Josué 5:13 - Dios Iwene

¹³ Ja̧danö, Josuema Jerico comunidad yöne ö̧jena, möakwö edemi ipjeanö bakwo̧nö edinobe, ömamunö kwölöte'o do̧ba̧lo̧nö. Jo̧banö edö, ö̧jobekwö 'ya̧nö abebö a̧ja̧kwinobe Josuema, —¿Ökwöma didöso̧köba? Ökwöma ökwödö israel jojodötjö ölakwabikwawa jojoköbiji̧? Döpöjojoköbiji̧? Yöbawitjö, —jö̧ba̧lö.

Josué 5:13 Iomraidhean Croise

Génesis 18:1

Ju'wi möle Abrahamma, Mamre itebonö ja̧nö, i̧sa̧do̧ debatö otidineju apjude a'o bi̧jetö, towi nöowi jena. Jenada bi̧jetö, ja̧wo̧ wöatena. Jena ö̧bena Isabenö Jo̧ Diosma öwawachijetö jo̧banöma. Baikwö baledijetö:

Génesis 18:2

Abrahamma jobe apjude a'o ba̧nö, edemi omönanö ömadö wa̧medukwa ji̧jadötö, jo̧ba ö̧bemi badeibö. Jobadönö edö omönanö a̧laibö jobadö tjö̧jobekwö 'ya̧wibö u̧yu̧jukijunö bamatö öba bȩbachibijetö nijakwö uunö, chuluwedö, jö̧ba̧lö.

Génesis 28:16

Ikenama Jacobma wiluibö omukwatijetö ¡ayö! Isabenö Jo̧ Diosma benada ö̧jijayonö wajwitatö, jö̧ba̧lö.

Génesis 33:1

Jacobma jelö labebajo̧ma ömöledökwö yemidanö ji̧jetö. Ikenama edemi ¡tjo̧wi̧ icha! jö̧ba̧lö edijetö Esaúnö, ömöayedö cuatrocientos jojodökwö ichobe. Tjichiökwe i̧tji̧munö idöda tjojo'dokwena tjöjamatobö junijetö, Lea jitji̧mu̧ma Leakwö, ja̧danö Raquel ji̧tji̧mu Raquelkwö, ja̧danö ömöayedö tji̧tji̧mu tjojo'dokwenakwö.

Génesis 33:5

Ikenama, Esaúma okobe deinö ya̧dönö, tjemunö edö abebö a̧jakwijetö öjawo̧nöma: —Bidöma ¿didöjayedöda?— abebö a̧ja̧kwökwe: —Bidöma chi̧tji̧mu, Dios ötjönö lȩlö̧jinö edö iyinawö̧ ötjönö, kwömöayo̧nö— atadijetö Jacobma.

1 Crónicas 12:22

Mölekwena ju'wedöbi, ju'wedöbi Davidkwö babibö, ömöayedö batjibinobe. Isabenö ba̧jȩkwadö Davidkwö batjibinobe, ömöayedö ölakwabikwawa jojodöma ba̧jȩkwaso, Dios ömöayedö ölakwabikwawaso ba̧jȩkwi̧danö tjö̧ba̧jȩkwenanö.

1 Crónicas 21:27

Ja̧danö Isabenö Jo̧ma kwabawö lobo̧ angelnö weinobe, ja̧danö weökwe, kwölöte'o anawatjo okwa yutebö aninobe, tjowita, jö̧ba̧lö.

1 Crónicas 21:30

jo̧kwaijayonö jobe i̧'yinokobe Davidma, jobetjö Diosnö aebakobetjö̧. Jau, Isabenö Jo̧ ömöayo̧ kwabawö lobo̧ kwölöte'onö do̧ba̧lo̧nö edenama, jwiinö yeaibinobe Davidma, ja̧danö ödöiökwe, Gabaonbe 'yö̧könö, jobe Arauna itea nijitjöda kwabö juwö iyinobe Diosnö.

Éxodo 23:23

Ja̧danö, wetökwe ángelso̧ma, kwabönöduwi 'yo̧ma ju'wedö tjiteboduwi tebachö öibakwo̧, Amorreo jojodö tjitebonö, heteo jojodö tjitebonö, ferezeo jojodö tjitebonö, cananeo jojodö tjitebonö, heveo jojodö tjitebonö, jebuseo jojodö tjitebonö. Ötjöma okobe deinö jobadönöma jwiinö söbebö lotakwo̧sa.

Daniel 10:5

Ja̧danö, möakwö chedemi, bakwo̧nö chedijatö, jwiinö otiwado̧ dewado̧ 'dubawo̧nö, ödölö̧'anö coleasö̧jȩ bakwai̧ orotjö otikwöjȩ nönawo̧nö chedijatö.

Daniel 8:3

Ja̧danö, jobe ja̧nö möakwö chedijatö, ja̧danö obejaso̧ nöbo̧nö chedijatö, ojwe ö'öbö jo̧nö. Jo̧ba obejaso̧ma, i'yeka dökalataja ujuna̧linobe, nöakama, jo̧kwaijayonö bakwakama jelekatjö bajalekwönönö ödöaka ji̧nobe. Ja̧kama jeleka laebaja̧ ikena laebijayonö, ajayi laebaja̧katjö bajalekwönönö ödöaka baibanö laebinobe.

Hechos 1:10

Ikenama ina, Jesús öba̧ja̧di̧ waisachadöma mölejȩkwö tjeda̧lonö ju'wedö ömadö du̧ju̧taja öwawachö jamatijadötö tjipjeanö, tjökamisi dewi̧ 'dubawadö.

Josué 6:2

Ja̧danö, Isabenö Jo̧ma Josuenö yöawinobe, —Baikwö yötawakwö Josue, Jerico comunidad kwujuluwaduwobö chiyobe, la'aka luwo̧nöbi, okobe deinö ömöayedötjö inesö juluwadö ölakwabikwawa jojodönöbi kwujuluwobö chiyobe.

Apocalipsis 1:13

Ja̧danö, la̧pa̧la̧yu̧bi̧ya junawa o'di̧ju 'da̧detjö bakwo̧nö chedijatö, jojodajajo̧nö. Jo̧bama kamijido̧ ödöado̧ 'dubawo̧. Ja̧do̧ wamema, omukonö kamijido̧ duwapjaado̧, orodanö ichekwado̧ di̧batakwawo̧.

Jueces 13:11

Yöjawökwe, ilekwokwö i̧'yinobe Manoama, ja̧danö öba a'o ichibö abebö a̧ja̧kwinobe, —Ökwöma belö bisu chilekwonö yöbawinaköbiji̧? —jö̧ba̧lö. Aebökwe, —Jau, ötjödasa, —atadinobe.

Jueces 13:22

Ja̧danö waisachibajo̧, Manoama ilekwonö yöa̧linobe, —¡Ayö, ökwödöwe! Isabenö ö'wö badibakwedösa, Diosnöda dedajobetjö̧, —jö̧ba̧lö.