Josué 22:13 - Dios Iwene

¹³ Ja̧danö, tjölakwabikwawobö tji̧'yakwa̧ abönö, inesö Diostjö jojodötjö tjö̧'da̧de pjabato̧ Eleazar itji̧, tjö̧'da̧de pjabato̧ Fines mikwo̧nö wetjinobe, tjitebo Galaad nijibe 'ya̧nö, jobadö Rubensasobi, Gadsasobi, Manasessaso ja'öbi jojodökwö yöa̧lakwawobö.

Josué 22:13 Iomraidhean Croise

1 Crónicas 9:20

Salum a'dödö damötjö teada̧lakwawö tjö̧jina jawa baikwö laebobe. Eleazar itji̧ Fineesma, Isabenö Jo̧ eju apjudebiya teada̧ladö tjotidawa jwebebö ö̧jinobe, ja̧danö Isabenö Jo̧ma otiwanö Fineeskwö ja̧nö pjaatinobe.

Éxodo 6:25

Ja̧danö Aarón itji̧ Eleazar mikwo̧ma ilekwonö emijetö, Futiél mikwo̧ i̧tji̧mu ya̧dötjö. Jobujuma jitji̧nö 'yabebijotö, Finees mikwo̧nö. Böjanö tjimibiya ba̧ji̧ wȩyukwi̧ma Levítjö tupadanö jojodötjö ju'wedö tjimibiya.

Proverbios 20:18

Ja̧danö, ju'wibi yötawa, wanedö: Bakwo̧ iteda ja̧akwa̧ omukwatobe, baikwö ja̧tobö jö̧ta̧la, jö̧ba̧lö. Ja̧danö, jo̧ba omukwati̧danö otiwanö baledobö, waisadö pjabatö jwetjebi̧ma a̧ja̧kwobö jo̧be. Ja̧danö, bakwemiinö guardia jojodöma ju'wedönö ölakwabikwawö tji'yakwa̧ abönö jweinö omukwatadö jwebebö yötjawi̧ma tja̧ja̧kwobö jo̧be, tjöpöjojodönö tjujuluwakobetjö̧.

Mateo 18:15

Tupakwö yöawinobe Jesúsma: —Chömöledö, Dios ömöledötjö bakwo̧ kwömöledöso̧ ökwönö sulabenö ja̧itjö̧ma, jo̧dawa'ye jo̧ba ö̧jobekwö 'ya̧wi, ja̧danö sulabenö ja̧aja̧ yökawonö. Ja̧danö, yökawi̧ a̧ja̧kwitjö̧ma, otiwena, kwömöledöso̧ yemidanö a̧laibobö pjakatobetjö̧.

Deuteronomio 13:14

Jejenö kwa̧ja̧kwaduwitjö̧ma, jweinö abebö a̧ja̧kwö kwisakwaduwo, isabenö yötja̧laja̧danö sulabenö ju'wedö tjösödadawö̧nö ösödö tjö̧jojobö jö̧ba̧lö. Ja̧danö, teada̧lönö abebö a̧ja̧kwajadö, –Jau, isabenö inesö suli̧ jawa ja̧bö, ju'wedö tjösödawö̧nö tjösödobe, –jö̧ba̧lö kwöbadekwaduwitjö̧ma,

Josué 24:33

Ja̧danö, Aaron itji̧ Eleazar mikwo̧bi ö'wö baibinobe, ja̧danö jo̧banö tjo̧tjinobe iteda itji̧ Fines itebo comunidad Guibeatjö. Ja̧ Efrain niji mösa'iju jȩmi comunidad Guibeama, Fines mikwo̧nö tjiyinemi, iteda itebo baibanö.

Jueces 20:12

Ja̧danö, jejenö yöba̧lajadö, israel jojodöma yöbawadönö wetjinobe, Benjamin niji ba̧kwemeachibanö kwebachö yötja̧wobö, —Isabenö inesö suli̧ jawa kwö̧'da̧deduwitjö baledinobe, ökwödötjö ju'wedöma jwiinö sulabenö ja̧tjinobetjö̧.