Josué 6:4 - Dios Iwene

⁴ Ja̧danö, jejenö kwekachaduwonö, chiteapjoma, tjö'da̧de pjabatadö tje'ewobö jo̧be, ja̧danö chiteapjo abönö, jelemutjö du̧ju̧taja tjö̧'da̧de pjabatadö trompeta pjubö kwetjachobö jo̧be. Jejenö jelemutjö bakwöta möle baledibanö, ja̧köbaduwobö jo̧be, ikenama jelemutjö dötölaja mölema, tjö̧'da̧de pjabatadö pjubö kwetjachonö, jelemutjö dötölatajanö söpödö kwekachaduwobö ja̧kobe.

Josué 6:4 Iomraidhean Croise

Génesis 2:3

Ja̧ möle, jelemutjö dötölataja mölema omukwatö dösölö̧jinö edö jö̧ba̧lijetö Diosma: —Biya möle, jelemutjö dötölataja mölema inesö möle baibanö chujuna— jö̧ba̧lijetö Diosma, ja̧ mölema iteda otidawatjö ö'wachö kaatakwawina mölȩobetjö̧.

1 Reyes 18:43

Ja̧danö, Eliasma iteda ömöayo̧nö weinobe, —Jwaibalawa lo̧bekwö kwedobö 'ya̧wi, —jö̧ba̧lö. 'Ya̧nö edajo̧, tjebachajö yöawinobe Eliasnö, —Jwia, chedökö, —jö̧ba̧lö yöawinobe. Yöawökwe, yemidanö edö i̧'yobö weinobe, jelemutjö dötölatajanö baibanö.

2 Reyes 5:10

Ichibiökwe, yöbawo̧nö weinobe Eliseoma, Namaannö yöawobö: —Jordan ojwebe 'ya̧wi, ja̧danö jobetjö jelemutjö dötölatajanö kwidichawo. Jemi ikenama, kwi̧sȩdo̧ma yemidanö otiwachibakobe, ja̧danö lepra kwö'wöchi̧tjö otiwanö kwö̧bibajakwo̧ja, —jö̧ba̧lö.

2 Reyes 5:14

Yöa̧lökwe, a̧ja̧kwinobe Naamanma, ja̧danö Jordan ojwe okwa tebachö, Dios yöawi̧ yöbawo̧ weaja̧danö, jelemutjö dötölatajanö u̧bu̧dachinobe. Jemi ikenama, i̧sȩdo̧ma bakwainö otiwachibinobe, tjemu ja'yuwo̧ i̧sȩdo̧ otiwi̧danö, ja̧danö lepra ö'wöchi̧ jwiinobe.

Diosnö ösödo̧ Job mikwo̧ usula emawina jawa 42:8

Jo̧kwajabetjö̧, ökwödönö dameakwö lȩtebapji jö̧ba̧lö, baikwö wetaduwakwö: Jelemutjö du̧ju̧taja pa̧ka̧yadö ömadönöbi, jelemutjö du̧ju̧taja obejadö ömadönöbi emajadö, chömöayo̧ Job ö̧jobekwö öbibö kwi̧'yaduwo, ja̧danö ichibajadö, jwiinö ubinö iyawa baibanö kwabö juwö kwiyaduwotjö. Jejenö kwiyaduwenama, chömöayo̧ Jobma ötjönö aebakobe ökwödönö, ökwödönö lȩtebapji jö̧ba̧lö, jadanö Job aebaja̧ cha̧ja̧kwakwo̧sa. Jau Elifaz, Job jweinö ötjönö yöa̧li̧danö yöba̧lökönö, ökwödöma isabenö wajwibö sulabenö yöka̧laduwajabe ötjönö, ja̧danö jejenö sulabenö yöka̧laduwi̧tjö̧, isabenö ökwödönö lȩtebobö jo̧be, jo̧kwaijayonö wetaja̧danö iyawa kwiyaduwaja̧ ikena Job ötjönö aebitjö̧ma, a̧ja̧kwö lȩlöjinö chedakwo̧sa ökwödönö, —jö̧ba̧lö weinobe Diosma.

Isaías 27:13

Jau, ja̧ möle badekwachenama, trompeta labinö ökwöakobe, ja̧danö israel jojodötjö jobe ju̧kwadöma tjitebobe israel nijibe tjetjachajakwedö. Jau, Dios lȩebajawö̧, ba̧jȩkwadö Asiria nijitjö tjile'dewakwedö israel jojodöma, ja̧danö ju'wedönö a'dewö loakobe, Egipto nijibe. Jo̧kwaijayonö ja̧ möle badekwachenama, ditebobe tjetjachajakwedö, ja̧danö tjebachajadö, Dios itea'o mösa'obe, Jerusalen comunidadbe tjichibakwedö, jobetjö Isabenö Jo̧ Diosnö tjösödakobetjö̧.

Josué 6:13

Ja̧danö jelemutjö du̧ju̧taja tjö̧'da̧de pjabatadöma, trompeta e'ewö, Isabenö Jo̧ iteapjo abönö kabatökönö pjubö kwetjachinobe. Ja̧danö kabatökönö pjutjonö, ölakwabikwawa jojodöma tjabönö kwetjachinobe, ja̧danö Isabenö Jo̧ iteapjo ökömanö, ökömakwö teada̧ladö ölakwabikwawa jojodö kwetjachinobe.

Josué 6:3

Baikwö yötawakwö jobadönö kwujuluwaduwakwa̧ma: Okobe deinö ökwödö ölakwabikwawa jojodöma, comunidad bakwötanö söpödö kwekachaduwo. Jejenö jelemutjö bakwöta möle baledibanö, bakwöta mölekwena, bakwötanö söpödö kwekachaduwakwedöja.

Josué 6:5

Ja̧danö jelemutjö dötölatajanö söpödö kwebachajadö, tjö̧'da̧de pjabatadö labinö pjutjakobe, tjowita jö̧ba̧lö. Ja̧danö, jejenö tjo̧wita jö̧ba̧lö pjutjenama, okobe deinö jojodöma labinö ökwöinö jwötjeba̧lakobe, ja̧danö jejenö jwötjeba̧lenama, comunidad tjöekwemima nijakwö meakobe, ja̧danö okobe deinö ölakwabikwawadöma jweinö comunidad tetjachakwedö, Jerico jojodönö tjujuluwobö. Apjudebenö tebachökönö, tjöekwemi ja̧jemibenö jweinö tebachö tjölakwabikwawakwedö, —jö̧ba̧lö yöawinobe Isabenö Jo̧ma Josuenö.

Apocalipsis 1:20

Ja̧danö, biya̧ babeda wajwiköbi̧ kwedi̧ma labebö lotakwö, kwöwaisachibanö: Bidö si̧li̧'i̧dönö jelemutjö du̧ju̧tajanö chömamunö do̧ta̧lawö̧ma, jelemutjö du̧ju̧tajanö Dios ömöledö babibinadötjö la'aka luwedönö wanekwachobe, jelemutjö dötölatajanö tjuju̧kwitenia ju̧kwadönö. Ja̧danö, biya̧ jelemutjö do'do̧latajanö la̧pa̧la̧yu̧bi̧ya junawa o'di̧juma wanekwachobe ötjönö ösödadönö, jelemutjö dötölatajanö ko̧ko̧kwa̧lö ba̧nö tjuju̧kwitenia ju̧kwadönö— chedökwema jejenö yöawijatö ötjönöma.

Apocalipsis 1:4

Ötjö, Juan, böja kwialusöjama wȩyudö weta Asianö ju̧kwadönö, Jesúsnö ösödö ko̧ko̧kwa̧lö ba̧jadönöma, jelemutjö dötölatajanö ko̧ko̧kwa̧lö ba̧nö tjuju̧kwitenia. Chömöledö, Diosma ökwödönö lȩlö̧jino edobö chösöda. Ja̧danö, Diosma ökwödönö pjaatobö chösöda, kwo̧'wo̧ luwo̧duwi ösöwachibanö kwö̧jaduwobö. Jo̧bama babe jo̧bi, la'akatjöda ji̧nabi, 'dö̧ibajenanö baibanö ö̧jakwo̧bi. Ja̧danö chömöledö, Dios O̧'wo̧ Luwo̧ma ökwödönö lȩlö̧jino edobö chösöda. Jo̧bama, Dios ö̧bemi abönö bo̧. Ja̧danö, jo̧bama jelemutjö dötölataja ujulu jawa juna̧lo̧, Dios O̧'wo̧ Luwo̧ma.

Apocalipsis 10:3

Ja̧danö, jo̧ba jwöi̧ma labinö, didiba jwöi̧ ökwöi̧danö cha̧ja̧kwijatö. Ja̧danö, jwöawö̧ma jelemutjö du̧ju̧tajanö böbadö tjökwödi̧danö tjatadobe cha̧ja̧kwijatö.

Apocalipsis 15:1

Ja̧danö, ju'wi i̧sekwi̧ma mölejȩtjö chedijatö. Edinö chöbajale jalaka babibö, ¡Ayö! jö̧ba̧lö, cheda̧lijatö. Ja̧danö, ángelesdönö, jelemutjö du̧ju̧tajanö chedijatö. Jobadöma ju'winö baledakwa̧ jawa juna̧ladö, jelemutjö dötölataja jawa, jojodönö inia tjötjinö baledakwa̧ jawama. Ja̧ inia tjötji̧ baledakwa̧, Dios ölabi̧ 'dö̧ibaji̧ jawama.

Apocalipsis 15:7

Ikenama tjöbajalebiya a̧tja̧bayedöda ju̧kwawö̧tjö bakwo̧, dȩja̧'di̧ju, orotjö otikwa o'di̧ju ángelesdö jelemutjö du̧ju̧tajanöbedönö, bakwo̧nökwena iyabobe chedijatö. Ja̧ o̧'di̧ju okwama, Ba̧kwȩlö̧jatebö Jo̧ Dios jwiinö ölabi̧ a̧ji̧.

Apocalipsis 16:1

Ikenama Dios ejutjö iwene cha̧ja̧kwijatö, labinö yöa̧li̧ma, jejutjö labebajadö ángelesdö, jelemutjö du̧ju̧tajanöbedönö webö: —Böjȩkwö 'ya̧duwi, dȩja̧'di̧ju okwa a̧ji̧ jawa nijibe sa̧sa̧köbaduwo, Dios jwiinö ölabi̧ ji̧ma— weobe cha̧ja̧kwijatö.

Apocalipsis 5:1

Ikenama, jobe, inesö ba̧kwawakanö bo̧nö chedemi, ömamu öwaisobekwöchobesamunö ösöja wȩyukwöja do̧ba̧lo̧nö chedijatö, 'bo̧datakwawöja. Jöjama wamekwöchobebi okwakwöchobebi wȩyukwöja. Ja̧danö, tö'awa ö'be pöekwöja, jelemutjö dö'belatajanö pöekwobe chedijatö.

Apocalipsis 5:6

Jemi ikenama, Obeja Itji̧danö Jo̧nö chedijatö, inesö ba̧kwawaka badeibö jo̧nö. Ja̧danö, tjöbajalebiya a̧tja̧bayedöda ju̧kwawö̧ Obeja Itji̧danö Jo̧ ö̧jena i̧sȩko̧nö tjö̧jijatö. Ja̧danö, damö la'aka luwedöbi, veinticuatronö, jo̧ba ö̧jena i̧sȩko̧nö tjö̧jijatö. Jo̧ba Obeja Itji̧danö Jo̧ma 'yaba̧lo̧ ö̧jijayonö tibatö lobawo̧danö ö̧jijatö. Jo̧bama ö'yekiya juna̧lo̧, jelemutjö dökölataja jawa ö'yekiya. Ja̧danö, öbajalebiyabi jelemutjö dölelatajanö ju̧kwökwe. Jejenö öbajalebiya jelemutjö dölelatajanö Dios O̧'wo̧ Luwo̧ okobe jwiinö ujulu i̧sebi̧ wanekwachobe, böjȩ bakwameachibanö ujulu i̧sebi̧ma.

Apocalipsis 8:2

Jemi ikenama chedijatö ángelesdönö, jelemutjö du̧ju̧tajanö, Dios öba a'o ju̧kwadönö. Jobadönö iyabobe chedijatö, bakwo̧nökwena, pjuawa onu, trompeta mikwi̧.

Apocalipsis 8:6

Ikenama ángelesdö jelemutjö du̧ju̧tajanö, trompeta iyajawö̧ma ida̧ökö, trompeta pjutjobö tjö̧jobe chedijatö.