Josué 24:10 - Dios Iwene

¹⁰ Jo̧kwaijayonö Balaam ökwödönö suli̧ waedakwawa ökwödönö jwöeba̧lobö jö̧a̧li̧ma cha̧ja̧kwobö chöpöjödijatö, jwaikwöda ökwödönö otiwanö baledakwa̧ weneda yöawobö wetijatö, isabenö suli̧ öwaedobö jö̧a̧li̧tjö kwö̧jibaduwinö pjatatijatö.

Josué 24:10 Iomraidhean Croise

Isaías 54:17

Ja̧danö, ötjö jobadönö otidinada ökwönö tjöbeba̧lo pjatatobetjö̧, okobe jwiinö ölakwabikwawa jawa tjotidi̧teniama, kwöba a'otjö suli̧ waekwakobe, ju'wi jawabi ökwönö suli̧ waedobö jwiakobe. Ja̧danö lȩekwa luwedö tjöba a'otjö, ju'wedö ökwönö wanedö yötja̧litjö̧ma, okobe deinö jobekwö wanedö yöba̧ladö yötja̧li̧ otiwanö i̧sȩbö kwatadakwujuja, —Omöna, lȩekwa yötjawobö jwia, —jö̧ba̧lö. Jobekwö pjabato̧sa ötjöda chömöayedönö Jerusalen, ja̧danö wene jwibadö tjö̧ji̧ i̧sȩkwama, ötjö tjuluwo̧ Isabenö Jo̧ Diostjö ichi̧, jö̧ba̧lö wanedö yöa̧lobe Diosma, Jerusalen comunidad jojodönö.

Deuteronomio 23:5

Jo̧kwaijayonö kwuluwo̧duwi Isabenö Jo̧ Diosma Balaamnö a̧ja̧kwinokobe, ja̧danö ökwödönö suli̧ öwaedo jö̧a̧li̧nama, ökwödönö pjaatakwawa jawa baibanö balewö loinobe. Jau chömöledö, kwuluwo̧duwi Isabenö Jo̧ Diosma ökwödö israel jojodönö ile niebinobe, ja̧danö ökwödönö ile nibebö, Balaam ökwödönö suli̧ öwaedo jö̧a̧linama, ökwödönö pjaatakwawa jawa baibanö balewö loinobe.

Josué 24:11

–Jemi ikenama Jordan ojwe baledajadö, Jerico comunidadbe kwichibinaduwobe, ja̧danö jejenö kwichibaduwiawö̧, Jerico jojodöma ökwödökwö tjölakwabikwawinobe. Ja̧danö amorreos jojodöbi, ferezeos jojodöbi, cananeos jojodöbi, hititas jojodöbi, gergeseos jojodöbi, heveos jojodöbi, jebuseos jojodöbi ökwödönö tjölakwabikwawinobe, jo̧kwaijayonö okobe deinö jobadönö kwujuluwaduwobö chiyijatö.