe, —Ajayinö ölakwabikwawö dujuluwinadanö, yemidanö dujuluwobe, —jö̧ba̧lö. Jo̧kwaijayonö bajaliyanö tjöwaisachibinobe, —Isabenö ökwödönöda tjujuluwakwedö, —jö̧ba̧lö.

Jueces 9:25

Abimelecnö öpöjödö, naukwabidö jobe pjeanö ji̧ mösa'ijube tji̧'yobö wetjinobe, wa̧pekwa'o ju̧kwawö, jobe baledadönö mebibö tjönaukwakobetjö̧. Ja̧danö okobe deinö jobe baledadönö mebibö tjönaukwinobe. Ja̧danö ju'wedöma Abimelecnö yötjawinobe, —Siquen jojodöma tjitebo pjeanö baledadönö tjönaukwobetö, —jö̧ba̧lö.

Jueces 9:32

Jo̧kwajabetjö̧ baikwö ja̧köbobö atebakwö, kwömöayedö ölakwabikwawa jojodönö ko̧ko̧dö, yö̧te kwichaduwo, ja̧danö ichibajadö, batjonö kwu̧ju̧kwawaduwo, jojodönö mekibaduwobö.

1 Samuel 15:2

Baikwö yöawobe Isabenö Jo̧ Okobe Jwiinö Juluwo̧ Diosma: –Damötjö israel jojodö egipto nijitjö labebö, baikwö tjichenama, amalecita jojodöma isabenö sulabenö ja̧tjinobe chömöledö israel jojodönö. Ja̧ sulabenö ja̧tjinama cho̧'wo jwibibö̧kö̧sa, ökwönötjö̧ jobadönö lȩtebocha.

1 Samuel 15:5

Ikenama, jobadönö öbibö, Saulma Amalec comunidad ö'öbö, wabekoemi teada̧lö ö̧jinobö, juluwanö comunidad jojodönö mebibö tjujuluwakobetjö̧.