Josué 22:26 - Dios Iwene

²⁶ —Jejenö omukwatö yöda̧lakwawijatö, ja̧danö yöba̧lakwawö jö̧da̧lijatö, –Diosnö iyawöte dotidaduwo, –jö̧ba̧lö. Jo̧kwaijayonö jötetjö jwiinö ubinö iyawabi, ju'wi iyawabi diyobömaökö dömöledö, la'akatjöda.

Josué 22:26 Iomraidhean Croise

Isaías 19:19

Ja̧danö ja̧ möle Egipto niji ö'wejetjö, Isabenö Jo̧ Diosnö iyawemi tjujunakobe, ja̧danö Egipto nijitjö, Juda nijitjö 'da̧de jȩmi, inawa kabebö tjujunakobe, —Isabenö Jo̧ Diosnö omukwatakwawawa, —jö̧ba̧lö.

Josué 22:25

Isabenö Jo̧ma dö'wejenö Jordan ojwe lo̧bö ujuninobetjö̧, Isabenö Jo̧nö kwösödaduwobö jwibadöja, sule Jordan ojwetjö jawo̧ meajobekwö ju̧kwadöda Isabenö Jo̧nö tjösödobö jö̧ba̧ladöma, –jö̧ba̧lö yötja̧lena jö̧ba̧lö yedabijatö.

Josué 22:27

Jau dömöledö, sule i̧sȩkwa baibotö jö̧ba̧lö dotidijatö, jöte edö, ökwödöbi, ditji̧mu tupadanö jojodöbi tjomukwatobö, –Isabenö bidöbi bakwainö Diosnö ösödadö, ju'wedö tjiyi̧danö, bidöbi Isabenö Jo̧ öba a'otjö jwiinö ubinö iyawabi, trigoso̧pja iyawabi, Dioskwö ösökwö ja̧kwawa iyawabi bakwainö iyadö, –jö̧ba̧lö. Tupakwö kwitjimuduwi ditji̧munö, –Isabenö Jo̧nö kwösödaduwobö jwibadöja, –jö̧ba̧lö yötja̧lapji jö̧ba̧lö, jöte dotidijatö.

Josué 22:29

—Jau dömöledö, la'akatjöda Isabenö Jo̧ wei̧ kadatibobö omukwatöködösa, la'akatjöda jelöte Dios weinökötetjö ubinö iyawabi, ju'wi iyawabi diyoböma omukwatöködösa. Sule duluwo̧ Isabenö Jo̧ Diosnö iyawöte, iteda eju badeibö jö̧tetjöda diyobö omukwatadösa, diyobö weinadanö, —jö̧ba̧lö tjatadinobe jelesokwena jojodötjö luwedönöbi, tjö̧'da̧de pjabato̧ Finesnöbi.

Jueces 6:24

Jemi ikenama, Gedeonma jobetjö Isabenö Jo̧nö iyawemi jobetjö otidinobe, ja̧danö otidajo̧, iyawemi imi imidinobe, —Isabenö Jo̧ma dösölö̧jinö edo̧, —jö̧ba̧lö. Ja̧ iyawemi Gedeon otidinemima, ina jobe Abiezersaso jojodö tjitebo Ofra comunidadnö bo̧be.