Josué 2:12 - Dios Iwene

¹² Ja̧danö, ökwödönö dösölö̧jinö pjatatobetjö̧, balekwa mikwa ötjönöbi dösölö̧jinö pjakataduwobö atebaduwakwö. Jau, ökwödönö kwö̧jibaduwinö pjatatajabetjö̧, balekwa mikwa ötjönöbi, yö̧ne chömöledönöbi dö̧jibinö pjakataduwobö chösöda. Isabenö pjakataduwakwa̧ yöbawö junö, –Omöna yöda̧litjö̧ma Isabenö Jo̧ Dios ökwödönö lȩebobö jo̧be, –jö̧ba̧lö pjakataduwakwa̧ wene yöbawö kwujunaduwobö atebaduwakwö.

Josué 2:12 Iomraidhean Croise

Génesis 21:23

Jo̧kwaobetjö̧ Dios öba a'otjö kwiwene yöbawö juni baikwö: Ötjönöbi, chitji̧nöbi, ötjötjö tupadanö jojodönöbi jweinöda yöba̧lö ja̧köbakwo̧ja. Abraham, ötjöma dösölö̧jinö chö̧jobe ökwökwö. Jo̧kwaobetjö̧ jejenö dösölö̧jinö kwö̧jo ötjökwöbi, chömöledökwöbi— jö̧ba̧lijetö.

Génesis 24:9

Ja̧danö, jejenö weiökwe Abraham ömöayo̧ma Abraham i̧sȩ'bo teebekwöchobe 'bibeba̧lijetö, Dios öba a'otjö iwene yöbawö junö, weköbi̧danö cha̧ja̧kwocha, jö̧ba̧lö.

Génesis 40:14

Jo̧kwaobetjö̧, I request of you: kwȩwa̧jenama ¡ötjönö kwo̧'wo̧ jwikiboko! Kwuluwo̧ faraónnö yö̧kawo belö labebö lotjo weo ötjönö.

Éxodo 12:13

Ja̧danö, 'wibebö kwaköbaja̧duwawö̧ tjökwösobu apjudebiya dukebaja̧duwama ötjönö i̧sebakobe, beju okwa Israel jojodöda tjö̧jobe, jö̧ba̧lö. Ja̧ edinö ja̧ ejubiyama wame chöbaledocha, ökwödönö lȩbebökönö. Jejenö Egipto jojodönö jwiinö lȩbebö kwetachijayonö ökwödönö lȩtebima baledökakobe.

Marcos 14:44

Ja̧danö, Judas, Jesúsnö weachakwo̧ma, ajayima, tji̧'yakwa̧ abönö baikwö jö̧ba̧lö yöbawijetö öbibö ichakwawö̧nöma: Ötjö 'ya̧wibö bȩbachibö ibekasa'wonö du̧tatökwema kwöwaisachibaduwo, Jo̧bada Jesúsma, ökwödö do̧kataduwakwo̧ma, jö̧ba̧lö. Jo̧banö otiwanö kwite'a̧daladuwo döibapji jö̧ba̧lö, yöbawijetö Judasma ajayima, do̧batö tji̧'yakwa̧ abönö.

Romanos 1:31

Jobadöma ja'yubebi otiwanö omukwatöködö, yötja̧li̧danöma ja̧böködö. Ja̧danö, ju'wedönöma ösödöködö, ja'yubebi lȩlö̧jinöma edöködö jojodönöma.

1 Timoteo 5:8

Ja̧danö, ju'wibi yötawa. Jesúsnö ösödadötjö bakwo̧ iteda ömöledönö ite'ada̧lökötjö̧ma, iteda yöne ömöledönö ite'ada̧lökötjö̧ma, jo̧bama Cristonö ösödö dö̧ji̧ öpöjödo̧, ja̧danö Cristonö öpöjödo̧nötjö o̧penönö sulabo̧ jo̧bama.

Santiago 2:13

Chö̧ja̧wo̧dö, Diosma le jwiinö lȩebakobe jojodönö lȩlö̧jino edökönöma. Jo̧kwaobetjö̧ jojodönö lȩlö̧jino edö dö̧jobö jo̧be. Ja̧danö, jojodönö lȩlö̧jino dedenama di̧sekwobe, Böjȩnö ja̧nö jojodönö lȩlö̧jino dedobetjö̧ Dios ö̧jobekwö dichibenama lȩebökakwawö̧sa, jö̧ba̧lö.

Josué 2:13

Jau, isabenö debö di̧'yapji jö̧ba̧lö, chabe'donöbi, chojo'donöbi, chö̧ja̧wo̧dö yadönöbi ömadönöbi, ja̧danö jobadö yöne tjö̧möledönöbi tjö̧jibinö pjakataduwakwa̧ wene yöbawö kwujunaduwobö ateba, —jö̧ba̧lö balekwa mikwa pjatjatobö ajebinobe Rajabma.

Josué 2:18

Baikwö wedaduwakwö, baikwö kwitebo jojodönö dujuluwobö dichenama, bi'bo duwa'bo kwöno, a̧petukwöchobe öwawinö dedobö. Ja̧danö, okobe deinö yöne kwömöledönö ko̧ko̧dö kweju okwa tebatö bakobe kwö̧jaduwo, kwabe'dobi, kwojo'dobi, kwöjawo̧döbi, ju'wedö yöne kwömöledöbi.

Josué 2:19

Kweju okwatjö labebökönö kwö̧jaduwo, baikwö yöda̧la, bakwo̧ kwejutjö labebö, comunidad mananö ja̧nö debö i̧'yitjö̧ma, jo̧bada jawa, ökwödö jawamaökö, kwejutjö laebajobetjö, ja̧danö wene jwiinö dö̧jena. Jo̧kwaijayonö ökwökwö kweju okwa ju̧kwadötjö bakwo̧nöbi dömöledö israel jojodö kwabö lotjitjö̧ma, ja̧ma ökwödö jawaakobe, ja̧danö Dios ökwödönö lȩebobö ja̧kobe.

Josué 6:22

Jo̧kwaijayonö okobe deinö ju'wedö Jericonö ju̧kwadönö kwabawö lotjonö, Josuema ajayinö Jerico edö kwebachinadö du̧ju̧tajanö weinobe, —Isuju Rajab jejube tebachö, jejutjö öbibaduwi jojosujunöbi, okobe deinö jömöledönöbi, ajayinö jobujunö yöbawö kwujuninaduwa̧danö, —jö̧ba̧lö.

Josué 9:15

Ja̧danö, isabenö bidöma ödötjö ichajadö jö̧ba̧lö, Josuema jobadökwö dösölö̧jinö tjö̧jakwa̧ wene yöbawö ujuninobe, ja̧danö jobadönö yöbawö ujuninobe, —La'akatjöda ökwödönö kwabö lodökakwedösa, —jö̧ba̧lö. Ja̧danö israel jojodötjö luwedöma jobadönö yöbawö tjujuninobe, —Isabenö ökwödönö kwabö loditjö̧ma, Isabenö Jo̧ ökwödönö lȩebobö ja̧kobe, —jö̧ba̧lö.

Jueces 1:24

ja̧danö niji kwebachö edadöma bakwo̧ comunidadtjö laebobe tjedinobe, ja̧danö tjedenama, jo̧banö atjebinobe, —Luz comunidad teachakwawemi kwi̧sȩbo, wene jwiinö jobe tedachobö. Jejenö kwi̧sȩbitjö̧ma, ökwönö dösölöjinö dedakwedösa, ökwönö kwabö lobökönö, —jö̧ba̧lö.

1 Samuel 30:15

Yöawökwe, Davidma abebö a̧ja̧kwinobe, —Jobadö kwuluwo̧kwö kwebachadönö dichibobö öbibö pjakatakwa̧ji̧? —jö̧ba̧lö. Aebökwe, atadinobe: —Yetabi, chuluwo̧ ö̧jobe kwichobö pjatatitjö̧ma, ajayi chuluwo̧nö ötjönö tjekatena jö̧ba̧lö, ju'wibi ötjönö kwabö loköbena jö̧ba̧lö yetabi. Jo̧kwajabetjö̧, pjatatobö kwösöditjö̧ma, abönö Dios öba a'otjö yöbawö kwujunobö jo̧be, –La'akatjöda jejenö ja̧tökakwo̧sa, –jö̧ba̧lö. Jejenö yöbawö kwujunitjö̧ma, öbibö pjatatena, —jö̧ba̧lö atadinobe. Ja̧danö, jejenö atadökwe, aebaja̧danö yöbawö ujuninobe Davidma.