Josué 2:21 - Dios Iwene

²¹ Yötjawoko, —Jau, otiwa, yökawaduwaja̧danö ja̧tocha. Otiwanö da̧jaduwi, —jö̧ba̧lö jatadinobe. Ikenama latjebinobe, ja̧danö Rajabma duwa'bo di̧batö jö̧ninobe ventanasa'donö, wetjaja̧danö.

Josué 2:21 Iomraidhean Croise

Éxodo 12:28

Jemi ikenama Israel jojodöma Isabenö Jo̧ wei̧danö a̧ja̧kwijadötö, Moisés, Aarón yötjawaja̧ma.

Mateo 7:24

Tupakwö yöawinobe Jesúsma: —Jau chömöledö, yötawi̧ a̧ja̧kwö ja̧badöma isabenö waisanö omukwatadö. Baikwö wanedö yötawa: 'Diena, inawaena o̧do otido̧danö tjichejekwobe.

Juan 2:5

Jejenö jö̧a̧lijayonö Jesús ojo'doma wejinobe jobe otidadönö: —Chitji̧ wei̧ma okobe jwiinö kwa̧ja̧kwaduwo— wejinobe.

Josué 2:18

Baikwö wedaduwakwö, baikwö kwitebo jojodönö dujuluwobö dichenama, bi'bo duwa'bo kwöno, a̧petukwöchobe öwawinö dedobö. Ja̧danö, okobe deinö yöne kwömöledönö ko̧ko̧dö kweju okwa tebatö bakobe kwö̧jaduwo, kwabe'dobi, kwojo'dobi, kwöjawo̧döbi, ju'wedö yöne kwömöledöbi.

Josué 2:20

Jo̧kwaijayonö ökwödö dö̧ji̧ ju'wedönö yökawitjö̧ma, yöbawö dujunaja̧ma mikwawökakobe. Jau Rajab, isabenö pjadatakwa̧ wene yöbawö dujunobö weköbajabe, ja̧danö weköbaja̧danö yöbawö dujunajabe, jo̧kwaijayonö döpöjojodönö pjabatö ökwödönö yökawitjö̧ma, yöbawö dujunaja̧ wenema söbebö loköbena, ja̧danö ökwödönö kwabö lodijayonö, wene jwiinö dö̧jakwedösa, —jö̧ba̧lö yötjawinobe Rajabnö.

Josué 2:22

Jobadö ömadöma jobetjö labebö, mösa'ijube tji̧'yinobe, ja̧danö jobe wapötakwa möle baledibanö teada̧lö tjö̧jinobe, jobadönö isakwadö tjȩwa̧jenanö kabatö. Ja̧danö jobadö isakwadö, nöinö okobe jwiinö Jericobe 'ya̧kwawamabenö tjisakwijayonö, tjöbadekwajinokobe, jo̧kwajabetjö̧ bajaliyanö tjȩwa̧jinobe.