Josué 6:19 - Dios Iwene

¹⁹ Jo̧kwajabetjö̧ okobe jwiinö bemi comunidad teama, söbebö loköbaduwo. Jo̧kwaijayonö okobe jwiinö plata jawabi, oro jawabi, okobe jwiinö broncetjöbi, 'dii jawatjöbi otikwa dȩja̧piyama, Isabenö Jo̧ itea baibanö 'da̧batö kwujunaduwo. Ja̧danö, 'da̧batö junajadö, Isabenö Jo̧ ejutjö ju'wi nöinö mikwawi̧ jawakwö dödakobe, —jö̧ba̧lö weinobe Josuema.

Josué 6:19 Iomraidhean Croise

2 Samuel 8:11

Jejenö tjiyiökwe, La'aka luwo̧ Davidma ja̧ tjiyaja̧ 'da̧batö ujuninobe, Isabenö Jo̧nö iyawa jawa jö̧ba̧lö, ju'wi 'da̧batö ujunina jawakwö. Ba̧kwelöjatebö ju'wedö tjitebo jojodönö ujuluwenama, Davidma tjitea platatjöbi, orotjöbi 'da̧batö ujuninobe, Isabenö Jo̧nö iyawa baibanö,

1 Reyes 14:26

Ja̧danö, juluwajo̧, Isabenö Jo̧ ejunö ji̧ mikwawi̧ jawabi, la'aka luwo̧ Roboan ejunö ji̧ mikwawi̧ jawabi 'döbebö eminobe. Okobe jwiinö jobe ji̧ mikwawi̧ jawa 'döbebö eminobe Sisacma, Salomon otidina tjöekwapibiya, orotjö otikwapibi eminobe.

1 Reyes 7:51

Ja̧danö, Isabenö Jo̧ eju otidö kabatajo̧, Dios itea baibanö iteda abe'do David 'da̧batö ujunina jawa, Isabenö Jo̧ ejutjö nöinö mikwawi̧ jawa junawemi okwa pjolatö teatinobe, platatjö otikwa jawabi, orotjö otikwa jawabi, ju'wi jawa abe'do 'da̧batö ujunina jawabi.

2 Reyes 24:13

Ju'wibi okobe jwiinö Isabenö Jo̧ ejunö ji̧ mikwawi̧ jawa 'döebinobe, ja̧danö okobe jwiinö la'aka luwo̧ ejunö ji̧ mikwawi̧ jawabi 'döebinobe, ja̧danö 'döbebajo̧ iteda itebobe e'ewinobe Nabucodonosorma. Jobekwö Isabenö Jo̧ ajayinö baledakwa̧ yöawinadanö, okobe jwiinö Isabenö Jo̧ eju jawa baibanö Salomon orotjö otidina jawama, Nabucodonosor 'döbebö eminobe.

1 Crónicas 18:11

Jejenö tjiyiökwe, La'aka luwo̧ Davidma ja̧ tjiyaja̧ 'da̧batö ujuninobe, Isabenö Jo̧nö iyawa jawa jö̧ba̧lö, ju'wi 'da̧batö ujunina jawakwö. Ba̧kwelöjatebö ju'wedö tjitebo jojodönö ujuluwenama, Davidma tjitea platatjöbi, orotjöbi 'da̧batö ujuninobe, Isabenö Jo̧nö iyawa baibanö, Edom nijitjö do̧ataja̧bi, Moab nijitjö do̧ataja̧bi, amonitas jojodötjö do̧ataja̧bi, filisteo jojodötjö do̧ataja̧bi, amalecita jojodötjö do̧ataja̧bi.

1 Crónicas 26:20

Ja̧danö tjömöledö Levisaso jojodötjö ju'wedöma Dios eju mikwawi̧ jawabi, jojodö Diosnö tjiyi̧ jawabi teada̧lakwawa jojodö tjö̧jinobe.

1 Crónicas 26:26

Ja̧danö Selomotbi, ju'wedö ömöledöbi Isabenö Jo̧ itea baibanö tjiyina jawa teada̧lakwawa luwedö tjö̧jinobe, la'aka luwo̧ David iyina jawabi, israel jojodötjö sasokwena luwedö tjiyina jawabi, ölakwabikwawa luwedö tjiyina jawabi, ju'wedö luwedö tjiyina jawabi.

1 Crónicas 26:27

Ja̧ ölakwabikwawa jojodö tjiyina labebö loawa baikwö laebobe: Israel jojodö tjöpöjojodökwö ölakwabikwawö tjujuluwenama, tjöpöjojodö tjiteaja̧ 'dötjebinobe, ja̧danö ja̧ 'dötjebaja̧ jawatjö 'da̧batö tjujuninobe, ja̧ tjiyaja̧ jawatjö Isabenö Jo̧ eju 'yayinö otikwa tjotidakobetjö̧.

1 Crónicas 26:28

Ja̧danö, Dios yöawi̧ yöbawina Samuelbi, la'aka luwo̧ Saulbi, ölakwabikwawa luwo̧ Abnerbi, ölakwabikwawa luwo̧ Joabbi ajayinö Dios itea baibanö tjiteatjö 'da̧batö tjiyinobe. Ja̧danö, ja̧ tjiyaja̧bi, ju'wedö jojodö tjiyaja̧bi teada̧lakwawa luwedö tjö̧jinobe, Selomotbi, ömöledöbi.

1 Crónicas 28:12

Davidma ida̧ökö omukwatinobe, —Dios eju bejenö dotiditjö̧ma, otiwo jö̧a̧lena, —jö̧ba̧lö, ja̧danö okobe jwiinö ja̧ omukwatina jawa wȩyukwa'ye itji̧ Salomonnö iyinobe, Isabenö Jo̧ eju a̧petu jawabi, ö'öböseju ȩkiju jawabi, Dios eju mikwawi̧ jawa lödawȩko jawabi, jojodö tjiyi̧ jawa lödawȩko jawabi.

Mateo 27:6

Ö'weje pjabatadö la'aka tjuluwedöma Judas loaja̧ balada ko̧ko̧dö emö yötja̧lakwawinobe: —Biya̧ baladama, ¿dakwö ja̧dakwa̧da? Biya̧ baladama jojonö kwabö lotjobö midawa baladaobetjö̧, Dios eju jawa balada baibanö diyobö jwiobe, Moisés iwȩyudina jejenö laebokobetjö̧. Jo̧kwajabetjö̧ ¿dakwö ja̧dakwa̧da?— jö̧ba̧lö.

Marcos 12:41

Ikenama Jesúsma, Dios eju okwa balada iyawapjo jemi badeibö ba̧nö eda̧lijetö jojodönö, balada tjanobe. Ja̧danö, ba̧jekwadö tea juna̧ladö nöinö balada tjanobe eda̧lijetö.

Josué 7:11

Babe wene kwöbaledaduwi̧ma, israel jojodö jawa, wetina tja̧ja̧kwinokobetjö̧. Jau, belö yötawijatö, söbebö loköbaduwobö wetaja̧ma emökönaduwi, kwemaduwitjö̧ma ökwödönö lȩekwa baibanö kwemaduwena, jö̧ba̧lö. Jo̧kwaijayonö, jejenö wetina a̧ja̧kwökönö, söbebö lotjobö wetina jawa tjemajabe. Ja̧ jawa naukwöbi, omöna yöba̧löbi tjemajabe, ja̧danö idöda tjiteakwö tjödajabe.