Josué 4:10 - Dios Iwene

¹⁰ Diostjö jojodötjö tjö̧'da̧de pjabatadö isapjo e'ewadöma, jobe ojwe ö'weje ja̧nö tjiteada̧linobe, okobe jwiinö Josue weaja̧danö israel jojodö katjatakwawenanö kabatö. Isabenö Jo̧ma Josuenö weinobe israel jojodönö yöawakwa̧ma, ja̧danö ina 'yaa̧layi, Moisesma Josuenö weinobe, tjöbaledena ja̧tja̧kwa̧ma, ja̧danö okobe jwiinö ja̧ jawa katjatakwawenanö kabatö, Dios iteapjo e'ewadöma jobe ojwe ö'wejenö ja̧nö tjiteada̧linobe. Ja̧ möle baledina, baikwö laebobe. Israel jojodöma juluwanö tjöbaledinobe.

Josué 4:10 Iomraidhean Croise

Éxodo 12:39

'Ya̧jadöma ja'ö ö'wachö pansa'be tje'ewaja̧'be, 'ye'yeachi̧ pjaatakwawökö'betjö, panpja̧ söbijadötö. Egiptotjö te'ada̧lökönö latjebobö a'dewö lotjajabetjö̧ kwakwawa tjukwakwa̧ma otidijöködötö latjebakwa̧ abönöma, sule pan otikwa'be 'ye'yeachi̧ pjaatakwawökö'beda e'ewijadötö.

Proverbios 27:1

Bemi tupakwö laebakwa̧ma inesö la'aka luwo̧ Ezequías ömöayedöma ju'wi Salomón iwȩyudina eda̧lö tjiwȩyudina, Salomón woinobe okobe lekwinemi. Ja̧ tjiwȩyudinama baikwö laebobe, Salomón yöawina: Chömöledö, Diosda itekwayi baledakwa̧ waiso̧ma. Jo̧kwaobetjö̧ ökwödöma ¿dakwö yöka̧laduwobö, itekwayi chi̧'yocha, jö̧ba̧lö, ja̧danö itekwayi chotidocha, jö̧ba̧lö. Ökwödöma babe mö̧lȩtjö̧ itekwayi baledakwa̧ma wajwibadöja. Ja̧danö wajwiköbaduwobetjö̧ jobekwö yöka̧laduwoko itekwayi kwi̧'yaduwakwa̧, ja̧danö itekwayi kwotidaduwakwa̧. Diosda itekwayi baledakwa̧ waiso̧ma.

Isaías 28:16

Ötjö Isabenö Jo̧ma baikwö yötawaduwakwö: Jerusalen mösa'o Sion mikwa'onö inawa chödocha, –Isabenö otiwawa, –jö̧ba̧lö badedö chedinawama. Jawa, o̧do la'aka baibanö, ajayinö lödawawa nöinö mikwawawa baibanö chödocha, o̧do la'aka 'diinö jakobetjö̧. Ja̧danö jawa ösödadöma, –Dakwö jatakwajö, –jö̧ba̧löma omukwatö tjö̧jökakwedö.

Deuteronomio 31:9

Ja̧danö, Moisesma okobe jwiinö Dios wei̧ israel jojodönö yöawaja̧ jawa kwiyalu'ye dö'yelatajanö i̧wȩyudinobe, ja̧danö wȩyu̧dajo̧, Dios wei̧ wȩyukwa öbiya döbölataja a̧ja̧pjo kwebatadö Levisaso jojodötjö Diostjö jojodötjö tjö̧'da̧de pjabatadönö bakwa'ye iyinobe, ja̧danö jele'ye israel jojodötjö luwedönö iyinobe.

Josué 24:11

–Jemi ikenama Jordan ojwe baledajadö, Jerico comunidadbe kwichibinaduwobe, ja̧danö jejenö kwichibaduwiawö̧, Jerico jojodöma ökwödökwö tjölakwabikwawinobe. Ja̧danö amorreos jojodöbi, ferezeos jojodöbi, cananeos jojodöbi, hititas jojodöbi, gergeseos jojodöbi, heveos jojodöbi, jebuseos jojodöbi ökwödönö tjölakwabikwawinobe, jo̧kwaijayonö okobe deinö jobadönö kwujuluwaduwobö chiyijatö.

Josué 4:11

Ja̧danö okobe deinö israel jojodötjö tjöbaledakwedö tjöbaledaja̧ ikenama, bajaliyanö tjö̧'da̧de pjabatadöma Isabenö Jo̧ iteapjo e'ewö, ojwe ö'wejetjö labebö, jojodö tjöba a'o tjöbaledinobe.

Josué 4:9

Ja̧danö, ju'wibi, Josuema inawiya a̧linösa̧mutjö döwalataja inawiya ojwe ö'wejenö japopo baibanö ödinobe, tjö̧'da̧de pjabatadö Dios iteapjo e'ewadö tjö̧jatanajemima. Ja̧danö, ja̧ Josue ödinawa öwiyama, babebi ina Jordan ojwe ö'weje bo̧be.