Josué 6:14 - Dios Iwene

¹⁴ Ja̧danö ja̧ dötölataja mölebi, ajayi möle ja̧tjinadanö bakwötanö söpödibajadö, tjabakwemibe tjȩwa̧jinobe. Jejenö jelemutjö bakwöta möle baledibanö ja̧tjinobe.

Josué 6:14 Iomraidhean Croise

Josué 6:11

Jejenö ja̧ möle Isabenö Jo̧ iteapjo bakwötanö comunidad söpödö kwetjatobö weinobe. Ja̧danö, bakwötanö söpödibajadö, tjabakwemibe tjȩwa̧bijinobe, ja̧danö jobe yöte tjabinobe.

Josué 6:13

Ja̧danö jelemutjö du̧ju̧taja tjö̧'da̧de pjabatadöma, trompeta e'ewö, Isabenö Jo̧ iteapjo abönö kabatökönö pjubö kwetjachinobe. Ja̧danö kabatökönö pjutjonö, ölakwabikwawa jojodöma tjabönö kwetjachinobe, ja̧danö Isabenö Jo̧ iteapjo ökömanö, ökömakwö teada̧ladö ölakwabikwawa jojodö kwetjachinobe.

Josué 6:15

Ikenama, jelemutjö dötölataja möle dewachenama, ina yȩayi a̧la̧ibö, ajayinö kwetjachinadanö söpödö kwetjachinobe. Jo̧kwaijayonö ja̧ mölema, bakwötanödama söpödö kwetjachinokobe, jelemutjö dötölatajanö söpödö kwetjachinobe. Ja̧ möle jelemutjö dötölataja möleda jelemutjö dötölatajanö söpödö kwetjachinobe.

Josué 6:3

Baikwö yötawakwö jobadönö kwujuluwaduwakwa̧ma: Okobe deinö ökwödö ölakwabikwawa jojodöma, comunidad bakwötanö söpödö kwekachaduwo. Jejenö jelemutjö bakwöta möle baledibanö, bakwöta mölekwena, bakwötanö söpödö kwekachaduwakwedöja.