Josué 4:18 - Dios Iwene

¹⁸ Weawö̧, Isabenö Jo̧ iteapjo, jo̧bakwö israel jojodökwö yöbawö junawa i̧sȩkwapjo e'ewadö tjö̧'da̧de pjabatadöma, weaja̧danö ojwe ö'wejetjö latjebinobe. Ja̧danö, ojwetjö labebö, ö'öbö kököo jö̧a̧lemibe tjömasapiyanö tjö̧jatenama, Jordan ojwema juluwanö yemidanö isuwö lamatinobe, ja̧danö ajayinö ja̧ja̧danö, yemidanö su̧'bȩ babibö welachibanö okwatibinobe.

Josué 4:18 Iomraidhean Croise

1 Crónicas 12:15

Jobadö tjujulu tji̧sȩbina wene baikwö laebobe: Bakwötanö o̧ba ajayi jawo̧nö, Jordan ojwe okwatibayi, jobadöma ojwe pjetjibinobe, ja̧danö okobe deinö jobe ju̧kwadö tjöpöjojodönö a'dewö lotjinobe, jawo̧ laebobekwö ju̧kwadönöbi, jawo̧ meajobekwö ju̧kwadönöbi.

Josué 3:15

Ja̧ mölema, batjo wa̧ji̧ emajitja mölȩ, ojwe ba̧kwelöjatebö okwatajiyena, ja̧danö ojwema okwatajiya bajalekwönönö jwiinö su̧'bȩ baibanö okwatinobe. Jo̧kwaijayonö, jwiinö okwatijayonö, isapjo e'ewadö tjö̧'da̧de pjabatadö tjömasapiya ojwenö tjö̧jatenama,

Josué 4:11

Ja̧danö okobe deinö israel jojodötjö tjöbaledakwedö tjöbaledaja̧ ikenama, bajaliyanö tjö̧'da̧de pjabatadöma Isabenö Jo̧ iteapjo e'ewö, ojwe ö'wejetjö labebö, jojodö tjöba a'o tjöbaledinobe.

Josué 4:17

Weökwe, Josuema tjö̧'da̧de pjabatadönö weinobe, —Tjowita, Jordan ojwetjö labebaduwi, —jö̧ba̧lö.

Josué 4:19

Ja̧ möle jejenö baledina mölema, ajayi jawo̧tjö domulataja jawa möle baledinobe. Ja̧danö, ojwe baledajadö, Guilgal ötjabobe tjabakwemi tjujuninobe, jobe tjabekwobö. Jobe Guilgalma, Jerico comunidad ö'öbö jo̧be, jawo̧ laebobekwö.