Josué 3:1 - Dios Iwene

¹ Jemi ikena möle yȩayi, Josuebi okobe deinö ju'wedö israel jojodöbi a̧la̧ibö Sitintjö labebö tji̧'yinobe Jordan mikwödö ö'öböbe. Ja̧danö, ojwe petjibakwedö, jobe petjibobö tjiteada̧linobe.

Josué 3:1 Iomraidhean Croise

Génesis 21:14

Ja̧danö, ju'wi dewachö Abrahamma yȩayi wilubö a̧laibö panbi, ojwiyo, i̧sȩdo̧tjö̧ otikwa'wonö e'ewö 'yi̧jetö Agar jö̧jobekwö. Ichibö pan, ojwiyo okwa'wo iyijetö Agarnöma, jöböbe'onö wa̧nö. Ikenama, bite kwitji̧nöma öbibö 'ya̧wi̧, jö̧ba̧lö, jelobe ji̧'yobö webijetö. Labebajajuma Beerseba mejenöda wajwibö kwebachijotö.

Génesis 22:3

Jejenö weajökwe ju'wi dewachö Abrahamma wilubö, a̧laibö imi pabijetö, Diosnö ösödö iyö ujuwakwa̧. Pabajo̧ bulu oma'anö wanabijetö imima. Wanabijo̧ itji̧ Isaacnö, ömöayedö du̧ju̧tajanöbi labeibö öbibö 'yi̧jetö Dios weajobekwö 'ya̧nö.

Marcos 1:35

Ju'wi dewachöma Jesúsma yötedaayi labebijetö. Labeibö jojodö deobekwö 'yi̧jetö Diosnö aebobö. Ichibö Diosnö abebijetö.

Josué 2:1

Jemi ikenama, Josuema du̧ju̧taja ömadönö weinobe, tjabakwemi Sitintjö labebö, canaan niji ju̧kwadö wajwitjonö, niji edö kwetjachobö. Jobadönö webö yöa̧linobe: —Canaan niji edö kwebachaduwi, ja̧danö inesö kwedaduwobö chösödi̧ma, Jerico comunidad, —jö̧ba̧lö weinobe. Weawö̧, edö tji̧'yinobe, ja̧danö Jerico comunidad tebachö, bakwuju jilekwamuböködökwö 'da̧'da̧bakwawö ju̧ju̧ Rajab mikwuju jejube tetjachinobe, jobe tjö̧jobö.

Josué 6:12

Ikena möle dewachö, Josuema yȩayi a̧la̧ibinobe, ja̧danö tjö̧'da̧de pjabatadöma Isabenö Jo̧ iteapjo kabebö tje'ewinobe.

Josué 6:15

Ikenama, jelemutjö dötölataja möle dewachenama, ina yȩayi a̧la̧ibö, ajayinö kwetjachinadanö söpödö kwetjachinobe. Jo̧kwaijayonö ja̧ mölema, bakwötanödama söpödö kwetjachinokobe, jelemutjö dötölatajanö söpödö kwetjachinobe. Ja̧ möle jelemutjö dötölataja möleda jelemutjö dötölatajanö söpödö kwetjachinobe.

Josué 7:16

Weökwe, weaja̧danö ja̧inobe Josuema. Ja̧danö ikena möle yȩayi, dewachena Josuema israel jojodönö weinobe, bakwasokwena Dios eju yöneawinö tjichibobö. Ja̧danö, tjichibiökwe, Isabenö Jo̧ma i̧sȩbinobe, Sulabenö ja̧binama judasaso jojo, jö̧ba̧lö.

Josué 8:10

Ja̧danö, ju'wi dewachö yȩayi a̧laibinobe Josuema, ja̧danö israel jojodötjö ölakwabikwawadönö o̧ko̧kodinobe. Ja̧danö, ko̧ko̧dajo̧, ju'wedö luwedökwö jojodönö öbibö i̧'yinobe Hai comunidadbe.

Jueces 20:19

Yöawiawö̧, ikena möle yȩayi, israel jojodöma Guibea comunidad yöneawinö 'ya̧nö, tjabakwemi tjujuninobe.

1 Samuel 17:20

Ja̧danö abe'do weajökwe, Davidma jelo̧ obejadönö teada̧lo̧nö ajwimunö weibinobe, iteada̧lobö. Ja̧danö, yȩayi a̧la̧ibö, Davidma abe'do weaja̧ kwakwawa jawa e'ewö i̧'yinobe, abe'do Isai weaja̧danö. Ja̧danö jojodö tjabakwemitjö isa'banö tjö̧jamatobö latjebena ichibinobe, ölakwabikwawa jawa jwötjeba̧lo̧nö.