Josué 24:2 - Dios Iwene

² Jejenö tjichibiökwe, Josuema okobe deinö ko̧ko̧kwadönö Isabenö Jo̧ yöawaja̧ jobadönö yöawinobe, baikwö: —Chömöledö, baikwö yöawobe ökwödö israel jojodö duluwo̧ Isabenö Jo̧ Diosma ökwödönö: –Damötjö̧ kwa'dödö Tera mikwo̧bi, itji̧mu Abraham mikwo̧bi, Najor mikwo̧bi Eufrates mikwödö tupakwöchobe tjö̧jinobe, ja̧danö jobe ja̧nö ju'wedö tjösödawö̧ Diosbedö tjomukwatawö̧nö ösödö tjö̧jinobe.

Josué 24:2 Iomraidhean Croise

Génesis 11:22

Ja̧danö, Serugma treinta a̧yo bo̧ itji̧nö Nahor mikwo̧nö 'yabebijetö.

Génesis 11:24

Ja̧danö, Nahorma veintenueve a̧yo bo̧ itji̧nö Taré mikwo̧nö 'yabebijetö.

Génesis 11:26

Ja̧danö, Taréma setenta a̧yo bemitjö̧ tupakwö 'yabebijetö i̧tji̧munö Abram, Nahor, Harán mikwadönö.

Génesis 11:27

Baikwö laebi̧ma Taré i̧tji̧mubi ö̧'dö̧döbi tjö̧jina jawa. Ja̧danö, Taréma i̧tji̧munö Abram, Nahor, Harán mikwadönö 'yabebijetö. Ja̧danö, Taré itji̧ Haránma itji̧nö Lot mikwo̧nö 'yabebijetö.

Génesis 31:19

Jo̧kwaijayonö ajayinö ina jelö labeibö tjȩwa̧ja̧pjii, Padan-aramnö ina tjö̧jena baikwö baledijetö: Raquelma jabe'do Labán, iteda a̧jwi̧mu o̧bȩja̧dö tjöwö'ye 'wibö i̧'yajabe okobe, jo̧ba ejube tebachibö naukwijotö jabe'do o̧'wo̧ öwa̧na̧lawö̧nö, tjotidinawö̧nöma. Ja̧danö, ju'wedö wajwitjonö naukwijotö, e'ewö jȩwa̧ja̧kwawö̧nö.

Génesis 31:30

Ina jö̧ba̧lijetö: —Jacob, isabenö chöwaisa, kwabe'do ö̧jobekwö kwȩwa̧jobö jwiinö kwösöda. Jo̧kwijayonö ¿tajawedö kwönaukwinada o̧'wo̧ jawa, cho̧'wo̧ chöwa̧na̧lawö̧nöma?— abebö a̧ja̧kwökwe:

Génesis 31:32

Jo̧kwijayonö kwo̧'wo̧ kwöwa̧na̧lawö̧nöma chönaukwijökötö. Yöta̧lo a̧ja̧kwi: Ötjökwö ȩwa̧jadötjö bakwo̧ o̧'wo̧ jawa naukwinanö kwöbadekwajitjö̧ma jo̧banö kwabö lotjobö wetena. Jo̧kwaobetjö̧ chömöayedöbi, kwömöayedöbi tjeda̧lonö isakwi dutu̧da'wiju okwa, kwitea dönaukwinojobö. Kwöbadekwajitjö̧ma kwo̧'wo̧ kwöwana̧lawö̧nö kwemo— jö̧ba̧lijetö Jacobma. Jo̧bama wajwibijetö Raquel jabe'do o̧'wo̧ öwa̧na̧lawö̧nö jö̧naukwinama. Wajwiobetjö̧ jejenö jö̧ba̧lijetö, Ötjökwö ȩwa̧jadötjö bakwo̧ o̧'wo̧ jawa naukwinanö kwöbadekwajitjö̧ma jo̧banö kwabö lotjobö wetena, jö̧ba̧lö.

Génesis 31:53

—Ökwödö yöbawö dujuni̧ma da'dödö tjösödinökwe Dios, ötjö cha'dömine Nahor, kwa'dömine Abrahambi tjösödinökwe Diosma ökwödönö edö öwaisakwo̧ diwene yöbawö dujuninadanö dö̧jojobö— yöba̧lijetö Labánma. Jejenö yö̧a̧lökwe ösödijetö Jacobma, Jao jejenö yöbawö chujuna. Ja̧danö, yöbawö chujuni̧ yöta̧la̧ja̧tjö wainö ja̧titjö̧ma Dios, chabe'do Isaac yebabinö omukwatökwe Diosma lȩebakwo̧sa yöba̧lijetö Jacob.

Génesis 35:4

Jo̧kwaobetjö̧ jobadöma jelobetjö o̧'wo̧ jawa tjichejebinawö̧nö ichejebö iyijadötö Jacobnö. Ja̧danö, sasiyubiyabi iyijadötö. Okobe jwiinö tjiyaja̧ma o̧tjö lobijetö Jacobma, towi nöowi, Moré mikwowi la'aka.

1 Crónicas 1:27

Abram mikwo̧, ju'wi imi Abraham mikwo̧bi.

Isaías 51:2

Jau chömöledö, ökwödötjö ajayinö ji̧na Abrahamnö kwomukwataduwo, ja̧danö ilekwo Sara ökwödönö ajayinö eminujunö kwomukwataduwo. Baikwö yöa̧lobe Diosma, kwadömine Abrahamnö: Abrahamnö jwötijatö, ötjö chömöledöso̧ baibobö, ja̧danö jobekwö jo̧banö jwötenama, bakwo̧da, itji̧mu debo̧da ö̧jinobe kwa'döduwima. Jo̧kwaijayonö, jemi ikenama jo̧banö pjatatijatö, ja̧danö pjatatiökwe, ba̧jȩkwaso baibinobe, jö̧tö?

Lucas 3:34

ja̧danö Judáma Jacob itji̧inobe, ja̧danö Jacobma Isaac itji̧inobe, ja̧danö Isaacma Abraham itji̧inobe, ja̧danö Abrahamma Taré itji̧inobe, ja̧danö Taréma Nacor itji̧inobe,

Deuteronomio 26:5

—Jemi ikenama, jobe kwuluwo̧duwi Isabenö Jo̧ Dios öba a'o janö, baikwö yökawaduwonö: –Ötjö cha'döminema, arameo jojo eju jwibo̧ jelobetenia kwebachö ji̧na. Jo̧bama ömöledö ina o̧bukwedöda tjö̧jayi, Egipto nijibe i̧'yinobe, jobe ju'wedö tjitebonö ö̧jobö. Ja̧danö, jobe ichibena ömöledöma o̧bukwedöda tjö̧jinajayonö, jobe ja̧nö jwiinö ba̧jȩkwiyaso batjibanö tjö̧ba̧jekwachinobe, ba̧jȩkwadöbi, juluwadöbi batjibanö.

Josué 24:15

—Jau chömöledö, Isabenö Jo̧nöda kwösödaduwobö jo̧be, jo̧kwaijayonö, Isabenö Jo̧nö ösödö kwö̧jaduwobö kwöpöjödaduwitjö̧ma, babe möleda omudawö kwujunaduwobö jo̧be, kwösödaduwakwawö̧nöma, damötjö̧ kwa'dödö Eufrates mikwödö tupakwö tjö̧jena tjösidinawö̧maö̧kö̧, bemi niji ju̧kwadö amorreos jojodö tjösödawö̧maö̧kö̧. Jo̧kwaijayonö ökwödö israel jojodöma ju'wedö tjösödawö̧nöda kwösödaduwobö omudawö kwujunadwuitjö̧böbi, ju'wedönö la'akatjöda chösödökakwo̧sa chömöledö. Ötjöbi, yö̧ne chömöledöbi, jwaikwöda Isabenö Jo̧nöda ösödö dö̧jakwedösa, jo̧ba wei̧da a̧ja̧kwö, —jö̧ba̧lö yöawinobe Josuema, israel jojodönö.