Josué 19:32 - Dios Iwene

³² Ja̧danö, jelemutjö bakwöta jawa baibanö yemidanö inawiya jabö tjedenama, Neftalisaso jojodö tjitebo baibanö 'da̧batö wetjobö badekwachinobe. Ja̧danö, Dios chiyocha jö̧ba̧lö yöbawö ujunina badekwachinö, Neftali i̧tji̧mu tupadanö jojodö bakwasokwena tjitebo baibanö 'da̧batö wetjinobe, baikwö:

Josué 19:32 Iomraidhean Croise

Génesis 35:25

Ja̧danö, Raquel jömöayuju Bilha mikwujutjö i̧tji̧muma bidö: Abönö pöe Dan, ikena luwo̧ Naftali.

Génesis 49:21

Ikenama Jacobma yöbawijetö itji̧ Naftalinö: —Naftali, ökwötjö tupadanö jojodöma ya̧masuju mejenö juluwanö, mebökönö ö'öba̧lujudanö ö'ötja̧lakwedö. Ja̧danö, jo̧badöma tji̧tji̧munö jwiinö otiwadönö 'yatjebakwedö— yöbawijetö Jacobma itji̧ Naftalinö.

1 Reyes 4:15

Salomon itjiju Basemat jilekwe Ajimaz mikwo̧ma, Neftalisaso niji la'aka luwo̧ ö̧jinobe.

Mateo 4:13

Ajayinöma Nazaret comunidadbe ȩwa̧jinobe, ikenama jobetjö labebö Capernaúm comunidadbe ja̧nö i̧'yinobe. Jobe Capernaúmma, o̧pesobu nöobu Galileasobu ö'öbö comunidad, ja̧danö Israel jojodötjö Zabulónsaso, ja̧danö Neftalísaso jojodö tjitebo.

Deuteronomio 33:23

—Ja̧danö Neftalisaso jojodönö baikwö yöta̧la: Isabenö Jo̧ otiwanö pjaatawö̧, Neftalisaso jojodönö. Jobadönö dösölöjinö ösödo̧ Isabenö Jo̧ma, ja̧danö tjitebo tjemakwa̧ nijima, Galilea o̧pesobu nijibi, jemi a̧li̧kwö nijibi tjemakwedö.

Josué 19:31

Jobekwö laebobe Aser itji̧mu tupadanö jojodö tjitebo baibanö niji 'da̧batö wetjinama. Damötjö Dios chiyocha jö̧ba̧lö tja'dödönö yöbawö ujunina wene badekwachinö, jejenö Dios wei̧danö 'da̧batö wetjinobe. Ja̧ comunidadbiyabi, ö'öbö pjei̧ comunidadteniabi, Asersaso jojodönö wetjinobe, tjitebo baibanö.

Josué 19:33

Neftali niji bakwachobema, Sananintjö jo̧wi, inesö nöowi Jelef comunidadtjö yöneawowi jamatö, ja̧danö jobetjö jawo̧ laebobekwö dötewobe, Adaminequeb comunidadbe, ja̧danö Jabnel comunidadbe, ja̧danö jemi tupakwö Lacun comunidadbe dötewobe, bajaliyanö Jordan ojwebe ichibanö.

Jueces 1:33

Ja̧danö Neftalisaso jojodöma Bet Semes comunidad jojodönöbi, Bet Anat comunidad jojodönöbi a'dewö lotjinokobe, ja̧danö jobadö ajayinö ja̧ niji ju̧kwinadö cananeos jojodö tjö̧'da̧de tjö̧jinobe. Ja̧danö, Neftalisaso jojodöma Bet Semes comunidadnö ju̧kwadönöbi, Bet Anat comunidadnö ju̧kwadönöbi wetjinobe, tjömöayedö babibö 'diinö tjotidobö.

Jueces 4:6

Ja̧danö, ju'wi möle bakwo̧ Neftalisaso comunidad Cedes jojo Barac mikwo̧nö jwöjinobe, jö̧jobekwö ichobö, ja̧danö ichibioko, jo̧banö yöjawinobe: —Barac, israel jojodö tjuluwo̧ Isabenö Jo̧ Diosma ökwönö weobe, –Neftalisaso jojodötjöbi, Zabulonsaso jojodötjöbi ölakwabikwawadö diez milbedönö ko̧ko̧di, ja̧danö ko̧ko̧dajo̧, jobadönö öbibö 'ya̧wi, Tabor mösa'obe.