Josué 23:2 - Dios Iwene

² Ja̧danö, pöe babibajo̧, Josuema israel jojodötjö luwedönö jwöinobe, bakwasokwena luwedönöbi, lȩekwa luwedönöbi, ju'wedö luwedönöbi, ö̧jobekwö tjichobö. Ja̧danö, ichajadönö yöawinobe Josuema: —Chömöledö, ötjöma ida̧ökö jwiinö pöesa, ja̧danö ö'wö batibakwa̧ma ida̧ökö yö̧neawachibobe.

Josué 23:2 Iomraidhean Croise

1 Reyes 1:1

Israel jojodötjö inesö la'aka luwo̧ Davidma, jwiinö pöe baibinobe. Ja̧danö, pöe öwaekwenama, tuba'woi̧ jwibö, jwaikwöda tiyuwo̧da ö̧binobe. Tiyuwiawö̧, ömöayedöma nöinö sabana'wijunö tjuluwo̧nö jwatjebinobe, jo̧kwaijayonö ina jwaikwöda tiyuwo̧da ba̧nö tjö̧bawo̧ ö̧binobe.

1 Reyes 8:1

Jemi ikenama, Dios eju otidö kabatajo̧, Salomonma okobe deinö israel jojodötjö luwedönö jwöinobe, sasokwena luwedönöbi, tjömöledösaso luwedönöbi Jerusalenbe ichö tjo̧ko̧ko̧kwobö. Jejenö jwöbö o̧ko̧ko̧dinobe jobadönö, tjedonö, tjöba a'otjö Isabenö Jo iteapjo, wei̧ wȩyukwa öbiya döbölataja a̧ja̧pjo, David itebo comunidad ötjabobe Ziontjö pjolatö, otidaja̧ Dios ejunö tetjatakwa̧ tjedakobetjö̧.

1 Crónicas 23:2

Ja̧danö, okobe deinö israel jojodötjö luwedönöbi, Diostjö jojodötjö ö'weje pjabatadönöbi, ju'wedö tjömöledö Levisaso jojodönöbi o̧ko̧kodinobe Davidma.

1 Crónicas 27:27

Rama comunidad jojo Simei mikwo̧ma, David itea uba batjobiya teada̧lakwawa luwo̧ ö̧jinobe. Sefam comunidad jojo Zabdima uba waji̧ jawabi, ubasobubi teada̧lakwawa luwo̧ ö̧jinobe.

1 Crónicas 28:1

Ja̧danö, Davidma okobe deinö israel niji luwedönö weinobe, Jerusalen comunidadtjö tjo̧ko̧kokwobö, israelsasokwena luwedönöbi, ölakwabikwawa jojodö bakwasokwena luwedö milbedö tjuluwedönöbi, cienbedö tjuluwedönöbi, itea niji teada̧lakwawa luwedönöbi, ajwimunö teada̧lakwawa luwedönöbi, itji̧munöbi, ölakwabikwawa jojodötjö inesö juluwadönöbi, ju'wedö ölakwabikwawa jojodötjö jwiinö juluwadönöbi weinobe, Jerusalenbe ichibö tjo̧ko̧kwobö.

Deuteronomio 31:28

—Babe okobe deinö israel jojodötjö la'aka luwedöbi, ju'wedö luwedöbi tjo̧ko̧kokwobö jwököbaduwo, tja̧ja̧kwa̧lonö okobe jwiinö bi̧ya lo̧awa jobadönö yötawakobetjö̧. Wanedö yötawa, jejenö jobadönö lo̧awa yöbawö, mölejenö ju̧kwadöbi, bö̧jenö ju̧kwadöbi jobadönö yötawaja̧ a̧ja̧kwö tjöwaisakobe, Isabenö israel jojodöma Dios wei̧ tja̧ja̧kwo jö̧ba̧ladö, jö̧ba̧lö, ja̧danö bemi tupakwö sulabenö a̧ja̧kwökönö kwö̧jaduwenama, mölejȩnö ju̧kwadöbi bö̧jenö ju̧kwadöbi yötjawobö ja̧kobe, –Israel jojodöma Dios wei̧ tja̧ja̧kwinatjö̧bö, –jö̧ba̧lö.

Josué 13:1

Ja̧danö, Josue jwiinö pöe ö̧jena, Isabenö Jo̧ma Josuenö yöa̧linobe, baikwö: —Josue, ökwöma ida̧ökö jwiinö pöeja, ja̧danö ina nöinö niji̧ ji̧bobe, ökwödö israel jojodö kwemaduwoböma.

Josué 23:3

Ökwödöma kwuluwo̧duwi Isabenö Jo̧ Dios kwöpöjojodönö ujuluwina edinadöja chömöledö, ajayinö kwiteboduwinö ji̧nadönö. Jau chömöledö, ökwödönö ösödö, kwuluwo̧duwi Isabenö Jo̧ Diosda kwöpöjojodönö juluwinama, jo̧bada kwöpöjojodönö ölakwabikwawinama, ökwödönö pjabatö.

Josué 24:1

Jemi ikenama, Josuema yemidanö jwöinobe israel jojodönö, Siquen comunidadtjö tjo̧ko̧ko̧kwachobö. Bakwasokwena la'aka luwedönöbi, tjömöledökwena tjuluwedönöbi, lȩekwa luwedönöbi, ju'wedö israel jojodötjö luwedönöbi jwöinobe, ja̧danö jwöawö̧, ko̧ko̧kwachö tjichinobe, Dios öba a'o ichibö tja̧ja̧kwobö.

1 Samuel 12:2

Edaduwi, omudawö chujunajökwenö, bite Saulda, kwöba a'oduwi ö̧ja kwuluwo̧duwima. Ötjöma ida̧ökö pöesa, chöwö'yebi ida̧ökö dewökwesa, ja̧danö ötjö chitji̧mu ömadöma kwö̧'da̧deduwi ja̧dö. Kwöwaisaduwa chömöledö, möayo̧ chö̧jayitjö baikwö bajalenö kwuluwo̧duwidanö ja̧nö ökwödönö jwebebö chö̧jajabe, ¿jö̧tö?