Josué 5:4 - Dios Iwene

⁴ Ja̧ Josue 'wibebö loobö ji̧na labebö loawama, baikwö laebobe. Ajayinö israel jojodö Egipto nijitjö latjebenama, ja̧ möle ju̧kwadö israel jojodötjö ömadönö tjötade bajalesa̧diju 'wibekwö lobajadö tjö̧jinobe. Jo̧kwaijayonö, okobe deinö ja̧ möle 'wibekwö lobajadöma, tjölakwabikwawobö juluwadöma, jojodö deobe janö, debö tji̧'yinobe, Egipto nijitjö latjebaja̧ ikenama.

Josué 5:4 Iomraidhean Croise

1 Corintios 10:5

Jo̧kwaijayonö, okobe deinö jejenö bakobe tjöbaledinajayonö, jobadötjö ba̧jekwadönö ödameakwinobe Diosma chömöledö. Ja̧danö, jojodö deobetjö Diosma jobadönö kwabö loinobe.

Deuteronomio 2:14

Ja̧danö, Cades Barneatjö ladebinelö, Zered ojwe pedibenanö baibanö, treinta y ocho o̧biya baledinobe. Ojwe pedibakwa̧ abönö, lekwe möle kwebachö dö̧jijatö, okobe deinö ökwödö israel jojodötjö ajayinö ji̧nadö ölakwabikwawa jojodöma debö tji̧'yenanö kabatö. Ja̧ debö tji̧'yi̧ma, canaan niji tetjachobö tjöpöjödiökwe Isabenö Jo̧ ajayinö jobadönö yöbawö ujuninadanö badekwachinobe, –Yötawi̧ tjöpöjödobetjö̧, okobe deinö chiyakwa̧ niji tebachökönö debö tji̧'yakwedö, –jö̧ba̧lö yöbawö ujuninadanö.

Deuteronomio 2:16

—Jemi ikenama, okobe deinö jobadö ajayinö nijibe tjichibena ölakwabikwawa jojodö ji̧nadö debö tji̧'yaja̧ ikenama,

Josué 5:3

Weökwe, weaja̧danö Josuema pedernal ötjabawatjö i̧sa̧pi̧danö otidö, tjötade bajalesa̧diju 'wibebö lotjobö weinobe israel jojodönö, ja̧danö jobe mösa'o ja'yuwa'otjö 'wibebö lotjinobe. Ja̧danö, jejenö ja'otjö 'wibekwö lotjinobetjö, babema ja'o mösa'oma 'wibekwö loawa'o jö̧ba̧lö mikwobe.

Josué 5:5

Ja̧danö, okobe deinö Egipto nijitjö labebajadöma 'wibekwö lobajadö tjö̧jinajayonö, kwebachö tjö̧jonö tjitji̧munö tjeminawö̧ma, ina 'wibebö lobawöködö tjö̧jinobe.