Josué 22:29 - Dios Iwene

²⁹ —Jau dömöledö, la'akatjöda Isabenö Jo̧ wei̧ kadatibobö omukwatöködösa, la'akatjöda jelöte Dios weinökötetjö ubinö iyawabi, ju'wi iyawabi diyoböma omukwatöködösa. Sule duluwo̧ Isabenö Jo̧ Diosnö iyawöte, iteda eju badeibö jö̧tetjöda diyobö omukwatadösa, diyobö weinadanö, —jö̧ba̧lö tjatadinobe jelesokwena jojodötjö luwedönöbi, tjö̧'da̧de pjabato̧ Finesnöbi.

Josué 22:29 Iomraidhean Croise

Génesis 44:17

Jo̧kwaijayonö Joséma jö̧ba̧lijetö: —¡Tajijö! Jejenö wetökö. Sule ötjö chu̧kwa owawa'do̧ juna̧lajo̧da, jo̧bada ötjö chömöayo̧ baibanö ö̧jakwo̧. Ökwödö ju'wedöma otiwanö da̧ja̧duwi kwabe'doduwi ejukwö— webijetö Joséma.

Génesis 44:7

Jejenö jö̧a̧lawö̧ atadijadötö José öpöedöma: —¡Tajijö! Duluwo̧ ¿tajawedö jejenö yöka̧la? Jejenö dönaukwobö omukwatinöködösa.

1 Reyes 21:3

Yöa̧lökwe, —Chöbatjo chiyoböma jwiobe chuluwo̧, jayuma cha'dödötjö emajichayu batjo, jo̧kwajabetjö̧ Isabenö Jo̧ma weökena, cha'dödönö iyina niji iyö lotobö, chiyoböma jwia, —jö̧ba̧lö.

2 Reyes 18:22

—–Ju'wibi yöka̧lena, -Ökwödöma dösödökwe Isabenö Jo̧ Diosnö do̧'wo wana̧lö ja̧dösa, dö̧jibinö pjaatakwo̧, -jö̧ba̧lö. Jobekwö kwataditjö̧ma baikwö yöta̧lena: Tajawedö Dios ökwödönö pjaatobö? Ökwö Ezequiasda Juda niji ba̧kwemeachibanö Diosnö ösödö iyawemitenia sulabenö söbebö lobinaja, ja̧danö söbebö lobajo̧, Jerusalennö ju̧kwadönöbi, ju'wedö Juda niji ju̧kwadönöbi weköbajabe, sule bipjo Jerusalennö ja̧pjo Diosnö iyawapjotjöda Diosnö kwiyaduwobö jo̧be, -jö̧ba̧lö. Jobekwö sulabenö ja̧köbiökwe, Isabenö Jo̧ Diosnö ökwödönö pjaatenaji̧? –jö̧ba̧lö yöa̧lobe chuluwo̧ Senaqueribma, kwuluwo̧duwi Ezequiasnö.

Romanos 6:2

Jejenömaökö chömöledö. Ina sulabedö dö̧jayi, sulabe dujuna̧li̧ juluwinobe ökwödönöma ichejekwa, jwaikwöda sulabenö ja̧dobö, ¿jö̧tö? Jo̧kwaijayonö ökwödö Jesúsnö ösödadöma, sulabedöböködösa ökwödöma babema. Ja̧danö, ju'wibi, ökwödö Jesúsnö ösödadöma, Jesús woenama, ökwödöbi wodinobe chömöledö, sulabe dujuna̧li̧ juluwökönö ökwödönöma. Jejenö wodinobetjö̧ ¿tajawedö ina sulabenö ja̧bö dö̧jobö chömöledö?

Romanos 9:14

Biya̧ wene a̧ja̧kwö, ¿dakwö kwomukwataduwa chömöledö? Iteda omukwati̧danöda omudawö ujuninobetjö̧, ¿sulabenö omudawö ujuninaji̧ Diosma? Ja̧maökö chömöledö.

Deuteronomio 12:11

Ja̧danö, jobe kwiteboduwitjö kwuluwo̧ Isabenö Jo̧ Diosma ju'wi comunidad 'da̧batö ujunakobe, iteda itebo comunidad, inesö Isabenö Jo̧ ökwödö kwö̧'da̧deduwinö ö̧ji̧ i̧sȩkwelö baibanö. Jobe Dios ejubeda okobe jwiinö kwiyaduwi̧tenia kwiyaduwobö wetaduwakwö chömöledö, jwiinö ubinö iyawabi, ju'wi juwö iyawabi, domulataja jawatjö bakwöta jawa iyawabi, Isabenö Jo̧nö diyakwedösa jö̧ba̧lö yöbawö kwujuninaduwaja̧ jawabi.

Josué 22:23

–Isabenö Jo̧nö kabatibö jelöte sulabenö otidadö, –jö̧ba̧lö. Ja̧danö jöte wamenö jwiinö ubinö iyawa diyitjö̧bi, trigoso̧pja iyawa diyitjö̧bi, Dioskwö ösökwö ja̧kwawa iyawa diyitjö̧bi, Isabenö Jo̧ma isabenö ökwödönö lȩebobö jȩna, sulabenö iyawa jawa wei̧ da̧ja̧kwokobetjö̧.

Josué 22:26

—Jejenö omukwatö yöda̧lakwawijatö, ja̧danö yöba̧lakwawö jö̧da̧lijatö, –Diosnö iyawöte dotidaduwo, –jö̧ba̧lö. Jo̧kwaijayonö jötetjö jwiinö ubinö iyawabi, ju'wi iyawabi diyobömaökö dömöledö, la'akatjöda.

Josué 22:28

Jau dömöledö, domukwatijatö, ju'winö ökwödönöbi, ditji̧mu tupadanö jojodönöbi jejenö yötja̧litjö̧ma, dotidinöte i̧sȩbö datadena, –Isabenö Jo̧nö dösödöbö jo̧be. Ökwödödanö bakwaibedösa, edaduwi da'dödö tjotidinötema, bakwainö Isabenö Jo̧nö iyawötedanö tjotidinöte, isabenö ökwödödanö bakwainö Isabenö Jo̧nö dösödobö jo̧be, –jö̧ba̧lö datadena. Jau dömöledö, jötetjö iyawa kwabö juwö diyoböma la'akatjöda dotidijökötö, sule bakwainö Dios ömöledö dö̧ji̧ wene di̧sȩbo jö̧ba̧lö dotidijatö.

Josué 22:30

Tjatadiawö̧, Diostjö jojodötjö tjö̧'da̧de pjabato̧ Finesbi, israel jojodötjö bakwasokwena luwedöbi a̧ja̧kwö tjösödinobe, Rubensasobi, Gadsasobi, Manasessasobi jojodö yötja̧li̧ma, —Isabenö bidöma Dios wei̧ kabatiböködö, —jö̧ba̧lö.

Josué 24:16

Jejenö yöawiawö̧, israel jojodöma tjatadinobe, —Ökwödöbi jwaikwöda Isabenö Jo̧nöda dösödakwedösa, la'akatjöda jo̧banö kabatibö, ju'wedö tjösödawö̧nö dösödobö jwibadösa,

1 Samuel 12:23

Tupakwö yöawinobe Samuelma, —Ja̧danö ötjöbi chömöledö, isabenö ökwödönö abebö katatoböma jwiobe, ökwödönö Diosnö abebö katatitjöma, isabenö sulabenö Isabenö Jo̧ öpöjödi̧nö katatena. Jo̧kwajabetjö̧ isabenö jwaikwöda Diosnö atebocha ökwödönö, ja̧danö ju'wibi kabatökönö ökwödönö ba̧ja̧dö chö̧jakwo̧sa, otiwanö jweinö ja̧kwawama.