Josué 5:12 - Dios Iwene

¹² Ja̧danö, ida̧ökö tjitebo jawa kwakwawa tjukwobö jo̧betjö̧, mölejebetjö tjoduwi̧ kwakwawa Mana ötjabi̧ kwakwawama tjoduwö kaatinobe. Jemi ikena mölebi, tupakwöbi la'akatjöda tjoduwinokobe ja̧ Mana ötjabi̧ kwakwawama, ja̧danö ja̧ kwökönö, canaan niji jawa batjo wa̧ji̧da tjukwinobe.

Josué 5:12 Iomraidhean Croise

Éxodo 16:35

Ja̧danö, Israel jojodöma lekwe möle, cuarenta o̧bi̧ya̧ baledibanö mölekwena kwiabijadötö ja̧ kwakwawa, maná mikwi̧ma, jojodö tjuju̧kwobekwö, Canaán niji ö'öbö tjichibenanö kabatö.

Proverbios 13:22

Ja̧danö, ju'wibi yötawa: Otiwanö omukwato̧ma debö i̧'yakwa̧ abönö balada ujunibakwa̧ yöbawo̧, ö'dö̧dö tjȩmakwa̧ baladama. Jobekwömakö sulabenö omukwato̧ baladama. Sulabenö omukwato̧ma debö i̧'yaja̧ ikena jo̧ba u̧kwa baladama Dios wei̧ a̧ja̧kwadöda emibadö.

Juan 4:38

Ja̧danö, ötjöma ökwödönö wetijatö jojodönö ökibaduwobö Dioskwö tjichibanö. Jobadö ökibaduwawö̧nöma, ajayinö yökawaduwinokobe Dios jawama. Ju'wedöda yötjawinobe. Jejenö ökwödöma, ajayinö yöbawinadökwö bakobe pjabatö kwotidaduwobe— yöawinobe Jesúsma iteda öba̧ja̧di̧ waisachadönö.

Josué 5:11

Ja̧danö jejenö Dios mönö öbaledina omukwatakwawa ba'ali tjukwaja̧ ikena mölema, i̧ya̧da möle jamatö tjukwinobe ja̧ niji pokwi̧ma. Ja̧ möle, batjo waji̧tjö, ye'yeachi̧ jawa jwii̧ pan tjukwinobe, ja̧danö trigo balawa tjukwinobe.