Josué 23:12 - Dios Iwene

¹² Jau chömöledö, isabenö Diosnö ösödö kwö̧jaduwobö jo̧be, baikwö yötawaduwakwö: Diosnö ösödö kwö̧jaduwi kabatibö, bemi nijinö ji̧nadötjö ji̧bajadökwö bakibaduwitjö̧ma, jobadötjö kwilekwamu batjibanö kwemaduwitjö̧ma, isabenö kwö̧jaduwima waekwakobe chömöledö.

Josué 23:12 Iomraidhean Croise

Génesis 2:24

Jejenö baledinobetjö̧ bakwo̧ma abe'dotjöbi ojo'dotjöbi 'da̧bachibö labebajo̧ ilekwokwöda ö̧jo jö̧ba̧lö. Ja̧danö, jobadö du̧ju̧tajama iso̧kwö ilekwokwö bakwo̧da babibadö.

Génesis 34:3

Ikenama jo̧bama o̧'wo̧nö jwiinö ösödijetö jobujunö, Chemobö jö̧ta̧la chilekwo baibanö, jö̧ba̧lö. Jobujunö jwiinö ösödobetjö̧ döyötö yöba̧lijetö jobujunöma, jo̧banö jösödobö.

1 Reyes 11:2

Damötjö̧ Isabenö Jo̧ma israel jojodönö weinokobe, jobadö tjitebokwena jojodönö tjemoböma, —Jobadötjö ya̧dönö kwemaduwoko, ja̧danö ökwödötjö ya̧dönö tjemoböma weköbaduwoko. Jejenö jobadökwö bakibaduwitjö̧ma, ökwödö jwaikwöda Diosnö kwösödaduwi̧ kabatibö, idö tjösödawö̧nö kwösödaduwobö ötjibakwedö, —jö̧ba̧lö damötjö weinobe Diosma. Jo̧kwaijayonö, jejenö weinajayonö, a̧ja̧kwökönö, jobadö Dios weinököwö̧nö ile nibebö ösödinobe Salomonma.

1 Reyes 11:4

Salomon pöe ö̧jenama, ilekwamuma jo̧ba ösödi̧ ötjibinobe, Diosnöda ösödi̧ kabatibö, jobadö tjösödawö̧nöbi ösödobö, sulabenö. Abe'do David jwaikwöda uluwo̧ Isabenö Jo̧ Diosnö ösödö ö̧jinadanöma ö̧jinokobe Salomonma, ju'wedö tjösödawö̧nöbi ösödinobe.

Isaías 1:4

Ayö, chömöledö israel jojodöwe! Isabenö nöinö sulabenö ja̧badö israel jojodöma. Jobadöma bakobe sulabenö ja̧badö, chi̧tji̧mu otiwadö tjö̧jo jö̧tja̧lijayonö, suli̧ waedö ja̧bö ju̧kwadö, sulabenö. Jau, ötjö Isabenö Jo̧nö tjösödo jö̧tja̧lijayonö, öpöjödö, ötjö Sulabe Jwibo̧ Israel jojodö tjuluwo̧ Diosnö kabatibö, 'da̧bachibö ju̧kwadö israel jojodöma, sulabenö.

Mateo 12:45

Jejenö badekwajo̧, ömöledö ju'wedö tjo̧'wo̧ luwo̧nö sulabedönö jelemutjö du̧ju̧tajabedönö isakwena, itedatjö bajalekwönönö sulabedönö, ja̧danö jobadönö öbibö, yemidanö ajayinö ö̧jinökwe o̧'wo̧ luwo̧nö teachibena. Jejenö baibitjö̧ma, jejenö tjö̧jökwema ajayinö usula emawö ö̧jinatjö bajalekwönönö yelösöda nöinö usula emawakwo̧, ¿jö̧tö? Ökwödö babe möle sulabedöbi ja̧danö. Yötawi̧ kwöpöjödaduwobetjö̧, ajayinö usula kwemawaduwinatjö bajalekwönönö nöinö usula kwemawaduwakwedöja— jö̧a̧linobe Jesúsma.

Juan 6:66

Jemi ikenama Jesús öba̧ja̧di̧ waisachadötjö ba̧jekwadö Jesúsnö katjatibinobe, jo̧bakwö kwebachökönö.

Romanos 12:9

Ju'wedönö isabenö kwösödaduwo, wamedama kwösödaduwoko, okwanö kwösödaduwo. Jau chömöledö, sulabe jawa Dios öpöjödi̧ jawama kwöpöjödaduwo. Ja̧danö wanedö yötawa: Otiwa jawa 'diinö do̧ka̧laduwo, ja̧da kwösödaduwo.

Deuteronomio 6:15

Kwuluwo̧duwi Isabenö Jo̧ Diosma ökwödökwö jo̧, ja̧danö ju'wibi ökwödö kwösödaduwi̧ a̧'dȩlö omukwato̧, –Chömöledö israel jojodöma ötjönöda tjösödo jö̧ba̧ladö, –jö̧ba̧lö. Jo̧kwajabetjö̧ ju'wedö tjösödawö̧nö kwösödaduwoko, kwuluwo̧duwi Isabenö Jo̧ Dios ökwödönö ödameakwapji jö̧ba̧lö, ja̧danö ökwödönö dameakwö ja̧nö, jwiinö ökwödönö söbebö loapji jö̧ba̧lö, bö̧jetjö debö kwi̧'yaduwinö.

Deuteronomio 7:3

Jobadökwö ja̧nö, jobadötjö kwilekwamuduwi batjibanö kwemaduwoko chömöledö, kwitji̧muduwi ya̧dönö jobadö tji̧tji̧munö tjemobö webökönaduwi, ja̧danö tji̧tji̧mu ya̧dönö kwi̧tji̧mu tjemobö webökönaduwi.

Deuteronomio 7:4

Jau chömöledö, kwitji̧muduwi jobadö tjitji̧munö tjemobö weköbaduwitjö̧ma, jobadöma kwitji̧muduwinö ötjibena, ötjönö kabatibö, idöda tjösödawö̧nö tjösödobö, ja̧danö jejenö ja̧köbaduwiökwe, Isabenö Jo̧ma ökwödö israel jojodönö ödameakwena, ja̧danö juluwanö ökwödönö söbebö loena.

Josué 23:11

Jo̧kwajabetjö teada̧lönö kwö̧jaduwo chömöledö, jwaikwöda kwuluwo̧duwi Isabenö Jo̧ Diosnö ösödö kwö̧jaduwakobetjö̧.

1 Juan 2:9

Ja̧danö chö̧ja̧wo̧dö bakwo̧, Ötjöma otiwanö omukwatö 'yo̧sa, Cristokwö dötewinö, dewa'wonö kwebacho̧sa, jö̧ba̧lö, yöba̧lo̧ma Cristotjö ö̧ja̧wo̧dönö ösödö ö̧jobö jo̧be. Jejenö jö̧a̧lijayonö öjawo̧nö sulabenö omukwatö ölabitjö̧ma isabenö ¿dewa'wonö kweachobeji̧? Kwebachö̧kö̧. Yȩa'wo okwada kwebacho̧, suli̧ wanekwacha'wonö. Ja̧danö, jweinöma yöba̧lö̧kö̧, Cristokwö dötewinö 'yo̧sa, jö̧ba̧lö. Isabenö omönada yöba̧lo̧. Cristokwö dötewinö 'yö̧kö̧. Jo̧kwaijayonö jejenömaökö ö̧ja̧wo̧dönö ösödö jo̧ma. Jo̧bama otiwanö omukwatö 'yo̧, Cristokwö dötewinö, dewa'wo okwada kwebachö. Ja̧danö jo̧ba, Cristokwö dötewinö, dewa'wo okwada kwebacho̧ma, jelobekwö omukwatö töbö meoböma jwibo̧.

Jueces 14:3

Aebawö̧, abe'dobi ojo'dobi tjatadinobe, —Ökwödö dömöledötjö bakwujunö kwemakwuju dejobeji̧? Ja̧danö dömöledösaso jojodötjö dejitjö̧ma, jeleso israel jojodötjö bakwuju kwemakwuju dejobeji̧? Isabenö israel jojosuju kwemakwuju jö̧jena, jobujunöda kwemobö. Jau Sanson, tajawedö idö tjötade bajalesa̧do̧ 'wibekwöködö filisteo jojodö tjitijunö kwemobö, otiwökena, —jö̧ba̧lö. Jo̧kwaijayonö tjatadökwe, öpöjödinobe Sansonma, ja̧danö weinobe, —Yayonö jobujunöda chemobö chösöda, jobujuma edö chösödoko, —jö̧ba̧lö.

Jueces 3:6

Ju'wibi, jobadökwö pjabacha̧lakwawöbi kwö̧jaduwoko jö̧ba̧lö weinajayonö, jobadö tji̧tji̧mu ya̧dönö tjeminobe, tjilekwamu batjibanö, ja̧danö tjitji̧mu ya̧dö jobadö tji̧lekwamu batjibanö wetjinobe, Dios weina a̧ja̧kwökönö. Ja̧danö jemi tupakwöbi, jobadö tjösödawö̧ o̧'wo jawanöbi sulabenö tjösödinobe.