Josué 8:20 - Dios Iwene

²⁰ Ja̧danö, Hai comunidad ölakwabikwawadöma tjökömakwö jalachibö tjedinobe, tjiteboajama imiu'wo mölejebekwö kaamobe. Jejenö edö, 'daliwanö dö̧libajabe jö̧ba̧lö dötjibajobö jö̧tja̧linobe, jo̧kwaijayonö, waekwinobe. Dötjibajobö jwiinobe, ajayinö tjöba a'otjö döbibajadöma jalachibö lubadönö tjölakwabikwawobetjö̧.

Josué 8:20 Iomraidhean Croise

Génesis 19:28

Sodomakwö Gomorrakwö okobe jwiinö niji ba̧ba̧lawobekwö edemi imiyu'woda nijitjö kaamijetö, isa'wo nöa'wo ubajobedanö.

Diosnö ösödo̧ Job mikwo̧ usula emawina jawa 11:20

Jejenö baledakobe Job, yötawaja̧ otiwanö kwa̧ja̧kwitjö̧ma, jo̧kwaijayonö jejenö baledökakobe, sulabedönöma. Jobadöma tjöbajale tjewawadö batjibanö tjö̧jakwedö, ja̧danö Dios lȩebi̧tjö tjö̧jibobö jwitjakwedö. Jobadöma jwiinö usula tjemawakwedö, –Ökwödöwe, debö di̧'yobe, –jö̧ba̧lö omukwatö tjö̧jenanö, —jö̧ba̧lö yöa̧linobe Zofarma.

Isaías 34:10

Yö̧tebi baledibanö, mölebi baledibanö ubakobe, imiupjo kabatökönö möakwö kaaminö. Ba̧kwelöjatebö suli̧ waekobeda ja̧kobe ja̧ nijima, ja̧danö la'akatjöda jobe tjö̧jökakwedö jojodöma, jobe baledöbi tjöbaledökakwedö.

Josué 8:19

Ja̧danö, jejenö metjibobö i̧sȩbiawö, metji̧botö jö̧ba̧lö ju̧kwawadöma juluwanö ö'öbakwawö, Hai comunidad tetjachinobe, ja̧danö jobe juluwajadö, juluwanö ökwöla tjönötedinobe, comunidad tjujuwobö.

Josué 8:21

Josuebi, ju'wedö israel jojodöbi imiu'wo kaamobe edö, Ida̧ökö comunidad tjujuluwajabe jö̧ba̧lö, tjöwaisachibinobe, ja̧danö jalachibö, Hai comunidad ölakwabikwawadönö metjibinobe.

Apocalipsis 18:9

Chömöledö, ja̧ möle, Babilonia lȩebakwa̧ mölema, böjȩ la'aka luwedöma jwöbeba̧lö tjubudekwabikobe. Jobadö, Babilonianö ju̧kwadö sulabenö tjö̧ji̧danö ja̧döma, ödö ja̧nö, jobema juwö lotjajiawö̧ yelösöda jwöbeba̧lö tjubudekwabikobe. Jobadöma, jobetjö Babilonianö ju̧kwadökwö jwiinö taba̧löji̧ jawa ja̧biabinadöma, ¡Ayö! Dösödi̧ ja̧bö ji̧adinemima juwö lotjajabe, jö̧ba̧lö, jwöbeba̧lö tjubudekwabikwedö.

Apocalipsis 19:3

Diosnö dösödaduwo, Babilonia comunidadtjö imiyu'wo kaami̧ma ba̧kwȩlö̧jatebö kaamobö ja̧obetjö̧, jö̧ba̧lö jwötjeba̧li̧ ökwöi̧ma cha̧ja̧kwijatö.

Jueces 20:40

Tjökömakwö Guibea comunidadtjö imiyu'wo nöa'wo jamatö kaamenama, Benjaminsaso jojodöma jalachibö tjedinobe, —Okobe jwiinö Guibea comundadajama, ubinö imiyu'wo baibanö mölejȩbe kaamobe, —jö̧ba̧lö.

Jueces 20:41

Ja̧danö ju'wedö israel jojodöma jalachibö metji̧benama, Benjaminsaso jojodöma waisachibö yetjaibinobe, —¡Ökwödöwe! Isabenö söbebö lotjakwawö̧sa, —jö̧ba̧lö.